Nagababu: జనసేన ఎమ్మెల్సీ నాగబాబుకు ఇంతవరకు మంత్రి పదవి దక్కలేదు. ఏడాది కిందట ఆయన ఎమ్మెల్సీ అయ్యారు. క్యాబినెట్ లో ఉన్న ఒక్కగానొక్క మంత్రి పదవి ఆయనతో భర్తీ చేస్తారని ప్రచారం నడిచింది. 24 మంత్రి పదవులు భర్తీ చేసిన చంద్రబాబు ఒకదానిని మాత్రం ఖాళీగా ఉంచారు. రాజ్యసభ ఎంపికలో సమీకరణలు మారడంతో నాగబాబుకు అవకాశం దక్కలేదు. అందుకే మంత్రిని చేస్తానని చంద్రబాబు చెప్పుకొచ్చారు. అనుకున్నట్టుగానే ఆయనకు ఎమ్మెల్సీ పదవి ఇవ్వడంతో వెంటనే మంత్రిగా ప్రమాణం చేయిస్తారని అంతా భావించారు. కానీ దాదాపు 13 నెలలు దాటుతున్నా.. ఇంకా ఎమ్మెల్సీ గానే ఉన్నారు నాగబాబు. అమాత్య పదవిని అందుకోలేకపోయారు.
* పెద్దల సభకు వెళ్లాలని..
ప్రత్యక్ష ఎన్నికల్లో ఒక్కసారి పోటీ చేసి ఓడిపోయారు మెగా బ్రదర్ నాగబాబు. అప్పట్లో ప్రజారాజ్యం పార్టీ ఏర్పాటు సమయంలో చాలా యాక్టివ్ గా పని చేశారు. మెగాస్టార్ చిరంజీవికి అండగా నిలబడ్డారు. పవన్ కళ్యాణ్ జనసేన ను ఏర్పాటు చేయడంతో ఆ పార్టీలో యాక్టివ్ గా పని చేయడం ప్రారంభించారు. 2019 ఎన్నికల్లో నరసాపురం పార్లమెంట్ స్థానం నుంచి జనసేన అభ్యర్థిగా పోటీ చేసి ఓడిపోయారు. తర్వాత మళ్లీ సినిమాల వైపు వెళ్లిపోయారు. కానీ సరిగ్గా 2024 ఎన్నికలకు ముందు తిరిగి ఆక్టివయ్యారు. అనకాపల్లి పార్లమెంట్ స్థానంపై ప్రత్యేక దృష్టి పెట్టారు. అక్కడ నుంచి పోటీ చేసి ఎంపీగా గెలిచి పార్లమెంట్లో అడుగు పెట్టాలని చూసారు. కానీ అందుకు ఛాన్స్ దక్కలేదు. అందుకే కూటమి గెలుపు కోసం ఎన్నికల్లో ప్రచారం చేశారు. అయితే తనకు రాజ్యసభకు వెళ్లాలన్న ఆలోచన ఉన్నట్లు సన్నిహితుల వద్ద పేర్కొన్నారు. అది వీలుకాక పోవడంతో మంత్రివర్గంలోకి తీసుకుంటామని సీఎం చంద్రబాబు ప్రకటన చేశారు. ఏడాదిన్నర దాటుతున్న కార్యరూపం దాల్చడం లేదు.
* విస్తరణ పై కొనసాగుతున్న సస్పెన్స్..
జూన్ 12 నాటికి కూటమి అధికారంలోకి వచ్చి రెండేళ్లు దాటుతుంది. అయితే అప్పుడే విస్తరణ ఉంటుందన్న ప్రచారం ఉంది. మరో ఏడాది వరకు విస్తరణ చేపట్టే అవకాశం లేదన్న టాక్ కూడా ఉంది. చాలామంది మంత్రులను మార్చి కొత్త వారికి అవకాశం కల్పిస్తారు అన్న ప్రచారం ఉంది. అప్పుడే మెగా బ్రదర్ నాగబాబు కు మంత్రిగా చాన్స్ లభిస్తుంది అనేది ఎక్కువ మంది వాదన. అలాగే వచ్చి ఎన్నికల్లో పోటీ చేయాలని నాగబాబు భావిస్తున్నారట. ఎమ్మెల్సీగా శ్రీకాకుళం జిల్లాలోని ఓ నియోజకవర్గాన్ని ఎంపిక చేసుకున్నారట. అయితే నాగబాబు అమాత్య అనే పదవి సొంతం చేసుకునేందుకు మరో ఏడాది సమయం పట్టి అవకాశాలు స్పష్టంగా కనిపిస్తున్నాయి. చూడాలి మరి ఏం జరుగుతుందో..
