iQOO Pad 6 Pro Gaming Tablet: ప్రమఖ మొబైల్ సంస్థ iQOO తాజాగా సరికొత్త ఫ్లాగ్షిప్ టాబ్లెట్ iQOO Pad 6 Proను చైనాలో విడుదల చేసింది. నేటి యువత ఎక్కువగా గేమింగ్ కోరుకుంటున్నారు. ఇలాంటి వారికి మొబైల్ కంటే టాబ్లెట్ ఎంతో ఉపయోగపడే అవకాశం ఉందని గ్రహించిన ఈ సంస్థ శక్తివంతమైన ఫీచర్లతో దీనిని మార్కెట్లోకి తీసుకువచ్చింది. ఈ టాబ్లెట్ గురించి పూర్తి వివరాల్లోకి వెళితె..
iQOO Pad 6 Pro టాబ్లెట్ 13.2 అంగుళాల IPS LCD డిస్ప్లేను కలిగి ఉంది. ఇది 144Hz రిఫ్రెష్ రేట్ తో 4K రిజల్యూషన్ తో పనిచేస్తుంది. 1200 నిట్స్ పీక్ బ్రైట్నెస్, డాల్బీ విజన్ సపోర్ట్తో వస్తుంది. భారీ స్క్రీన్ అయినప్పటికీ ఇది కేవలం 6.1 మి.మీ. మందంతో చాలా సన్నగా , స్టైలిష్గా ఉంటుంది. దీని బరువు సుమారు 663 గ్రాములు మాత్రంమే.
ఈ టాబ్లెట్ లో అత్యంత శక్తివంతమైన Snapdragon 8 Elite Gen 5 చిప్సెట్ను ఉపయోగించారు. ఇది 3nm ప్రాసెస్పై ఆధారపడి పనిచేస్తుంది. ఈ ప్రాసెసర్ మల్టీ టాస్కింగ్ తో పాటు గేమింగ్ కోసం ఇందులో 16GB వరకు RAM సపోర్టు చేస్తుంది. అలాగే 512GB వరకు UFS 4.1 స్టోరేజ్ ఆప్షన్లు ఉన్నాయి. ఇది వేడెక్కకుండా ఉండేందుకు ఇందులో భారీ ‘VC వేపర్ ఛాంబర్’ కూలింగ్ సిస్టమ్ను అమర్చారు.
ఇందులో 13,000mAh సామర్థ్యం గల భారీ బ్యాటరీ ఉండనుంది. దీంతో ఇది సుదీర్ఘ బ్యాకప్ను అందిస్తుంది. దీనిని ఛార్జ్ చేయడానికి 66W ఫాస్ట్ ఛార్జింగ్ సపోర్ట్ ఉంది. సాఫ్ట్వేర్ పరంగా ఇది ఆండ్రాయిడ్ 16 ఆధారిత OriginOS 6 ఆపరేటింగ్ సిస్టమ్పై పనిచేస్తుంది. ఇది టాబ్లెట్ కోసం ప్రత్యేకంగా రూపొందించిన పిసి-లెవల్ మల్టీ టాస్కింగ్ ఫీచర్లను అందిస్తుంది.
కెమెరా ఫీచర్స్ లో భాగంగా ఇందులో ఫోటోగ్రఫీ కోసం 13MP బ్యాక్ కెమెరా, సెల్ఫీలు, వీడియో కాల్స్ కోసం 8MP ఫ్రంట్ కెమెరా ఉన్నాయి. ఆడియో కోసం ఇందులో 8-స్పీకర్ పనోరమిక్ ఆడియో సిస్టమ్ను అందించారు. గేమింగ్ కోసం ప్రత్యేకంగా ‘Monster Over-core Engine’ ను ఇందులో చేర్చారు, ఇది గేమ్లలో స్థిరమైన ఫ్రేమ్ రేట్ను ఉంచడానికి సహాయపడుతుంది.
ప్రస్తుతానికి ఈ టాబ్లెట్ చైనాలో అందుబాటులోకి వచ్చింది. దీని బేస్ వేరియంట్ (8GB+256GB) ధర సుమారు 4,499 యువాన్లు (సుమారు ₹64,000) నుండి ప్రారంభమవుతుంది. ఈ టాబ్లెట్ గేమర్స్, క్రియేటర్లకు ఒక పవర్ఫుల్ ఆప్షన్గా నిలుస్తుందని కంపెనీ ప్రతినిధులు తెలుపుతున్నారు.
