Nara Lokesh Praised by Sakshi Media: మంత్రి నారా లోకేష్( Minister Nara Lokesh ) రామా అంటే.. వైయస్సార్ కాంగ్రెస్ మీడియాకు బూతు పదంలా వినిపిస్తుంది. ఆయన పొలిటికల్ ఎంట్రీ నుంచి ఆ సెక్షన్ ఆఫ్ మీడియాలో అదే తరహా కథనాలు రావడం సహజం. ఆయన ఏం తప్పు మాట్లాడతాడా? ఆయన మాటల్లో ఏం తప్పులు దొర్లుతాయా? అని ఎదురు చూసేది సాక్షి మీడియా. ఇక సోషల్ మీడియా సైన్యం గురించి చెప్పనవసరం లేదు. ఆయన కోసం నడిచే వైసీపీ సోషల్ మీడియా ప్రత్యేకంగా ఉంది. ఆయన పాదయాత్ర చేసే సమయంలో దానిని ప్రజలకు వ్యతిరేకంగా చూపించేందుకు 1000 మంది వరకు సోషల్ మీడియా కార్యకర్తలను నియమించుకున్నారంటే పరిస్థితిని అర్థం చేసుకోవచ్చు. అటువంటిది ఇప్పుడు అదే నారా లోకేష్ ను అదే వైసిపి అనుకూల మీడియా, సోషల్ మీడియా అభినందనలు తెలుపుతుండడం విశేషం.
* మధ్యాహ్న భోజన పథకం పై
ఎన్టీఆర్ జిల్లాలో( NTR district ) ఓ ప్రభుత్వ పాఠశాలలో మధ్యాహ్నం భోజనం పై ఓ వీడియో సోషల్ మీడియాలో వైరల్ అయింది. అక్కడ నాసిరకం భోజనం పెట్టడంతో విద్యార్థులు ఆ భోజనాన్ని చెత్త బుట్టలో పడేశారు. వరుసగా విద్యార్థులంతా అలా భోజనం చెత్తబుట్టలో పారబోస్తుండడం పై ఎవరో వీడియో తీసి సోషల్ మీడియాలో పోస్ట్ పెట్టారు. అది విపరీతంగా వైరల్ అయింది. దీనిపై విద్యాశాఖ మంత్రిగా ఉన్న నారా లోకేష్ స్పందించారు. విచారణకు ముగ్గురు సభ్యుల కమిటీని నియమించారు. సంబంధిత హెచ్ఎం ను సస్పెండ్ చేశారు. మధ్యాహ్నం వంట ఏజెన్సీని తప్పించారు. అంతటితో ఆగకుండా విద్యార్థులతో పాటు తల్లిదండ్రులకు క్షమాపణలు చెప్పారు. మరోసారి ఈ ఘటన జరగకుండా చూసుకుంటామని హామీ ఇచ్చారు. అయితే పాఠశాలలో జరిగిన తప్పిదం పై లోకేష్ స్పందించిన తీరు అభినందనలు అందుకుంటుంది. ముఖ్యంగా క్షమాపణలు కోరుకోవడం ఆకట్టుకుంటుంది.
* వ్యతిరేక డిబేట్లో
అయితే పాఠశాలలో మధ్యాహ్న భోజనం( Mid day meals ) బాగాలేదని విద్యార్థులు పారబోయడం.. సాక్షికి ఒక ప్రచార అస్త్రంగా మారింది. ఈ క్రమంలో దానిపై డిబేట్ కూడా పెట్టారు. ఓ నలుగురు అస్మదీయ జర్నలిస్టులను తెచ్చి విశ్లేషకుల స్థానంలో కూర్చోబెట్టడం అనేది ఆనవాయితీ. ఇంతలో డిబేట్లో పాల్గొన్న ఒక విశ్లేషకుడు లోకేష్ ను అభినందనలతో ముంచేత్తారు. లోకేష్ పరిణితిని అభినందించారు. అయితే ఏదో ఆయన నోటి నుంచి వ్యతిరేక మాట వస్తుందని భావించిన యాంకర్ తటపటాయించడం కనిపించింది. మొత్తానికైతే లోకేష్ కు సాక్షిలో ప్రశంసలు రావడం నిజంగా గొప్ప పరిణామమే.
ఇది నమ్మశక్యంగా లేదు మాస్టారు.. pic.twitter.com/IcnpXkh85O
— (@AntiJagan9) March 16, 2026
