Chevireddy Bhaskar Reddy: వైసీపీలో నల్లకోటు వేసుకొని.. తెల్ల బ్యాడ్జి తగిలించుకొని.. ఇటీవల వకీల్ సాబ్ అవతారం ఎత్తారు అంబటి రాంబాబు. ఆ పార్టీలో అంబటి రాంబాబు ఒకరే ఇప్పటివరకు లాయర్ లాగా కనిపించారు. ఆయనకు పోటీ లేదని.. ఆయనకు పోటీ వచ్చేవారు లేరని ఇప్పటిదాకా వైసీపీ కార్యకర్తలు అనుకున్నారు. కానీ నేనున్నాను.. నేను విన్నాను అంటూ ముందుకు వచ్చాడు ఓ నాయకుడు. ఇంతకీ ఆయన కథ ఏంటి.. ఎందుకు ఇలా లాయర్ గా మారిపోయారు..
వైసీపీలో మైక్ ముందు బూతులు మాట్లాడే నాయకులు చాలామంది ఉన్నారు. విధానపరంగా విమర్శలు చేయకుండా వ్యక్తిగతంగా లక్ష్యంగా చేసుకొని ఆరోపణలు చేయడంలో వైసిపి నాయకులు పీహెచ్డీకి మించి చేశారు. 2019 నుంచి 2024 వరకు నోటిపారుదల.. బూతుపారుదల.. ఇలా చెప్పుకుంటూ పోతే ఎన్నో విన్యాసాలు చూపించారు వైసిపి నాయకులు. ఇప్పుడు అధికారం పోయింది. చేసిన అక్రమాలు.. అన్యాయాలు.. అవినీతి బాగోతాలకు సంబంధించి కోర్టు కేసులు ఎదుర్కొంటున్నారు. జగన్ నుంచి మొదలు పెడితే అంబటి రాంబాబు వరకు అందరిదీ ఇదే వరుస. అయితే వీరిలో అంబటి రాంబాబు తన కేసులను వాదించుకోవడానికి ఏకంగా వకీల్ సాబ్ అవతారం ఎత్తారు. ఇక్కడ వకీల్ సాబ్ అంటే కోపం వస్తుందేమో.. ఎందుకంటే అది పవన్ కళ్యాణ్ సినిమా కాబట్టి.. లాయర్ అంటే బెటర్.
అంబటి రాంబాబుకు పోటీగా చంద్రగిరి మాజీ ఎమ్మెల్యే చెవిరెడ్డి భాస్కర్ రెడ్డి(Chevireddy Bhaskar Reddy) వచ్చేశారు. పార్టీ కార్యకర్తలను ఆశ్చర్యానికి గురిచేస్తూ.. యలహంక ప్యాలెస్ లో ఉన్న జగన్మోహన్ రెడ్డిని సైతం షాక్ కు గురిచేస్తూ నల్లకోటు ధరించారు. దానికి తెల్ల బ్యాడ్జి తగిలించుకున్నారు. అయితే అలా లాయర్ లాగా నడిచి వచ్చిన భాస్కర్ రెడ్డికి పోలీసులు ఆదిలోనే హంసపాదు సామెతను వాస్తవంలో చూపించారు.
భాస్కర్ రెడ్డి కి కార్యాలయం గేటు వద్ద బ్రేక్ వేశారు పోలీసులు. లోపలికి వెళ్లడానికి ఆస్కారం లేదని.. నిబంధనల ప్రకారం అనుమతులు కూడా లేవని చెప్పడంతో భాస్కర్ రెడ్డి(Chevireddy Bhaskar Reddy) సైలెంట్ అయిపోయారు. కాకపోతే చుట్టూ మీడియా ఉండడంతో భాస్కర్ రెడ్డి(Chevireddy Bhaskar Reddy) కొద్ది క్షణాల తర్వాత తనలో ఉన్న ఆస్కార్ లెవెల్ నటుడిని బయటికి తీసుకొచ్చారు. “నేను నా నియోజకవర్గ అభ్యర్థుల గురించి నిజాలు కోర్టులో చెప్పేందుకు వచ్చిన లాయర్ ను. వకాల్తా పట్టుకొని వచ్చాను. నన్ను అడ్డుకుంటారా.. అసలు ఆ అధికారం మీకు ఎక్కడిది” అంటూ పోలీసుల మీద ఆగ్రహం వ్యక్తం చేశారు..
మొన్నటిదాకా నియోజకవర్గంలో భాస్కర్ రెడ్డి(Chevireddy Bhaskar Reddy) తిరిగారు. తన అనుచరులతో హంగామా చేశారు. ఇప్పుడు నిబంధనల గురించి.. రాజ్యాంగం హక్కుల గురించి మాట్లాడుతున్నారు. దీంతో పోలీసులు ఆయన వ్యవహార శైలి చూసి ఇదెక్కడి విడ్డూరం అంటూ నోర్లు మూసుకున్నారు. అంతేకాదు లో లోపల ఇదేం కామెడీ రా బాబు అంటూ నవ్వుకున్నారు. పోలీసులు బ్రేక్ వేయడంతో కోర్టు హాలు దాకా భాస్కర్ రెడ్డి వెళ్లలేకపోయారు. ఆర్డీవో గేటు ముందే ఆయన వీర లెవెల్లో వాదనలు వినిపించారు. చాలామందికి అదొక ఎంటర్టైన్మెంట్.
పోలీసులు ఆయనను గేటు దాటనివ్వకపోవడంతో.. మీడియా ముందు భాస్కర్ రెడ్డి(Chevireddy Bhaskar Reddy) రెచ్చిపోయారు తన నియోజకవర్గంలో ఏకంగా 142 నామినేషన్లు తిరస్కరించారని.. ప్రజాస్వామ్యాన్ని అంతం చేశారని మండిపడ్డారు. ఇక్కడితోనే భాస్కర్ రెడ్డి ఆగిపోలేదు. బ్రేకులు లేని బుల్డోజర్ లాగా జిల్లా ఎస్పీ మీద మండిపడ్డారు. జిల్లా ఎస్పీ అవినీతికి పాల్పడుతున్నారని.. తన వద్ద ఆధారాలు ఉన్నాయని.. వాటిని న్యాయస్థానంలో.. ఆదాయపు పన్ను శాఖ కార్యాలయంలో.. మీడియాకు అందిస్తానని అన్నారు. అంతేకాదు తన పార్టీ అభ్యర్థుల కోసం పోరాటం చేస్తానని సవాల్ విసిరారు.. అయితే భాస్కర్ రెడ్డి మాట్లాడుతూనప్పుడు..”అధికారంలో ఉన్నప్పుడు కే జి ఎఫ్ లెవెల్ లో ఉండేది. ఇప్పుడు కామెడీ సినిమాకు దిగజారిపోయింది. దీనినే కర్మ ఫలం అంటారని” టిడిపి నేతలు చర్చించుకున్నారు.
