Akhanda: అఖండ ప్రీ రిలీజ్​ వేడుకలో మార్పులు.. వాతావరణ మార్పులే కారణమా?

Akhanda: నందమూరి బాలకృష్ణ హీరోగా ప్రస్తుతం బోయపాటి దర్శకత్వంలో తెరకెక్కుతోన్న సినిమా అఖండ. భారీ బడ్జెట్​తో రూపొందుతోన్న ఈ సినిమాపై ప్రేక్షుల్లో భారీగా అంచనాలు నెలకొన్నాయి. ఇటీవలే విడుదలైన ట్రైలర్​ మిలియన్ల వ్యూస్​తో దూసుకెళ్లిన సంగతి తెలిసిందే. దీంతో సినిమాపై అబిమానుల్లో ఆసక్తి రెట్టింపయింది. ఈ సినిమాలో ప్రగ్యా జైస్వాల్​ హీరోయిన్​గా నటించింది. జగపతి బాబు, శ్రీకాంత్ లు కీలక పాత్రల్లో నటిస్తున్నారు. ద్వారకా క్రియేషన్స్ పతాకంపై మిరియాల రవీందర్ రెడ్డి నిర్మిస్తున్నారు. థమన్  సంగీతం అందిస్తున్నారు.

కాగా, సినిమాను విడుదలకు సిద్ధం చేస్తున్న క్రమంలో గ్యాప్​లో ప్రమోషన్స్​లో భాగంగా ప్రీ రిలీజ్​ ఈవెంట్​ తేదీకోసం మేకర్స్ చర్చలు జరుపుతున్నట్లు ఇటీవలే వార్తలు వినిపించాయి. అయితే, ఇప్పుడు ప్లాన్​లో మార్పులు ఉన్నాయని తెలుస్తోంది. తొలుత విశాఖలో ప్రీ రిలీజ్​ ఈవెంట్​ పెట్టాలని భావించినప్పటికీ.. ఇప్పుడు మార్పులు చేస్తున్నట్లు సమాచారం.

ఈ వేడుకను హైదరాబాద్​లోని శిల్పకళావేదికలో నిర్వహించాలని నిర్ణయించినట్లు తెలుస్తోంది. ఇటీవల కాలంలో ఆంధ్రప్రదేశ్​లో ఎడతెరపి లేకుండా కురుస్తున్న వర్షాల వల్ల ఎక్కడికక్కడ వరదలు ముంచెత్తాయి. ఈ క్రమంలోనే మేకర్స్ ఈ నిర్ణయం తీసుకున్నట్లు తెలుస్తోంది. ఈ ప్రీ రిలీజ్​ ఈవెంట్​ ఈ నెల 27, 28 తేదీల్లో జరగనున్నట్లు తెలుస్తోంది. అయితే, ఈ విషయంపై అధికారిక ప్రకటన వెలువడాల్సి ఉంది.