Redmi Turbo 5 launch confirmed: Redmi నుంచి మార్కెట్లోకి కొత్త ఫోన్ రాబోతుందంటే కొందరికి ఉత్సాహం ఉంటుంది. ఎందుకంటే ఈ మొబైల్స్ బడ్జెట్ కు అనుగుణంగా ఉంటాయి. ముఖ్యంగా మిడిల్ క్లాస్ పీపుల్ష్ ఈ కంపెనీ ఫోన్లను ఎక్కువగా ఇష్టపడుతూ ఉంటారు. అయితే లేటేస్ట్ గా ఈ కంపెనీ నుంచి రాబోతున్న అత్యంత శక్తివంతమైన స్మార్ట్ఫోన్ ‘రెడ్మీ టర్బో 5’. దీని గురించి టెక్ ప్రపంచంలో ఆసక్తికరమైన చర్చ నడుస్తోంది. ఈ ఫోన్ భారతీయ మార్కెట్లోకి ఎప్పుడు వస్తుంది? దీని ప్రత్యేకతలు ఏంటి?
Redmi Turbo 5 త్వరలోనే భారతీయ మార్కెట్లో విడుదల కాబోతోందని షావోమీ అధికారికంగా ప్రకటించింది. కానీ అసలైన తేదీని తెలపలేదు. అయితే తాజా సమాచారం ప్రకారం.. ఈ ఫోన్ జూన్ 2026 ప్రారంభంలో భారతీయ వినియోగదారులకు అందుబాటులోకి వచ్చే అవకాశం ఉంది. కొన్ని నివేదికలు జూన్ 18వ తేదీని లాంచ్ తేదీగా సూచిస్తున్నప్పటికీ, కంపెనీ నుండి ఖచ్చితమైన తేదీపై అధికారిక ప్రకటన రావాల్సి ఉంది. ఈ ఫోన్ అమెజాన్ (Amazon) ద్వారా కొనుగోలు చేయడానికి అందుబాటులో ఉంటుందని ఇప్పటికే కన్ఫమ్ అయ్యింది.
ఈ స్మార్ట్ఫోన్ ప్రీమియం లుక్తో రానుంది. ఇందులో 6.59 అంగుళాల 1.5K అమోలెడ్ (AMOLED) డిస్ప్లేను అందించనున్నారు. 120Hz రిఫ్రెష్ రేట్తో వస్తుండటంతో గేమింగ్, వీడియో ప్లేబ్యాక్ అనుభవం చాలా స్మూత్గా ఉండనుంది. ఇది డాల్బీ విజన్ మరియు హెచ్డిఆర్ 10+ (HDR10+) సపోర్ట్తో రానుండటంతో డిస్ప్లే క్వాలిటీ అద్భుతంగా ఉంటుందని భావిస్తున్నారు.
టర్బో 5 ఫోన్ పర్ఫార్మెన్స్కు అధిక ప్రాధాన్యతనిస్తూ వస్తోంది. ఇందులో మీడియాటెక్ డైమెన్సిటీ 8500 అల్ట్రా చిప్సెట్ ఉండనుంది. ఇది వేగవంతమైన 12GB వరకు ర్యామ్, UFS 4.1 స్టోరేజ్ తో జత చేయబడనుంది. సాఫ్ట్వేర్ విషయానికి వస్తే.. ఇందులో ఆండ్రాయిడ్ 16 ఆధారిత హైపర్ ఓఎస్ (HyperOS) పై పనిచేయనుంది.
ఈ ఫోన్ యొక్క అతిపెద్ద హైలైట్ దాని బ్యాటరీ. ఇందులో ఏకంగా 7,560mAh సామర్థ్యం గల భారీ బ్యాటరీని అందించారు. దీనిని వేగంగా ఛార్జ్ చేయడానికి 100W ఫాస్ట్ ఛార్జింగ్ సపోర్ట్ కూడా ఉంది. ఇక కెమెరా విషయానికి వస్తే.. వెనుక భాగంలో OIS సపోర్ట్తో కూడిన 50MP ప్రైమరీ కెమెరా, 8MP అల్ట్రా-వైడ్ లెన్స్, ముందు భాగంలో సెల్ఫీల కోసం 20MP కెమెరా ఉండనున్నాయి.
రెడ్మీ టర్బో 5 ధర భారతదేశంలో రూ.40,000 లోపు ఉండే అవకాశం ఉందని మార్కెట్ నిపుణులు అంచనా వేస్తున్నారు. చైనాలో ఇది ఇప్పటికే లాంచ్ అయినందున, భారత్లో కూడా అదే తరహా ఫీచర్లతో వస్తుందని లీకులు చెబుతున్నాయి. దీనికి తోడు IP69 రేటింగ్ వంటి వాటర్ మరియు డస్ట్ రెసిస్టెన్స్ ఫీచర్లు కూడా ఉండటం వల్ల, ప్రీమియం మిడ్-రేంజ్ సెగ్మెంట్లో ఇది బలమైన పోటీదారుగా నిలవనుంది.
