Bimbisara Pre Release Event- NTR: వస్తున్నా.. క్లారిటీ ఇచ్చిన ఎన్టీఆర్.. నందమూరి ఫ్యాన్స్ కి పండుగే

Bimbisara Pre Release Event- NTR: నందమూరి కల్యాణ్‌రామ్ హీరోగా నటిస్తున్న ‘బింబిసార’ మూవీ ప్రీ రిలీజ్ ఈవెంట్‌ హైదరాబాద్‌లోని శిల్పకళా వేదికలో ఈనెల 29న సాయంత్రం 6 గంటలకు జరగనుంది. అయితే.. నందమూరి ఫ్యాన్స్ కి ఈ ఈవెంట్‌ పెద్ద పండుగ కానుంది. జూనియర్ ఎన్టీఆర్ ఈ ఈవెంట్‌ కి చీఫ్ గెస్ట్‌ గా రాబోతున్నాడు. ఈ సందర్భంగా బింబిసార చిత్ర యూనిట్ ఓ స్పెషల్ వీడియోను సోషల్ మీడియాలో షేర్ చేసింది.

ఈ సినిమాను ఆగస్టు 5న విడుదల చేయనున్నట్లు చిత్రబృందం అధికారికంగా ప్రకటించిన సంగతి తెలిసిందే. నందమూరి తారక రామారావు ఆర్ట్స్ పతాకంపై హరికృష్ణ.కె ఈ చిత్రాన్ని నిర్మిస్తున్నారు. ఈ మూవీలో కల్యాణ్‌రామ్‌కు జోడిగా కేథరిన్, సంయుక్త మేనన్‌లు నటించారు. కల్యాణ్ రామ్ కెరీర్‌లోనే ఈ సినిమా అత్యధిక నిర్మాణ వ్యయంతో రూపొందుతోంది.

Also Read: Macherla Niyojakavargam: నితిన్ పొలిటికల్ డ్రామా.. ‘మాచర్ల దమ్కీ’ ఇచ్చాడుగా

ఏది ఏమైనా విజ‌య‌మో, వైఫ‌ల్య‌మో – ఏదీ ప‌ట్టించుకోకుండా ప్ర‌యోగాల చేస్తూనే వెళ్తుంటాడు క‌ల్యాణ్ రామ్‌. కొత్త క‌థ‌ల్ని తెర‌కెక్కించ‌డం అంటే త‌న‌కు భ‌లే స‌ర‌దా. బింబిసార‌ కూడా అలాంటి ప్ర‌య‌త్న‌మే. మరి చివరకు బాక్సాఫీస్ వద్ద బింబిసార‌ ఏం చేస్తాడో చూడాలి. ప్రస్తుతానికి అయితే ఈ సినిమా పై భారీ అంచనాలు ఉన్నాయి.

‘త్రిగ‌డ్త‌ల రాజ్య‌పు నెత్తుటి సంత‌కం – బింబిసారుడి ఏక ఛాత్రాధిప‌త్యం’ అంటూ నందమూరి కల్యాణ్‌ రామ్‌ హీరోగా ఈ ‘బింబిసార’ సినిమాని తీసుకువస్తున్నాడు. ఎ టైమ్‌ ట్రావెల్‌ ఫ్రమ్‌ ఈవిల్‌ టు గుడ్‌.. అన్నది ఉపశీర్షిక. ఇప్పటికే రిలీజ్ అయిన ఈ సినిమా ట్రైలర్ కూడా అద్భుతంగా ఆకట్టుకుంది.

ట్రైలర్ లో ముఖ్యంగా ‘బింబిసార’ లుక్ లో కళ్యాణ్ రామ్ తన నట విశ్వరూపాన్ని చూపించాడు. పొగ‌రుతో ఓ రాజ్యం మీసం మెలేసినట్టు.. కళ్యాణ్ రామ్ ఈ సినిమాతో తన మీసం మెలేశాడు. మొత్తానికి ఈ ట్రైలర్ అయితే కళ్యాణ్ రామ్ నెత్తుటి సంతకం అన్నట్టు సాగింది. ముఖ్యంగా క‌ల్యాణ్ రామ్ క‌త్తి ప‌ట్టుకుని చేసిన విన్యాసాలు.. ఆయన కెరీర్ లోనే బెస్ట్ విజువల్స్. నందమూరి అభిమానులకు ఈ విన్యాసాలు ఫుల్ కిక్ ను ఇస్తాయి.

Also Read:The Warrior Movie Collections: ‘ది వారియర్’ 14 డేస్ కలెక్షన్స్.. ఎన్ని కోట్లు నష్టమో తెలుసా ?