2000 Rupee Note : 2000 రూపాయల నోటు గురించి ఆర్బీఐ కీలక అప్ డేట్.. మిగిలిన నోట్లు ఇలా డిపాజిట్ చేయవచ్చు

2000 Rupee Note : మన దేశంలో స్వాతంత్ర్యానికి ముందు నుంచి పెద్ద నోట్లను ప్రవేశపెట్టడం, తరువాత రద్దు చేయడం జరుగుతోంది. దేశంలో ఒకప్పుడు రూ.10,000 నోట్లు ఉపయోగించబడ్డాయి. 90లలో జన్మించిన వారికి పెద్ద నోట్లు రూ.500 , రూ.1000. అయితే, వీటిని కేంద్ర ప్రభుత్వం 2016లో రద్దు చేసింది. వాటి స్థానంలో రూ.500, రూ.2000 కొత్త నోట్లు మార్కెట్లోకి వచ్చాయి. మళ్ళీ 2019లో క్లీన్ నోట్ విధానం కింద, రూ.2000 నోట్లను చెలామణి నుండి ఉపసంహరించుకున్న విషయం తెలిసిందే. ఇప్పుడు రూ.500 నోటు మాత్రమే పెద్ద నోటు. అవి మాత్రమే మార్కెట్లో అందుబాటులో ఉన్నాయి. 2000 నోటుకు సంబంధించి రిజర్వ్ బ్యాంక్ ఆఫ్ ఇండియా నేడు కీలక అప్‌డేట్ ఇచ్చింది. 2000 నోట్లలో 98.12 శాతం బ్యాంకింగ్ వ్యవస్థలోకి తిరిగి వచ్చినట్లు ఆర్బీఐ బుధవారం వెల్లడించింది. అయితే రూ.6,691 కోట్ల విలువైన రూ.2000 నోట్లు ఇప్పటికీ ప్రజల వద్ద ఉన్నాయి. మే 19, 2023 న, 2000 రూపాయల నోట్లను చెలామణి నుండి తొలగిస్తున్నట్లు ఆర్బీఐ ప్రకటించింది.

ఇది నోట్ల సంఖ్య
2023 మే 19న రూ.2000 నోట్ల మొత్తం విలువ దాదాపు రూ.3.56 లక్షల కోట్లు. డిసెంబర్ 31, 2024 నాటికి రూ.6,691 కోట్లకు మాత్రమే తగ్గింది. అంటే మొత్తం రూ.2000 నోట్లలో 98.12 శాతం బ్యాంకింగ్ వ్యవస్థకు తిరిగి వచ్చాయి. 19 మే 2023 నుండి 7 అక్టోబర్ 2023 వరకు, రూ 2000 నోట్లను ఏదైనా బ్యాంకు శాఖలో డిపాజిట్ చేయవచ్చు లేదా మార్చుకునేందుకు అవకాశం ఇచ్చింది.

ఈ నోట్లను డిపాజిట్ చేయవచ్చు
దీని తరువాత, ఈ సదుపాయం ఇప్పటికీ ఆర్బీఐ 19 ప్రాంతీయ కార్యాలయాల్లో అందుబాటులో ఉంది. అక్టోబర్ 9, 2023 నుండి, ప్రజలు ఆర్బీఐ కార్యాలయంలో రూ.2000 నోట్లను డిపాజిట్ చేయవచ్చు. ఇది కాకుండా, ప్రజలు ఈ నోట్లను ఇండియా పోస్ట్ ద్వారా కూడా పంపవచ్చు. దీంతో ఆ నోట్లను ఆర్బీఐ కార్యాలయంలో డిపాజిట్ చేయాలి. అలాగే వారి ఖాతాలో జమ చేసుకోవచ్చు.

ఈ నగరాల్లో నోట్లను డిపాజిట్ చేయవచ్చు
2000 రూపాయల నోట్లు ఇప్పటికీ చెల్లుబాటులో ఉన్నాయి. వాటిని ఉపయోగించవచ్చని అర్థం. 2000 రూపాయల నోట్లను డిపాజిట్ చేయడానికి లేదా మార్చుకోవడానికి భారతదేశంలో 19 ఆర్బీఐ కార్యాలయాలు ఉన్నాయి. ఇవి వివిధ నగరాల్లో ఉన్నాయి. వీటిలో అహ్మదాబాద్, బెంగళూరు, బేలాపూర్, భోపాల్, భువనేశ్వర్, చండీగఢ్, చెన్నై, గౌహతి, హైదరాబాద్, జైపూర్, జమ్ము, కాన్పూర్, కోల్‌కతా, లక్నో, ముంబై, నాగ్‌పూర్, న్యూఢిల్లీ, పాట్నా, తిరువనంతపురం ఉన్నాయి. రూ.2000నోట్లను ఇప్పటికీ కలిగి ఉన్న వారు ఈ కార్యాలయాల్లో డిపాజిట్ చేయడానికి ఆర్బీఐ అవకాశం కల్పించింది.