Amazon India: స్విగ్గీ, జెప్టోలను దెబ్బతీసేందుకు అమెజాన్ గట్టి ప్లాన్.. సరికొత్త వ్యాపారంలోకి దిగుతున్న దిగ్గజ కంపెనీ

Amazon India : భారతదేశంలో త్వరిత వాణిజ్య రంగం(క్విక్ కామర్స్) వేగంగా విస్తరిస్తోంది. ఇప్పుడు వినియోగదారులు ఆర్డర్ చేసిన తర్వాత 1-2 రోజులు వేచి ఉండటానికి ఇష్టపడడం లేదు, బదులుగా వారు వెంటనే ఆర్డర్ చేసిన వస్తువులను కోరుకుంటారు. ఈ డిమాండ్‌ను దృష్టిలో ఉంచుకుని ఈ-కామర్స్ రంగంలో పెద్ద కంపెనీ అయిన Amazon India ఇప్పుడు Blinkit, Swiggy Instamart, Zepto, Flipkart Minutes, BigBasket వంటి వాటికి పోటీగా మార్కెట్‌లోకి ఎంట్రీ ఇస్తోంది. ఆయా కంపెనీల లాగే ఇప్పుడు అమెజాన్ కూడా క్విక్ డెలివరీ సర్వీస్‌లో చేరబోతోంది.

బెంగళూరు నుండి ప్రారంభం
ఈ నెలలో బెంగుళూరు నుంచి అమెజాన్ ర్యాపిడ్ సర్వీస్ ప్రారంభం కానుందని భారతదేశంలో అమెజాన్ ‘కంట్రీ మేనేజర్’ సమీర్ కుమార్ తెలిపారు. క్విక్ కామర్స్ సెక్టార్‌లో, Amazon తన సర్వీస్‌కి ‘Tez’ అని పేరు పెట్టింది. అయితే దీనిపై ఇంకా ఎలాంటి నిర్ణయం తీసుకోలేదు.

15 నిమిషాల్లో డెలివరీ
ఢిల్లీలో జరిగిన ఓ కంపెనీ ఈవెంట్‌లో కున్మార్ మాట్లాడుతూ.. “క్విక్ డెలివరీ సర్వీసు ద్వారా వినియోగదారులు తమ రోజువారీ జీవితంలో అవసరమైన వస్తువులను కేవలం 15 నిమిషాలు లేదా అంతకంటే తక్కువ సమయంలో ఆర్డర్ చేసిన తర్వాత పొందగలుగుతారు” అని అన్నారు. త్వరితగతిన వాణిజ్య రంగంలో వ్యాపారాన్ని పెంచడమే మా లక్ష్యం అని ఆయన అన్నారు. బెంగళూరు తర్వాత దేశంలోని అనేక ఇతర నగరాల్లో కూడా ఈ సేవను ప్రారంభించాలని యోచిస్తున్నామని కుమార్ తెలియజేశారు. దీనికి సంబంధించిన పనులు గత కొన్ని నెలలుగా జరుగుతున్నాయి. ఇప్పుడు ఎట్టకేలకు విషయం ఓ కొలిక్కి వచ్చిందన్నారు.

ఆసక్తిగా ఎదురుచూస్తున్న వినియోగదారులు
వినియోగదారుల ప్రాధాన్యతలు మారడం ప్రారంభించాయి. ఇప్పుడు 1-2 రోజుల్లో డెలివరీ కాకుండా నిమిషాల్లోనే సరుకులను డెలివరీ చేయించుకోవడానికి ప్రాధాన్యత ఇస్తున్నారు. అమెజాన్ క్విక్ సర్వీస్ అనేది ప్రపంచవ్యాప్తంగా ఏ మార్కెట్‌లోనైనా 15 నిమిషాల డెలివరీ సేవలను ప్రారంభించిన సంస్థ. బెంగళూరులో ఈ సేవలో కంపెనీ 1,000-2,000 ఉత్పత్తులను అందుబాటులో ఉంచుతుంది. Zomato ప్రకారం.. గత త్రైమాసికం నాటికి దాని క్విక్ కామర్స్ ప్లాట్‌ఫారమ్ Blinkitలో సగటున 1.27 లక్షల మంది నెలవారీ యాక్టివ్ డెలివరీ పార్టనర్లు ఉన్నారు. Blinkit వంటి కంపెనీ డెలివరీ పార్టనర్లు 10-15 నిమిషాల్లో డెలివరీని పూర్తి చేస్తున్నారు, అయితే Zomato వంటి ప్లాట్‌ఫారమ్ డెలివరీ పార్టనర్లు సగటున 30-40 నిమిషాలు తీసుకుంటారు. అందువల్ల, Blinkitతో డెలివరీ పార్టనర్లు ఎక్కువ డెలివరీ చేయగలుగుతారు. ఒక్కో ఆర్డర్‌కి వారి పరిధి 2 నుండి 3 కిలోమీటర్లు. Zomato వంటి ఫుడ్ డెలివరీ సర్వీస్‌ల కోసం, ఒక్కో ఆర్డర్‌కు 5 నుండి 7 కిలోమీటర్ల పరిధి ఉంటుంది. తక్కువ దూరం కారణంగా, చమురు ఖర్చు కూడా ఆదా అవుతుంది.