Elon Musk(1)
Elon Musk : అమెరికా అధ్యక్ష ఎన్నికల్లో డొనాల్డ్ ట్రంప్ విజయం సాధించడంలో ప్రపంచంలోనే అత్యంత సంపన్నుడు, టెస్లా సీఈవో ఎలోన్ మస్క్ కీలక పాత్ర పోషించారు. అయితే, అమెరికా అధ్యక్ష ఎన్నికల తర్వాత ఎలోన్ మస్క్ తదుపరిసారి అధ్యక్షుడయ్యే అవకాశం ఉందని కూడా చర్చ జరుగుతోంది. అయితే ఎలోన్ మస్క్ నిజంగా అమెరికా ప్రెసిడెంట్ కాగలడా అనే ప్రశ్న ప్రతి ఒక్కరి మదిలో మెదలుతుంది. అందుకు గల నియమాలు ఏమిటో ఈ కథనంలో తెలుసుకుందాం.
ఎలోన్ మస్క్ అధ్యక్షుడు కాగలడా?
అమెరికా అధ్యక్ష ఎన్నికల్లో డొనాల్డ్ ట్రంప్ అద్భుత విజయం సాధించారు. ఆ తర్వాత ట్రంప్ సహకారం కోసం తన స్నేహితుడు ఎలోన్ మస్క్‌ని కూడా ప్రస్తావించారు. ఎందుకంటే ఎలోన్ మస్క్ ఎన్నికల సమయంలో ట్రంప్‌కు బహిరంగంగా మద్దతు పలికారు. అయితే ఎన్నికల్లో గెలిచిన తర్వాత మస్క్ భవిష్యత్తులో అమెరికా అధ్యక్షుడయ్యే అవకాశం ఉందని ప్రతిపక్ష నేతలు చెబుతున్నారు.
ఈ విషయాలను ట్రంప్ తోసిపుచ్చారు
భవిష్యత్తులో అధ్యక్షుడిగా ఎలోన్ మస్క్ చేసిన అన్ని వాదనలను డొనాల్డ్ ట్రంప్ తిరస్కరించారు. ఈ సందర్భంగా ఎలోన్ మస్క్ అమెరికా అధ్యక్షుడిగా ఎప్పటికీ కాలేరని ట్రంప్ అన్నారు. అయితే, ఎలాన్ మస్క్ చాలా ప్రామిసింగ్, హార్డ్ వర్కింగ్ పర్సన్ అని కూడా కొనియాడారు. కానీ అతను ఎప్పటికీ అమెరికా అధ్యక్షుడు కాలేడు, ఎందుకంటే అతనికి అధ్యక్షుడు అయ్యేందుకు రాజ్యంగ హక్కుల లేదు.
అమెరికా అధ్యక్షుడు ఎవరు కాగలరు?
అమెరికాలో అధ్యక్ష ఎన్నికల్లో పోటీ చేసేందుకు కొన్ని నిబంధనలు, షరతులు ఉన్నాయి. ఈ రాజ్యాంగ నిబంధనల ప్రకారం, అమెరికా అధ్యక్ష పదవికి పోటీ చేసే ఏ వ్యక్తి అయినా అమెరికాలో సహజంగా జన్మించిన పౌరుడై ఉండాలి. సరళమైన భాషలో చెప్పాలంటే, అమెరికాలో జన్మించిన వ్యక్తి మాత్రమే అమెరికా అధ్యక్ష ఎన్నికల్లో పోటీ చేయగలడు. మస్క్ అమెరికాలో కాదు దక్షిణాఫ్రికాలో జన్మించినందున ఎన్నటికీ అధ్యక్షుడు కాలేడు.
అధ్యక్షుడు కావడానికి ఇవి ఉండాలి
అమెరికా రాజ్యాంగం ప్రకారం, అధ్యక్ష ఎన్నికల్లో పోటీ చేయడానికి కనీసం 35 ఏళ్ల వయస్సు ఉండాలి. అయితే, గరిష్ట వయస్సు ప్రస్తావన లేదు. అమెరికాలో కనీసం 14 ఏళ్లు నివసిస్తున్న వ్యక్తి మాత్రమే ఎన్నికల్లో పోటీ చేసేందుకు అర్హులుగా పరిగణిస్తారు. ఇది మాత్రమే కాదు, అమెరికాలో జన్మించిన లేదా వారి తల్లిదండ్రులు అమెరికన్ పౌరులు అయిన వ్యక్తి మాత్రమే అధ్యక్ష పదవికి అర్హులు.
