కేంద్రంలో అధికారంలో ఉన్న మోదీ సర్కార్ కరోనా కష్ట కాలంలో ప్రజలు ఇబ్బందులు పడుతున్న నేపథ్యంలో కీలక నిర్ణయం తీసుకుంది. ట్రాన్స్ జెండర్ల ఖాతాలలో నగదు జమ చేయడానికి కేంద్ర ప్రభుత్వం సిద్ధమవుతోంది. కేంద్రం అందించే నగదును పొందాలనుకునే ట్రాన్స్ జెండర్లు ఈ నెల 31వ తేదీలోగా దరఖాస్తు చేసుకోవాల్సి ఉంటుంది. కరోనా కష్టకాలంలో ట్రాన్స్ జెండర్లకు ఊరట కలిగేలా కేంద్రం నిర్ణయం తీసుకోవడం గమనార్హం.
కేంద్రం తీసుకున్న నిర్ణయాన్ని ట్రాన్స్ జెండర్లు ప్రశంసిస్తున్నారు. ట్రాన్స్జెండర్ కమ్యూనిటీ సభ్యులు కేంద్రం సహాయం కావాలని కాల్స్, ఈ మెయిల్స్ చేయడంతో కేంద్రం ఈ నిర్ణయం తీసుకోవడం గమనార్హం. తక్షణ సహాయంగా కేంద్రం 1,500 రూపాయలు జీవనాధార భత్యంగా ట్రాన్స్ జెండర్ల ఖాతాలలో జమ చేయనుంది. ట్రాన్స్జెండర్ సమాజానికి రోజువారీ అవసరాలను తీర్చడానికి కేంద్రం తీసుకున్న నిర్ణయం సహాయపడుతుంది.
ఎన్జీఓలు, కమ్యూనిటీ-ఆధారిత సంస్థలు ఈ ఆర్థిక సహాయం గురించి ట్రాన్స్ జెండర్లకు అవగాహన కల్పించాలని కేంద్రం కోరింది. కేంద్రంలో అధికారంలో ఉన్న మోదీ సర్కార్ ఆర్థిక సహాయం చేయడంతో పాటు రేషన్ కిట్లను అందించడం గమనార్హం. ఈ ఆర్థిక సహాయం పొందాలని భావించే ట్రాన్స్జెండర్లు ఆధార్ నెంబర్, బ్యాంక్ అకౌంట్, మొబైల్ నెంబర్ వంటి వివరాలను అందజేయాల్సి ఉంటుంది.
https://docs.google.com/forms/d/e/1faipqlsec0eobnsc_wkejzysof13dcwjabbm8jqeibib5ipdjcuewla/viewform లింక్ ద్వారా కేంద్రం అందించే సహాయం కోసం దరఖాస్తు చేసుకోవచ్చు. దరఖాస్తుకు మరో ఆరు రోజులు మాత్రమే గడువు ఉన్న నేపథ్యంలో అర్హత ఉన్నవాళ్లు త్వరగా దరఖాస్తు చేసుకుంటే మంచిది.
