TVS iQube new scooter: కాలం మారుతున్న కొద్ది వినియోగదారుల అవసరాలు, అభిరుచులు మారిపోతున్నాయి. ముఖ్యంగా వాహనాల కొనుగోలు విషయంలో కస్టమర్లు ఎప్పటికప్పుడు అప్డేట్ అవుతున్నారు. వీరికి అనుగుణంగా కంపెనీలు సైతం లేటెస్ట్ టెక్నాలజీతో కొత్త వాహనాలు ప్రవేశపెడుతున్నాయి. ఇందులో భాగంగా ప్రముఖ వాహన తయారీ సంస్థ టీవీఎస్ మోటార్ (TVS Motor) కొత్త స్కూటర్ను మార్కెట్లోకి తీసుకువచ్చింది. తన పాపులర్ ఎలక్ట్రిక్ స్కూటర్ సిరీస్ ‘ఐక్యూబ్’ (iQube)లో సరికొత్త TVS iQube S 4.7 kWh వేరియంట్ను మే 2026లో భారత మార్కెట్లోకి విడుదల చేసింది. పాత 3.5 kWh బ్యాటరీ వెర్షన్ను అప్గ్రేడ్ చేస్తూ, కస్టమర్ల అవసరాలకు అనుగుణంగా ఎక్కువ రేంజ్ ఇచ్చేలా ఈ ప్రీమియం మోడల్ను కంపెనీ రూపొందించింది. దీని గురించి పూర్తిగా తెలుసుకోవాలంటే ఈ కిందికి వెళ్ళండి..
TVS iQube కొత్త స్కూటర్ లో ఉండే ప్రధాన ఆకర్షణ కొత్త బ్యాటరీ. ఇందులో 4.7 kWh బ్యాటరీ ప్యాక్ ను అమర్చారు. ఐడీసీ (IDC) సర్టిఫికేషన్ ప్రకారం.. ఈ బ్యాటరీ ఒక్కసారి ఫుల్ ఛార్జ్ చేస్తే ఈ స్కూటర్ ఏకంగా 175 కిలోమీటర్ల మైలేజ్ అందిస్తుంది. దీంతో రోజువారీ సిటీ ప్రయాణాలకు ఇది ఎంతో సౌకర్యవంతంగా ఉంటుంది. అలాగే ఇందులోని బ్యాటరీని 0 నుండి 80 శాతం వరకు ఛార్జ్ చేయడానికి పోర్టబుల్ ఛార్జర్తో కేవలం 4 గంటల సమయం పడుతుంది.ఈ స్కూటర్లో హబ్-మౌంటెడ్ ఎలక్ట్రిక్ మోటార్ను ఉపయోగించారు. ఇది గరిష్టంగా 5.9 bhp పవర్, 140 Nm టార్క్ ను ఉత్పత్తి చేస్తుంది.
గరిష్టంగా ఈ స్కూటర్ గంటకు 82 కిలోమీటర్ల వేగంతో ప్రయాణం చేస్తుంది. అలాగే 4.3 సెకన్లలోనే 0 నుండి 40 కిలోమీటర్ల వేగాన్ని అందుకుంటుంది.
ఈ మోటార్, బ్యాటరీకి IP67 రేటింగ్ ఉండటం వల్ల నీరు, దుమ్ము నుండి వీటికి రక్షణ లభిస్తుంది.
కొత్తగా మార్కెట్లోకి వచ్చిన ఐక్యుబ్ స్కూటర్ టెక్నాలజీ పరంగా చాలా అడ్వాన్స్డ్గా ఉంది. ఇందులో 7 అంగుళాల TFT డిస్ప్లే ఉండగా.. ఇది జోయ్స్టిక్ కంట్రోల్ సదుపాయాన్ని కలిగి ఉంటుంది. అలాగే 118కి పైగా కనెక్టెడ్ ఫీచర్లు ఉన్నాయి. అలెక్సా వాయిస్ అసిస్ట్, టర్న్-బై-టర్న్ నావిగేషన్, కాల్/SMS అలర్ట్లు, డిస్టెన్స్ టు ఎంప్టీ (DTE) వంటివి రైడర్లను ఆకర్షిస్తున్నాయి. సీటు కింద 32 లీటర్ల భారీ స్టోరేజ్ స్పేస్ ఉండడంతో ఇందులో రెండు హెల్మెట్లను సులభంగా ఉంచుకోవచ్చు. రివర్స్ మోడ్, యాంటీ-థెఫ్ట్ అలర్ట్, క్రాష్ అలర్ట్ మరియు ఫాల్ అలర్ట్ వంటి సేఫ్టీ ఫీచర్లు ఇందులో ఉన్నాయి.
కొత్త టీవీఎస్ ఐక్యూబ్ ఎస్ 4.7 kWh వేరియంట్ ధరను సుమారు రూ.1.37 లక్షలు గా నిర్ణయించారు. ఇది టైటానియం గ్రే మాట్టేతో పాటు కొత్తగా ‘మాగ్నిఫిసెన్స్ పర్పుల్ బీజ్’, ‘హార్లెకిన్ బ్లూ బీజ్’ వంటి ఆకర్షణీయమైన డ్యూయల్-టోన్ రంగుల్లో లభిస్తోంది. ప్రస్తుతం దేశవ్యాప్తంగా ఉన్న 3,300 కంటే ఎక్కువ టీవీఎస్ డీలర్షిప్లలో ఇది అందుబాటులో ఉంది. ఎక్కువ రేంజ్, అత్యాధునిక ఫీచర్లు కోరుకునే ఎలక్ట్రిక్ వాహన ప్రియులకు ఈ TVS iQube S 4.7 kWh ఒక అద్భుతమైన ఎంపికగా నిలుస్తుంది.
