Chicken Prices: ఆదివారం వచ్చిందంటే చాలు.. మాంసహారం తినాలని అనుకుంటారు. అయితే గత నెల రోజులుగా తెలుగు రాష్ట్రాల్లో చికెన్ ధరలు అమాంతం పెరిగాయి. మరోవైపు ఉష్ణోగ్రతలు అధికంగా నమోదు కావడంతో చాలా మంది చికెన్ వంటకాలకు దూరంగా ఉన్నారు. అయితే ప్రస్తుతం చికెన్ ధరలు అందుబాటులోకి వచ్చినట్లు తెలుస్తోంది. ఈరోజు చికెన్, గుడ్ల ధరలు ఎలా ఉన్నాయో చూద్దాం..
తెలుగు రాష్ట్రాల్లో గత కొన్ని రోజులుగా ఆకాశాన్ని తాకిన చికెన్ ధరలు కాస్త అదుపులోకి వచ్చాయి. గత వారం రోజులుగా మార్కెట్లో కిలో చికెన్ ధర రూ. 260 నుంచి రూ. 300 వరకు పలకడంతో సామాన్యులకు చుక్కలు కనిపించాయి. అయితే, తాజాగా సరఫరా పెరగడం, డిమాండ్ కొంత మేర తగ్గడంతో ధరల్లో మార్పులు చోటు చేసుకున్నాయని వ్యాపారులు చెబుతున్నారు.
ప్రస్తుతం వివిధ నగరాల్లో చికెన్ ధరలు అందుబాటులోకి వస్తున్నాయి. విశాఖపట్నంలో స్కిన్లెస్ చికెన్ కిలో రూ. 240 ఉండగా, విజయవాడలో అత్యల్పంగా రూ. 220కి విక్రయిస్తున్నారు. అదేవిధంగా అనకాపల్లి లో రూ. 230గా ధర నమోదైంది. తెలంగాణ విషయానికొస్తే .. హైదరాబాద్లో ప్రాంతాన్ని బట్టి కిలో చికెన్ రూ. 240 నుంచి రూ. 270 వరకు విక్రయిస్తున్నారు. వరంగల్, ఖమ్మం నగరాల్లో ధరలు స్థిరంగా రూ. 240 వద్ద ఉన్నాయి.
చికెన్ ధరలతో పాటు కోడిగుడ్ల ధరలు కూడా ప్రజలకు కొంత ఊరటనిస్తున్నాయి. ప్రస్తుతం హైదరాబాద్ మార్కెట్లో ఒక్కో గుడ్డు రూ. 6 చొప్పున విక్రయిస్తున్నారు. గతంతో పోలిస్తే ధరలు తగ్గుముఖం పట్టడంతో వినియోగదారులు కొంత ఉపశమనం వ్యక్తం చేస్తున్నారు. రాబోయే రోజుల్లో వాతావరణ పరిస్థితులు మరియు డిమాండ్ను బట్టి ఈ ధరల్లో మరిన్ని మార్పులు వచ్చే అవకాశం ఉందని మార్కెట్ నిపుణులు అంచనా వేస్తున్నారు.
