Talliki Vandanam : తల్లికి వందనం’ పథకం ‘హరి హర వీరమల్లు’ కు ఉపయోగపడనుందా..? ఎలా అంటే!

Talliki Vandanam : ఆంధ్ర ప్రదేశ్ ప్రజలు ప్రస్తుతం ‘తల్లికి వందనం'(Talliki Vandanam) పథకం కోసం ఎంత ఆతృతగా ఎదురు చూస్తున్నారో ప్రత్యేకించి చెప్పనవసరం లేదు. కూటమి పార్టీ అధికారం లోకి రాకముందు ‘సూపర్ సిక్స్’ పేరిట ఇచ్చిన హామీలలో ఈ హామీ అత్యంత కీలకం. ఇంట్లో ఎంత మంది ఆడపిల్లలు ఉంటే అంత మందికి 15 వేల రూపాయిల చొప్పున ఇస్తామని ప్రకటించారు. అధికారం లోకి వచ్చి ఏడాది అవుతున్నాయా తల్లికి వందనం పథకం అమలు చేయకపోవడం తో ప్రత్యర్థి పార్టీలు కూటమి పై తీవ్రమైన విమర్శలు చేస్తున్న సంగతి తెలిసిందే. అదే విధంగా రైతు భరోసా పథకం కూడా అమలు చేయలేదని విమర్శలు చేస్తుండేవారు ప్రత్యర్థులు. కానీ ఈ రెండు పధకాలను జూన్ 12 న అమలు చేయబోతున్నట్టు లేటెస్ట్ గా ప్రభుత్వం తీసుకున్న నిర్ణయమని విశ్వసనీయ వర్గాల నుండి అందుతున్న సమాచారం.

Also Read : పిడుగు టెక్నాలజీ బాబుదా.. ఎవర్రా మీరంతా?

జూన్ 12న ఆంధ్ర ప్రదేశ్ ఉప ముఖ్యమంత్రి పవన్ కళ్యాణ్(Deputy CM Pawan Kalyan) హీరో గా నటించిన ‘హరి హర వీరమల్లు'(Hari Hara Veeramallu Movie) చిత్రం ప్రపంచవ్యాప్తంగా గ్రాండ్ గా అన్ని ప్రాంతీయ భాషల్లో రిలీజ్ కాబోతుంది. అదే రోజున ఈ రెండు ప్రభుత్వ పథకాలు అమలు కాబోతున్నాయి. అంటే జనాలు దగ్గర ఆ సమయంలో డబ్బులు బాగా ఉంటాయి కాబట్టి, హరి హర వీరమల్లు కలెక్షన్స్ కి ఉపయోగపడే అవకాశం ఉందా అని సోషల్ మీడియా లో నెటిజెన్స్ మాట్లాడుకుంటున్నారు. ఇది వినేవాళ్లకు చాలా సిల్లీ గా అనిపించొచ్చు కానీ, మాజీ సీఎం జగన్ ప్రభుత్వం నడుస్తున్నప్పుడు ఇదే ‘తల్లికి వందనం’ పథకాన్ని ‘అమ్మవడి’ పేరుతో అమలు చేసారు. ప్రతీ ఏటా జనవరి నెల ఈ పథకం ద్వారా జనాల బ్యాంక్ అకౌంట్స్ లో 12 వేల రూపాయిలు జమ అయ్యేవి. అలా 2020 వ సంవత్సరం సంక్రాంతి పండుగకు ముందే ఆంధ్ర ప్రదేశ్ ప్రజలకు డబ్బులు అందాయి.

అదే సమయంలో ఐకాన్ స్టార్ అల్లు అర్జున్ నటించిన ‘అలా వైకుంఠపురంలో’ చిత్రం, అదే విధంగా సూపర్ స్టార్ మహేష్ బాబు నటించిన ‘సరిలేరు నీకెవ్వరూ’ చిత్రాలు విడుదలయ్యాయి. ఈ రెండు సినిమాలకు అంతకు ముందు సంక్రాంతి సీజన్ లో విడుదలయ్యే సినిమాలకంటే 30 శాతం ఎక్కువ వసూళ్లు వచ్చాయి. జనాల చేతుల్లో డబ్బులు ఉన్నాయి, అప్పుడే పండగకు కొత్త సినిమాలు వచ్చాయి, ఇక అందరూ రెచ్చిపోయారు. కేవలం ఆ ఒక్క సంక్రాంతికి బాక్స్ ఆఫీస్ వద్ద దాదాపుగా 300 కోట్ల రూపాయిల షేర్ వసూళ్లు నమోదు అయ్యాయి. అంటే గ్రాస్ లెక్కలోకి చూస్తే ఆ సీజన్ 600 కోట్ల రూపాయలకు పైగానే బిజినెస్ ని బయ్యర్స్ కి చూపించింది. ఇప్పటికీ ఆ సంక్రాంతి సీజన్ లో వచ్చిన ఈ రెండు సినిమాలు సృష్టించిన భీభత్సాన్ని ఆడియన్స్ అంత తేలికగా మర్చిపోలేరు. మళ్ళీ అదే ఫీట్ ‘హరి హర వీరమల్లు’ విషయం లో రిపీట్ కాబోతుందా లేదా అనేది చూడాలి.