Uddanam Folk Songs: జనం నోటి నుంచి వచ్చేది జానపదం. ప్రజల కష్టసుఖాలు, భావోద్వేగాలను పలికిస్తోంది ఈ పురాతన కళారూపం. ఏ సందర్భానైనా భావాన్ని ప్రకటించగల గొప్ప స్వరూపం జానపదాలది. అటువంటి జానపదాల పుట్టినిల్లు ఉత్తరాంధ్ర. శ్రమజీవి కష్టంలో వినిపిస్తుంటుంది. వారి ఆనందంలోనూ కనిపిస్తుంటుంది. ప్రస్తుతం శ్రీకాకుళం జిల్లా వ్యాప్తంగా గ్రామ దేవత పండుగలు జరుగుతున్నాయి. ఈ క్రమంలో గ్రామ దేవతలను ఆహ్వానిస్తూ అక్కడి మహిళలు సైతం జానపదాలను పాడుతున్నారు. ప్రస్తుతం ఈ పాటలు సోషల్ మీడియాలో వైరల్ అవుతున్నాయి.
* జానపదాలకు పెట్టింది పేరు..
శ్రీకాకుళం జిల్లాలో జానపదాలకు పెట్టింది పేరు ఉద్దానం. అక్కడ మహిళలు సైతం జానపదాలను పాడుతుంటారు. అయితే మిగతా ప్రాంతాలకు అవి కొత్తగా కనిపిస్తాయి కానీ.. ఈ ప్రాంతం వారికి మాత్రం అవి ఒక ఆణిముత్యాలు. ప్రతి పాట వెనుక ఒక పరమార్ధం ఉంటుంది. పాటలో ప్రతి మాట వెనుక అర్థం దాగి ఉంటుంది. అంతలా పెనవేసుకుపోయింది జానపదం. అయితే అక్కడ మహిళలు కూడా జానపద కళాకారులే. ప్రస్తుతం ఈ గ్రామంలో చూసినా.. మహిళలు పాట పాడుతూ గ్రామదేవతలను ఆహ్వానిస్తున్నట్టు కనిపిస్తున్నారు. ఇప్పుడు సోషల్ మీడియాలో ఈ గ్రామ దేవత పండుగలే ప్రత్యేకంగా నిలుస్తున్నాయి.
* వాయిద్య సహకారం..
చిన్నపిల్లాది మొదలు పెద్దవారి వరకు ఈ జానపదాలను అలవోకగా పాడగలరు. అర్థం చేసుకోగలరు. ముఖ్యంగా యాదవ మహిళలు జానపదాల్లో ముందుంటారు. తమదైన శైలిలో పాడుతుంటారు. అయితే ఈ పాటకు లయబద్ధంగా సాగే వాయిద్యాలు ప్రత్యేకం. ఎలాంటి పాటనైనా.. ఇలాంటి మాట నైనా లయబద్ధం కల్పించడం ఈ వాయిద్యాల సహజ లక్షణం. అందుకే గ్రామ దేవత పండుగలు ఈ వాయిద్యాలు సైతం కీలక భూమిక వహిస్తాయి. అయితే గ్రామ దేవతలను ఆహ్వానించే తీరు.. జానపదాల రూపంలోనే ఉంటుంది. ప్రతి ఒక్కరికి ఇట్టే అర్థం అవుతుంది.
