Simple Ultra Electric Scooter: భారతదేశంలో ఎలక్ట్రిక్ స్కూటర్ల కొనుగోళ్ల సంఖ్య రోజురోజకు పెరిగిపోతోంది. ఈ ఎలక్ట్రిక్ టూ-వీలర్ విభాగంలో సరికొత్త విప్లవానికి తెరలేపుతూ సింపుల్ అల్ట్రా (Simple Ultra) ఎలక్ట్రిక్ స్కూటర్ అడుగుపెట్టింది. అత్యంత ఆధునిక సాంకేతికత, అద్భుతమైన పవర్తో రూపుదిద్దుకున్న ఈ హై-పెర్ఫార్మెన్స్ స్కూటర్, ప్రస్తుత EV మార్కెట్లోనే అత్యంత శక్తివంతమైన మోడళ్లలో ఒకటిగా నిలుస్తోంది. కేవలం సిటీ రైడింగ్కే పరిమితం కాకుండా, లాంగ్ రైడ్స్ చేయాలనుకునే వారిని దృష్టిలో ఉంచుకుని కంపెనీ దీనిని డిజైన్ చేసింది. మరి దీని గురించి తెలుసుకోవాలని ఆసక్తిగా ఉందా? అయితే ఈ కథనంలోకి వెళ్లండి..
Simple Ultra స్కూటర్ యొక్క ప్రధాన ఆకర్షణ బ్యాటరీ రేంజ్. ఇందులో అమర్చిన భారీ 6.5 kWh లిథియం అయాన్ బ్యాటరీ ప్యాక్ (డ్యూయల్ బ్యాటరీ సెటప్) ఇండస్ట్రీలోనే సరికొత్త రికార్డును సృష్టించింది. దీనిని ఒక్కసారి ఫుల్ ఛార్జ్ చేస్తే ఏకంగా 400 కిలోమీటర్ల వరకు ప్రయాణించవచ్చని (IDC రేంజ్) కంపెనీ పేర్కొంది. దీనివల్ల వాహనదారుల్లో ఉండే రేంజ్ ఆందోళన పూర్తిగా తొలగిపోతుంది. ఈ బ్యాటరీతో సిటీలో డ్రైవ్ చేసుకునేవారికి బాగా ఉపయోగపడతుంది.
ఈ స్కూటర్ సామర్థ్యం కోసం 8.8 kW PMSM మోటార్ ఉపయోగించారు. ఇది రోడ్డుపై అత్యంత వేగవంతమైన, స్థిరమైన రైడింగ్ అనుభవాన్ని అందిస్తుంది. కేవలం 2.77 సెకన్లలోనే 0 నుండి 40 కిమీ వేగాన్ని అందుకుంటుంది. గరిష్టంగా 115 కిలోమీటర్ల టాప్ స్పీడ్తో దూసుకుపోతుంది. నగరాల్లోని ట్రాఫిక్ను దాటుకుంటూ వెళ్లడానికే కాకుండా, హైవేలపై సుదూర ప్రయాణాలకు కూడా ఇది ఒక పర్ఫెక్ట్ ఎంపికగా మారుతుంది.
సాంకేతికత పరంగా సింపుల్ అల్ట్రా సరికొత్త బెంచ్మార్క్ను క్రియేట్ చేసింది. ఇందులో ఆండ్రాయిడ్ ఆధారిత ఆపరేటింగ్ సిస్టమ్తో పనిచేసే 7 అంగుళాల లార్జ్ TFT టచ్స్క్రీన్ డిస్ప్లేను ఉంచారు. దీని ద్వారా బ్లూటూత్ కనెక్టివిటీ, మ్యాప్మైఇండియా (MapmyIndia) ఆధారిత నావిగేషన్, కాల్, మ్యూజిక్ కంట్రోల్స్ వంటి సదుపాయాలను యాక్సెస్ చేయవచ్చు. అంతేకాకుండా, డిజిటల్ డాక్యుమెంట్ స్టోరేజ్, ఓవర్ ది ఎయిర్ (OTA) అప్డేట్స్, లైవ్ లొకేషన్ షేరింగ్, జియో ఫెన్సింగ్, టైమ్-ఫెన్సింగ్ వంటి అడ్వాన్స్డ్ ఫీచర్లు కూడా ఇందులో ఉన్నాయి.
వినియోగదారుల విభిన్న రైడింగ్ అవసరాలకు అనుగుణంగా ఇందులో బహుళ రైడింగ్ మోడ్స్ను చేర్చారు. ఇందులో Eco X, Eco, Ride, Air, Sonic, మరియు Sonic X అనే ఆరు రకాల మోడ్స్ ఉన్నాయి. ఎక్కువ మైలేజ్ కావాలనుకునే వారు ఎకో మోడ్స్ను, అత్యంత వేగవంతమైన పవర్ కావాలనుకునే వారు సోనిక్ మోడ్స్ను ఎంచుకోవచ్చు. వీటికి తోడు భద్రత కోసం ట్రాక్షన్ కంట్రోల్ (నాలుగు లెవెల్స్), హిల్ హోల్డ్ అసిస్ట్, రీజెనరేటివ్ బ్రేకింగ్, యాంటీ-థెఫ్ట్, టో అలర్ట్ మరియు స్కూటర్ కింద పడిపోతే పవర్ కట్ అయ్యే ‘డ్రాప్ సేఫ్’ ఫీచర్లను కూడా ఈ స్కూటర్ కలిగి ఉంది.
