Maruti Suzuki Fronx : ఇండియాలో తయారైన ఒక చౌకైన కారు ఇప్పుడు అంతర్జాతీయంగా సంచలనం సృష్టిస్తోంది. ఏకంగా హ్యుందాయ్ వెర్నా వంటి పేరుగాంచిన మోడల్ ను కూడా వెనక్కి నెట్టి, అత్యధికంగా ఎగుమతి అవుతున్న మేడ్ ఇన్ ఇండియా వాహనంగా అవతరించింది. తక్కువ ధరలోనే అద్భుతమైన ఫీచర్లను అందిస్తూ, విదేశీ మార్కెట్లలోనూ తన ప్రత్యేకతను చాటుకుంటోంది. ఇంతకీ ఆ కారు ఏది? దాని ప్రత్యేకతలు ఏమిటి? ఎందుకు అంతగా డిమాండ్ ఉంది? తెలుసుకుందాం పదండి!
Also Read: భారత్ – పాక్ “ఇమీడియట్ సీజ్ ఫైర్” .. ట్రంప్ ఏం చేసి ఉంటాడు?
ఏప్రిల్ 2023లో మొదటిసారిగా విడుదలైన మారుతి సుజుకి ఫ్రాంక్స్ అత్యధికంగా ఎగుమతి అవుతున్న మేడ్ ఇన్ ఇండియా కారుగా నిలిచింది. ఫ్రాంక్స్ హ్యుందాయ్ వెర్నాను కూడా దాటేసింది. మారుతి ఫ్రాంక్స్ ప్యాసింజర్ వాహనాలతో పాటు యూవీ సెగ్మెంట్లో కూడా కొత్త మేడ్-ఇన్-ఇండియా ఎగుమతి మోడల్. మారుతి సుజుకి 2025లో తయారైన మోడల్ మొత్తం 69,133 యూనిట్ల ఫ్రాంక్స్ను ఎగుమతి చేసింది. ఇది 2024 ఆర్థిక సంవత్సరంలో ఎగుమతి చేసిన 14,887 యూనిట్లతో పోలిస్తే 364శాతం వృద్ధిని సూచిస్తుంది. ఈ సమయంలో 2024 ఆర్థిక సంవత్సరంతో పోలిస్తే 2025ఆర్థిక సంవత్సరంలో హ్యుందాయ్ వెర్నా ఎగుమతులు 52,615 యూనిట్లుగా ఉన్నాయి.
2025 ఆర్థిక సంవత్సరంలో ఫ్రాంక్స్ ఐదు స్థానాలు ఎగబాకి ఎగుమతి చేయబడే కొత్త నంబర్ 1 యూవీగా అవతరించింది. జపాన్ నుంచి డిమాండ్ పెరగడం వల్ల ఫ్రాంక్స్ ఎగుమతులు ఊపందుకున్నాయి. ఆగస్టు 13, 2024న 1,600 ఫ్రాంక్స్ ఎస్యూవీల మొదటి సరుకు పిపావావ్ పోర్ట్ నుంచి జపాన్లోని సుజుకి మోటార్ కార్పొరేషన్కు పంపబడింది. దీంతో ఫ్రాంక్స్ జపాన్లో విడుదలైన మొదటి భారతీయ OEM SUVగా నిలిచింది. 2016లో బాలెనో హ్యాచ్బ్యాక్ తర్వాత జపనీస్ మార్కెట్ కోసం ఇది రెండవ మేడ్-ఇన్-ఇండియా మోడల్.
జపాన్లో అదరగొడుతున్న ఫ్రాంక్స్ మోడల్
అన్ని విదేశీ మార్కెట్ల మాదిరిగానే జపాన్లోని ఫ్రాంక్స్లో మైల్డ్ హైబ్రిడ్ టెక్నాలజీతో కూడిన 1.5-లీటర్ పెట్రోల్ ఇంజన్ ఉంది. ఆసక్తికరమైన విషయం ఏమిటంటే.. ఇతర మార్కెట్లలో ఫ్రాంక్స్ను కేవలం FWD (ఫ్రంట్ వీల్ డ్రైవ్) సిస్టమ్తో విక్రయిస్తుండగా, జపాన్లో ఫ్రాంక్స్ను AWD (ఆల్ వీల్ డ్రైవ్) టెక్నాలజీతో విక్రయిస్తున్నారు. జపాన్లో స్మార్ట్ మార్కెటింగ్ కూడా ఫ్రాంక్స్ డిమాండ్ను పెంచడంలో సహాయపడింది. తమ స్వదేశీ మార్కెట్లో SUVని రిలీజ్ చేయడానికి ముందే సుజుకి మోటార్ కార్పొరేషన్ టోక్యో, నాగోయా, ఒసాకాలను కలిపే తమ ప్రసిద్ధ షింకన్సేన్ లేదా బుల్లెట్ రైలు స్టేషన్లు/నెట్వర్క్లలో భారతదేశంలో తయారైన ఎస్యూవీని ప్రచారం చేయడం ప్రారంభించింది.
భారత్లో ఫ్రాంక్స్ ధర ఎంత?
భారతదేశంలో మారుతి ఫ్రాంక్స్ రూ.7.54 లక్షల నుంచి రూ.13.04 లక్షల ఎక్స్-షోరూమ్ ధర వద్ద అందుబాటులో ఉంది. ఫ్రాంక్స్ మొత్తం 16 వేరియంట్లలో అమ్ముడవుతుంది. ఫ్రాంక్స్ బేస్ మోడల్ సిగ్మా, టాప్ మోడల్ ఆల్ఫా. మారుతి సుజుకి ఫ్రాంక్స్ ఒక సబ్-కాంపాక్ట్ క్రాస్ఓవర్ ఎస్యూవీ, ఇది కూపే లాంటి డిజైన్ను కలిగి ఉంది. మారుతి సుజుకి కార్లు సాధారణంగా మంచి మైలేజీని ఇస్తాయి. ఇది మోడల్, వేరియంట్ను బట్టి లీటరుకు దాదాపు 16 కిలోమీటర్ల నుంచి 30 కిలోమీటర్ల వరకు ఉంటుంది.
