Gold Price Today: కొన్ని రోజులుగా భయపెట్టిన బంగారం ధరలు ఆదివారం గుడ్ న్యూస్ చెప్పాయి. ఒక్కరోజులో రూ.250 తగ్గడంతో కొనుగోలుదారుల్లో హర్షం వ్యక్తమవుతోంది. శుభకార్యాలు జరుగుతున్న వేళ ప్రస్తుతం బంగారం కాస్త తగ్గడంతో షాపుల వైపు వెళ్తున్నారు. అంతర్జాతీయంగా నేడు బంగారం స్టాట్ గోల్డ్ రేటు ఔన్స్ కు 2234 డాలర్లు పలుకుతోంది. సిల్వర్ రేటు ఔన్స్ కు 24.99 డాలర్లుగా ఉంది. ఈ నేపథ్యంలో దేశీయంగా బంగారం ధరలు ఎలా ఉన్నాయంటే?
బులియన్ మార్కెట్ ప్రకారం.. మార్చి 31న ఓవరాల్ గా 22 క్యారెట్ల 10 గ్రాముల బంగారం ధర రూ.62,900గా నమోదైంది. 24 క్యారెట్ల పసిడి 10 గ్రాములకు రూ.68,600 గా ఉంది. మార్చి30న 22 క్యారెట్ల 10 గ్రాముల బంగారం రూ.63,000తో విక్రయించారు. 10 గ్రాముల బంగారానికి శనివారంతో పోలిస్తే ఆదివారం రూ. 250కు తగ్గింది. దేశంలోని ప్రధాన నగరాల్లో బంగారం ధరలు ఎలా ఉన్నాయో చూద్దాం..
న్యూఢిల్లీలో 22 క్యారెట్ల 10 గ్రాముల బంగారం ధర రూ.62,900 ఉండగా.. 24 క్యారెట్ల గోల్డ్ రూ.68,600గా నమోదైంది.ఆర్థిక రాజధాని ముంబైలో 22 క్యారెట్ల 10 గ్రాముల బంగారం రూ.62,750 కొనసాగుతోంది. 24 క్యారెట్లు రూ.68,450 పలుకుతోంది. చెన్నైలో 22 క్యారెట్ల బంగారం 10 గ్రాములకు రూ.63,700 పలుకుతోంది. 24 క్యారెట్ల 10 గ్రాములకు రూ.69,490తో విక్రయిస్తున్నారు. బెంగుళూరులో 22 క్యారెట్ల బంగారం 10 గ్రాములకు రూ.62,700 పలుకుతోంది. 24 క్యారెట్ల 10 గ్రాములకు రూ.69,490తో విక్రయిస్తున్నారు. హైదరాబాద్ లో 22 క్యారెట్ల బంగారం 10 గ్రాముల ధర రూ.62,750తో విక్రయిస్తున్నారు. 24 క్యారెట్ల 10 గ్రాములకు రూ.68,450తో విక్రయిస్తున్నారు.
బంగారం ధరలు తగ్గినా వెండి ధరల్లో మాత్రం ఎటువంటి మార్పులు లేకుండా కొనసాగాయి. ఆదివారం ఓవరాల్ గా కిలో వెండి రూ.77,000గా నమోదైంది. న్యూ ఢిల్లీలో కిలో వెండి రూ.78,000గా ఉంది. ముంబైలో రూ..78,000, చెన్నైలో రూ.81,000, బెంగుళూరులో 77,000, హైదరాబాద్ లో రూ.81,000తో విక్రయిస్తున్నారు.
