RRRvsPrabhas: ‘ఆర్​ఆర్​ఆర్’​కు అక్కడ పెద్ద సమస్యగా మారిన ‘రాధేశ్యామ్’​!

RRRvsPrabhas: కరోనా తర్వాత ఈ ఏడాది సంక్రాంతికి బాక్సాఫీసు వద్ద అతిపెద్ద వార్​ జరగనుంది. ఓ వైపు ఆర్​ఆర్​ఆర్​ సినిమాతో రాజమౌళి రెడీగా ఉండగా.. మరోవైపు రాధేశ్యామ్​తో ప్రభాస్​ సై అంటున్నారు. ఈ క్రమంలోనే రెండు పాన్​ ఇండియా చిత్రాలు ప్రస్తుతం వెండితెరపై పోటీ పడేందుకు షురూ చేస్తున్నాయి. హీందీలో ఆర్​ఆర్​ఆర్​ విడుదల కోసం రాజమౌళి పక్కా ప్రణాళికతో దూసుకెళ్లిపోతున్నారు. ఈ క్రమంలోనే అలియా భట్​ నటించిన గంగూభాయ్​ కూడా వాయిదా పడింది. అప్పటి వరకు గంగూభాయ్​ సినిమాతో ఆర్​ఆర్​ఆర్​కు బాలీవుడ్​లో గట్టిపోటీ ఉందని అనుకోగా.. ఇప్పుడు ఆ రూట్​ కాస్త క్లియర్​ అయినట్లు తెలుస్తోంది. కానీ, ఇప్పుడు ప్రభాస్ రూపంలో ఆర్​ఆర్​ఆర్​కు మరో కొత్త సమస్య ఎదురైనట్లు తెలుస్తోంది.

బాలీవుడ్​లో ప్రభాస్​కు ఉన్న క్రేజ్​ ప్రత్యేకంగా చెప్పనక్కర్లేదు. సాహోను అక్కడ ప్రేక్షకులు విపరీతంగా అభిమానించారు. ఈ క్రమంలోనే బాలీవుడ్​లో రాధేశ్యామ్​ను రికార్డు స్థాయిలో స్క్రీన్స్​ బుక్​ చేయాలని చూస్తున్నట్లు సమాచారం. విశ్వసనీయ వర్గాల సమాచారం ప్రకారం.. నార్త్​లో ఇప్పటి వరకు రాధేశ్యామ్​ కోసం 3700 స్క్రీన్లు బుక్​ అయినట్లు తెలుస్తోంది. కరోనా నేపథ్యంలో ఇన్ని స్క్రీన్లు ఒక్క సినిమా కోసం కేటాయించడం విశేషంగా మారింది.

అయితే, ప్రపంచవ్యాప్తంగా ఆర్​ఆర్​ఆర్​ సినిమా 10వేల థియేటర్లలో విడుదల చేయాలని మేకర్స్ భావిస్తున్నారు. అయితే, ఈ రెండు సినిమాలకు మధ్య వారం రోజులు గ్యాప్​ ఉన్న సంగతి తెలిసిందే. ఆర్​ఆర్​ఆర్​కు ప్రేక్షకుల నుంచి మంచి టాక్​ వస్తే సరి.. కాస్త అటూ, ఇటూ టాక్ వచ్చినా.. రాధేశ్యామ్​ అమాంతం థియేటర్లను లాగేసుకోవడం ఖాయం అని అంటున్నారు విశ్లేషకులు. అలాగని రాజమౌళిని అసలు తక్కువ అంచనా వేసేందుకు ఆస్కారం లేదు. ఆయనకు ఉన్న మార్కెట్ స్ట్రాటజీ గురించి ప్రత్యేకంగా చెప్పనక్కర్లేదు. ఆయన వ్యూహాలేంటో బాహుబలితోనే అర్ధమైపోయాయి. ఇటువంటి పరిస్థితుల్లో నార్త్​ స్క్రీన్స్​లో ఈ రెండు సినిమాల మధ్య గట్టి పోటీ నెలకొంది అనడంలో ఎటువంటి సందేహం లేదు.