Workplace Relationships: ఒకప్పుడు వర్క్ కల్చర్ ఈ స్థాయిలో ఉండేది కాదు. కార్పొరేట్ వ్యవహారాలు కూడా ఈ స్థాయిలో సాగుతూ ఉండేవి కాదు. వెస్ట్రన్ కంపెనీలు మనదేశంలోకి వచ్చిన తర్వాత.. పనిచేసే విధానాలలో రకరకాల మార్పులు వచ్చాయి. ఇది కాస్త వర్క్ కల్చర్ మొత్తాన్ని మార్చేస్తున్నాయి. అవి అంతిమంగా రకరకాల వ్యవహారాలకు కారణమవుతున్నాయి.
ఆఫీసుల్లో ఆడ , మగ కలిసి పని చేయడం అనేది నేటి కాలంలో కామన్ గా మారిపోయింది. కొన్ని వెస్ట్రన్ కంపెనీలో అయితే లేడీస్ రాత్రి పూట కూడా పనిచేయాల్సి వస్తోంది. వర్క్ డిమాండ్ పెరిగిపోవడం.. జెండర్ ఈక్వాలిటీ .. ఇలా రకరకాల కారణాలవల్ల లేడీస్ కూడా రాత్రిపూట పనిచేస్తున్నారు. ఇంతవరకు బాగానే ఉన్నప్పటికీ.. ఆఫీసుల్లో పనిచేస్తున్నప్పుడు ఉద్యోగుల మధ్య ఎఫైర్స్ పెరిగిపోవడం ఆందోళన కలిగిస్తోంది.
రోజులో చాలా గంటల పాటు పనిచేయాల్సి వస్తున్న నేపథ్యంలో కార్యాలయాలలో సహ ఉద్యోగుల మధ్య ప్రేమ అనేది కామన్ అయిపోయింది. కొందరు పెళ్లయిన వారు కూడా తమ కొలీగ్స్ తో వ్యవహారం కొనసాగిస్తున్నారు. అమెరికాలో ఇలా 40 శాతం మంది తమ భాగస్వామ్యలను మోసం చేస్తున్నారని ఫోర్బ్స్ అనే సంస్థ నిర్వహించిన సర్వేలో తెలిసింది. ఇలాంటి రిలేషన్ ల వల్ల ఉద్యోగుల పనితీరు కూడా ప్రభావితమవుతోంది. ఇంకా కొంతమంది ఉద్యోగులు అయితే తమ తోటి ఉద్యోగులను ఆకట్టుకోవడానికి రకరకాల పనులు చేస్తున్నట్టు తెలుస్తోంది.
ఇలాంటి పనుల వల్ల పెళ్లయిన ఉద్యోగుల వ్యక్తిగత జీవితాలలో చాలా మార్పులు వస్తున్నాయని ఈ సర్వేలో తేలింది. అ కా రణంగా సెలవులు పెట్టడం.. తోటి ఉద్యోగులతో వెకేషన్ వెళ్లడం వల్ల వారి వైవాహిక జీవితాలలో ఊహించని మార్పులు చోటు చేసుకుంటున్నాయి. దీనివల్ల కార్యాలయాలలో పని తీవ్రంగా మందగిస్తున్నది. వారి వ్యక్తిగత జీవితాలపై కూడా తీవ్రమైన ప్రభావం పడుతుంది. కొంతమంది ఉద్యోగులు తమ రహస్య బంధాలను ఓపెన్ గానే చెప్పేశారు. ఇటువంటివి తప్పు అయినప్పటికీ.. తప్పడం లేదని వారు చెప్పడం ఆందోళన కలిగిస్తున్నది.
