Medical Shop
Medical Shop : మందుల రిటైల్ వ్యాపారం ఎప్పుడూ లాభాల బాటలోనే జరుగుతుంది. అంతేకాకుండా, మందుల వ్యాపారంలో రిటైల్ దుకాణాల యజమానులు కూడా మంచి లాభాలను పొందుతున్నారు. మీరు మీ నగరంలో మెడికల్ స్టోర్ తెరవాలని ప్లాన్ చేస్తుంటే, మెడికల్ స్టోర్‌లో వచ్చే లాభాలు ఎలా ఉంటాయి.. దానిని ఎలా తెరవాలో ఈ వార్తా కథనంలో వివరంగా తెలుసుకుందాం. ఆ తర్వాత మీరు సులభంగా మెడికల్ స్టోర్ తెరవవచ్చు. మెడికల్ స్టోర్ తెరవడానికి, ఫార్మసీలో డిగ్రీ లేదా డిప్లొమా (B.Pharm లేదా D.Pharm) అవసరం. మీకు ఈ డిగ్రీ లేకుంటే, మీరు అర్హత కలిగిన ఫార్మసిస్ట్‌ను నియమించుకోవాలి. మెడికల్ స్టోర్ తెరవడానికి ఇలాంటి కొన్ని నియమాలు ఉన్నాయి.
డ్రగ్ కంట్రోలర్ ఆఫీసు నుండి లైసెన్స్
మెడికల్ స్టోర్ ప్రారంభించాలంటే మీరు తప్పనిసరిగా ఫార్మసీ డిగ్రీ లేదా డిప్లొమా కలిగి ఉండాలి. ఆ తర్వాత మీరు స్టేట్ ఫార్మసీ కౌన్సిల్, డ్రగ్ కంట్రోల్ ఆఫీసర్ నుండి డ్రగ్ లైసెన్స్ పొందవలసి ఉంటుంది. దీని కోసం మీరు క్రింద పేర్కొన్న పత్రాలను అందించాలి.
* ఫార్మసిస్ట్ రిజిస్ట్రేషన్ సర్టిఫికేట్.
* మెడికల్ స్టోర్ లొకేషన్ మ్యాప్.
* యజమాని ఆధార్ కార్డ్, పాన్ కార్డ్.
* దుకాణం రెంటల్ అగ్రిమెంట్ లేదా యాజమాన్య ధృవీకరణ పత్రం.
డ్రగ్ లైసెన్స్ కోసం ఎలా దరఖాస్తు చేయాలి?
మీరు ఆఫ్‌లైన్ , ఆన్‌లైన్‌లో డ్రగ్ లైసెన్స్ కోసం దరఖాస్తు చేసుకోవచ్చు. ఆన్‌లైన్ కోసం మీరు రాష్ట్ర ప్రభుత్వ ఔషధ నియంత్రణ(State government drug control) వెబ్‌సైట్‌కు వెళ్లాలి ఆఫ్‌లైన్ కోసం, మీరు డ్రగ్ ఇన్‌స్పెక్టర్ కార్యాలయంలో దరఖాస్తు చేసుకోవాలి. డ్రగ్ లైసెన్స్‌లు రెండు రకాలు, ఒకటి రిటైల్ లైసెన్స్, మరొకటి హోల్‌సేల్ లైసెన్స్.
జీఎస్టీ నమోదు తప్పనిసరి
మీరు పన్నులు చెల్లించడానికి, వినియోగదారులకు చెల్లుబాటు అయ్యే బిల్లులను జారీ చేయడానికి జీఎస్టీ నమోదు అవసరం. www.gst.gov.inలో GST రిజిస్ట్రేషన్ కోసం దరఖాస్తు చేసుకోండి. ఇది కాకుండా, మీరు జనరల్ మెడిసిన్, యాంటీబయాటిక్, పెయిన్ కిల్లర్, స్పెషలైజ్డ్ మెడిసిన్ స్టాక్‌ను కొనుగోలు చేయాలి. మందుల గడువు తేదీని గుర్తుంచుకోండి.
మెడికల్ స్టోర్‌లో పెట్టుబడి, లాభం
మెడికల్ స్టోర్ ప్రారంభించాలంటే మందులు, లైసెన్స్ ఫీజులు, సెటప్ ఖర్చులు కలిపి రూ.5 నుంచి 10 లక్షల వరకు పెట్టుబడి పెట్టాలి. మీరు మందులను రిటైల్‌గా అమ్మినప్పుడు, మీకు 16 నుండి 25 శాతం లాభం వస్తుంది. మీరు మందులను హోల్‌సేల్ ధరలకు అమ్మినప్పుడు మీకు 30 నుండి 40 శాతం లాభం వస్తుంది.
బ్రాండెడ్ లేదా ఫ్రాంచైజ్ మోడల్ ఎంపిక
మీ స్వంత ఔషధ వ్యాపారాన్ని ప్రారంభించకూడదనుకుంటే.. మీరు ప్రసిద్ధ బ్రాండ్ ఫ్రాంచైజీని తీసుకొని మెడికల్ స్టోర్‌ను తెరవవచ్చు. మెడికల్ స్టోర్ తెరిచేటప్పుడు నియమాలు , చట్టపరమైన విధానాలను పాటించడం తప్పనిసరి. తప్పుడు మందులు విక్రయించినా లేదా నిబంధనలను విస్మరించినా లైసెన్స్‌ను రద్దు చేయవచ్చు.
