Gold And Silver Prices: ఏడాదిగా భారీగా పెరుగుతూ వచ్చిన బంగారం, వెండి ధరలు రెండు రోజులుగా రికార్డు స్థాయిలో పతనం అవుతున్నాయి. 2025 ప్రారంభంలో 10 గ్రాముల బంగారం రూ.లక్ష లోపు ఉండగా, ఇప్పుడు రూ.1.50 లక్షలు దాటింది. ఈ జనవరిలో 26 శాతం పెరిగింది. ఇక వెండి ధర గత జనవరిలో కిలో రూ.70 వేలు ఉండగా ఈ జనవరిలో 56 శాతం పెరిగి రూ.3.50 లక్షలకు చేరింది. అయితే సడెన్గా ధరల పతనం ఆశ్చర్యానికి గురిచేస్తోంది.
ఎత్తు నుంచి పతనం వైపు..
2025లో భారత్లో ఈ లోహాలు గణనీయ రైజ్ చూపాయి. గరిష్ట స్థాయికి చేరిన తర్వాత కొనుగోళ్లు ఆగిపోయాయి. పెట్టుబడిదారులు దూరమయ్యారు. ఇప్పటికే కొన్నవారు లాభాలు లాక్ చేసుకోవడానికి అమ్మకాలు మొదలుపెట్టారు. డాలర్ విలువ 0.4% పెరగడం ఈ ట్రెండ్ను మరింత ఊర్చింది.
ట్రంప్, జెరోమ్ ఘర్షణ ప్రభావం..
ధరల పతనానికి మూల కారణం అమెరికాలో రాజకీయ టెన్షన్స్. ట్రంప్, ఫెడరల్ రిజర్వ్ చైర్మన్ జెరోమ్ పౌవెల్ మధ్య దీర్ఘకాల విభేదాలు తీవ్రమయ్యాయి. ట్రంప్ వడ్డీ రేట్లు తగ్గించమని ఒత్తిడి తెచ్చాడు, కానీ పౌవెల్ స్వతంత్రంగా పని చేయాలని నిరసిస్తున్నారు. పౌవెల్ తనపై క్రిమినల్ ఇన్వెస్టిగేషన్కు ఆదేశించారని, డాలర్ బలోపేత చర్యలు చేపట్టానని ప్రకటించారు. ట్రంప్ పౌవెల్ను నియమించినా, మేలో పదవి ముగియనుంది. కానీ, ట్రంప్ ఆరు నెలల ముందే పావెల్ వారసుడుగా కెవిన్ వార్స్ను ప్రకటించడం గందరగోళాన్ని మేల్కొల్పింది.
కుప్పకూలిన అమెరికా మార్కెట్లు..
ట్రంప్ విధానాల వల్ల అమెరికా స్టాక్ మార్కెట్లు క్రాష్ అయ్యాయి. ఈ అస్థిరత ప్రపంచ పెట్టుబడిదారులను భయపెట్టింది. బంగారం, వెండి వంటి సేఫ్ హేవెన్ ఆస్తులు కూడా అమ్మకాలకు గురయ్యాయి. భారత్లో డిమాండ్ తగ్గడంతో ధరలు మరింత పడిపోయాయి.
బంగారం, వెండి ధరల పతనం అవకాశాలను అందిస్తోంది – తక్కువ ధరల్లో కొనుగోలు చేయవచ్చు. కానీ ట్రంప్ అడ్మినిస్ట్రేషన్ మార్పులు, ఫెడ్ పాలసీలు దృష్టిలో ఉంచుకోవాలి. షార్ట్–టర్మ్ వోలటాలిటీ ఉంటుంది, లాంగ్–టర్మ్ ఇన్వెస్టర్లు ఓపిక పాటించాలి.
