Biscuit : మన దేశంలో బిస్కెట్ కంపెనీలు(Bisket Companies) చాలా సందర్భాల్లో వినియోగదారులను మోసం చేసే విధానాలను అవలంబిస్తున్నాయి. రేపర్పై ఒక విధంగా.. బిస్కెట్ తయారీ సమయంలో ఒక విధంగా వ్యవహరిస్తున్నాయి. ఇటీవలే ఓ కంపెనీ బిస్కెట్ ప్యాకెట్లో బిస్కెట్ తక్కువగా ఉండడంతో కోర్టు భారీగా జరిమానా విధించింది. అయినా కంపెనీల మోసాలు(Companies Cheetiongs) ఆగడం లేదు. చాలా మంది బ్రాండ్ను నమ్మి బిస్కెట్లు కొనుగోలు చేస్తున్నారు. కానీ ఆ బ్రాండెడ్ కంపెనీలు కూడా కస్టమర్మ నమ్మకాన్ని వమ్ము చేస్తున్నాయి. అయితే వీటిని గుర్తించేది కొందరే. ఇదే ఆ కంపెనీలకు కలిసి వస్తోంది. దేశంలో బిస్కెట్ కంపెనీలు చేసే మోసాలు కొన్ని పరిశీలిద్దాం..
Also Read : వీటిలో పౌష్టికాహారం పుష్కలం.. ధర తక్కువే..
తక్కువ బరువు, పరిమాణం..
కొన్ని బిస్కెట్ ప్యాకెట్లలో ప్యాకేజింగ్పై పేర్కొన్న బరువు కంటే తక్కువ బిస్కెట్లు ఉంటాయని ఫిర్యాదులు వచ్చాయి. 2024లో కేరళలోని త్రిస్సూర్(Trisoor) జిల్లా కన్సూ్యమర్ డిస్ప్యూట్స్ రిడ్రెసల్ కమిషన్ బ్రిటానియా(Britania) ఇండస్ట్రీస్పై రూ.60 వేల జరిమానా విధించింది. ఎందుకంటే, వారి ‘న్యూట్రిచాయిస్ థిన్ ఆరో రూట్‘ బిస్కెట్ ప్యాకెట్లు 300 గ్రాములుగా పేర్కొన్నప్పటికీ, వాస్తవంగా 248 గ్రాములు, 268 గ్రాముల బరువు మాత్రమే ఉన్నాయని తేలింది. ఇది వినియోగదారులకు మోసం చేసే చర్యగా పరిగణించబడింది.
తప్పుడు ప్రచారం..
చాలా బిస్కెట్ కంపెనీలు తమ ఉత్పత్తులను ‘ఆరోగ్యకరం‘, ‘తక్కువ కేలరీలు‘, ‘ఫైబర్ ఎక్కువ‘ అని ప్రచారం చేస్తాయి. కానీ, వాస్తవంలో ఈ బిస్కెట్లలో చక్కెర,(Sugar) రిఫైన్డ్ మైదా, ట్రాన్స్ ఫ్యాట్స్(Trance Fats) ఎక్కువగా ఉంటాయి. ‘డైజెస్టివ్‘ బిస్కెట్లు ఆరోగ్యానికి మంచివని చెబుతారు, కానీ అవి తరచూ అధిక కేలరీలతో నిండి ఉంటాయి, ఇది వినియోగదారులను తప్పుదారి పట్టిస్తుంది.
ప్యాకేజింగ్ ట్రిక్స్..
కొన్ని కంపెనీలు పెద్ద ప్యాకెట్లను ఉపయోగిస్తాయి, కానీ లోపల తక్కువ సంఖ్యలో బిస్కెట్లు లేదా తక్కువ బరువును ఉంచుతాయి. ఇది కొనుగోలుదారులకు ఎక్కువ ఉత్పత్తి లభిస్తుందనే భ్రమ కలిగిస్తుంది. ఈ విధానం ‘స్లాక్ ఫిల్‘(Slak Fill) అని పిలుస్తారు, ఇది చట్టవిరుద్ధం కాకపోయినా నైతికంగా ప్రశ్నార్థకం.
తప్పుడు ఆకర్షణలు:
పిల్లలను ఆకర్షించేందుకు కొన్ని బిస్కెట్ కంపెనీలు ‘ఉచిత బొమ్మలు‘ లేదా ‘ఆటలు‘ అని ప్రకటనలు చేస్తాయి, కానీ ఆ బొమ్మలు నాసిరకంగా ఉంటాయి లేదా ప్యాకెట్లో ఉండవు. ఇది వినియోగదారులను మోసం చేసే విధానంగా గుర్తించబడుతుంది.
పోషక విలువల మభ్యపెట్టడం..
కొన్ని బిస్కెట్ల ప్యాకెట్లపై పోషక విలువలు అస్పష్టంగా లేదా చిన్న అక్షరాల్లో ముద్రించబడతాయి, దీనివల్ల సామాన్య వినియోగదారుడు వాటిని సరిగా అర్థం చేసుకోలేరు. ఉదాహరణకు, ‘జీరో ట్రాన్స్ ఫ్యాట్‘ అని చెప్పినా, ఇతర హానికరమైన కొవ్వులు ఉంటున్నాయి.
నియంత్రణ సంస్థల చర్యలు..
మోసాలను నియంత్రించేందుకు భారతదేశంలో ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI), యాడ్వర్టైజింగ్ స్టాండర్డ్స్ కౌన్సిల్ ఆఫ్ ఇండియా (ASCI) వంటి సంస్థలు పనిచేస్తున్నాయి. అయినప్పటికీ, వినియోగదారులు తమ హక్కుల గురించి అవగాహన కలిగి ఉండటం, ప్యాకెట్లపై బరువు, పోషక వివరాలను తనిఖీ చేయడం ముఖ్యం.
