Two Wheelers : దేశంలో అత్యధికంగా అమ్ముడయ్యే బైక్ హీరో స్ప్లెండర్ అన్న సంగతి అందరికీ తెలిసిందే. కానీ కొన్ని బ్రాండ్లకు మాత్రం డిమాండ్ ఎప్పటికీ తగ్గదు. బుల్లెట్ స్పీడుతో ఈ స్కూటర్లు, మోటార్సైకిళ్లు మార్కెట్లో హాట్కేకుల్లా అమ్ముడవుతాయి. కంపెనీలు కూడా ఈ మోడళ్ల డిమాండ్ను తీర్చడానికి తమ వంతు ప్రయత్నం చేస్తూనే ఉంటాయి. ఆర్థిక సంవత్సరం 2024-25 గణాంకాల ప్రకారం హీరో స్ప్లెండర్, ఎక్స్పల్స్ బ్రాండ్లు కలిసి 5,899,187 యూనిట్ల అమ్మకాల రికార్డును సృష్టించాయి. ఇందులో అత్యధికంగా అమ్ముడైన బ్రాండ్ స్ప్లెండర్ మాత్రమే. ఈ కాలంలో హీరో స్కూటర్ల అమ్మకాలు కూడా 5,476,495 యూనిట్లుగా ఉన్నాయి.
Also Read : తక్కువ ఈఎంఐలల్లో లభించే టూ వీలర్స్ ఇవే.. త్వరపడండి..
హీరో తర్వాత దేశంలో రెండవ అతిపెద్ద 2-వీలర్ కంపెనీ హోండా ఉంది. ఈ కాలంలో కంపెనీ మొత్తం అమ్మకాలు 58,31,104 యూనిట్లుగా ఉన్నాయి. అయితే హోండా యాక్టివా కంపెనీ యొక్క అత్యధికంగా అమ్ముడయ్యే బ్రాండ్గా నిలిచింది. టీవీఎస్ కూడా ఈ విషయంలో ముందుంది. కంపెనీ 2024-25లో 43.30 లక్షల యూనిట్ల అమ్మకాలు నమోదు చేసింది. కంపెనీ అత్యధికంగా అమ్ముడయ్యే బ్రాండ్లు టీవీఎస్ జూపిటర్, టీవీఎస్ స్పోర్ట్. అలాగే ప్రీమియం కేటగిరీలోని అపాచే బైక్ అమ్మకాలు కూడా ఈ కాలంలో బాగానే ఉన్నాయి.
దేశంలో అత్యధికంగా 2-వీలర్లను విక్రయించే విషయంలో బజాజ్ ఆటో నాల్గవ స్థానంలో ఉంది. కంపెనీ అమ్మకాలు 39.82 లక్షల యూనిట్లుగా ఉన్నాయి. బజాజ్ పల్సర్ బ్రాండ్ కంపెనీ అమ్మకాలను ఎప్పటిలాగే ఉన్నాయి. ఈ ఏడాది సుజుకి కూడా రికార్డు స్థాయిలో అమ్మకాలు నమోదు చేసింది. దేశంలో అత్యధికంగా అమ్ముడవుతున్న టాప్-5 బ్రాండ్లలో ఇది కూడా చేరిపోయింది. ఈ ఏడాది దీని అమ్మకాలు 12.56 లక్షల యూనిట్లుగా ఉన్నాయి. కంపెనీ సుజుకీ యాక్సెస్ స్కూటర్ బెస్ట్ పర్ఫామెన్స్ అందించిన స్కూటర్ గా ఈ ఏడాది నిలిచింది. ఈ ఏడాది రాయల్ ఎన్ఫీల్డ్ కూడా అమ్మకాల రికార్డును సృష్టించింది. ఈ ఏడాది కంపెనీ మొత్తం అమ్మకాలు 10 లక్షల యూనిట్లను దాటాయి.
Also Read : ఆఫీసుకు వెళ్లేందుకు బెస్ట్ బైక్ ఇదే… లీటరుకు ఏకంగా 70కి.మీ మైలేజ్
