Pakistan America Relations: పాకిస్తాన్ నెత్తి మీద అమెరికా కూర్చుంది. అందువల్లే అమెరికా ఆడించినట్టు పాకిస్తాన్ ఆడుతోంది. చివరికి తమ పరిపాలన విషయంలో కూడా అమెరికాకు విపరీతమైన ప్రాధాన్యం ఇచ్చి పాకిస్తాన్ బికారి దేశంగా మారిపోతోంది. పాకిస్తాన్ దేశాన్ని ఒక గాడిలో పెట్టేందుకు ఇమ్రాన్ ఖాన్ ప్రయత్నించినప్పటికీ.. అమెరికా శకుని ప్రయత్నం చేసి అతడిని జైలుకు పంపించింది.
అమెరికా దుర్నీతి గురించి ప్రత్యేకంగా చెప్పాల్సిన అవసరం లేదు. తన ప్రయోజనాల కోసం ప్రపంచాన్ని తాకట్టు పెట్టడానికి కూడా అమెరికా వెనకాడదు. చివరికి తన ప్రయోజనాలకు వ్యతిరేకంగా ఉన్నాడని ఇమ్రాన్ ఖాన్ ను జైలు పాలు చేసింది అమెరికా. ఇమ్రాన్ ఖాన్ ప్రధానమంత్రిగా ఉన్నప్పుడు చైనా దేశానికి అనుకూలంగా ఉన్నాడు. రష్యా కు దగ్గర అయ్యాడు. సిల్క్ రోడ్డుకు అంగీకారం తెలిపారు. ఇంకా అనేక రకాల మార్గాలలో పాకిస్తాన్ దేశానికి ఆదాయాన్ని అందించేందుకు ఇమ్రాన్ ఖాన్ కష్టపడ్డాడు.
పాకిస్తాన్ దేశం చైనాకు దగ్గర కావడం.. రష్యాతో స్నేహాన్ని కొనసాగించడం.. ఇరాన్ దేశంతో సఖ్యతను ప్రదర్శించడం అమెరికాకు ఏమాత్రం నచ్చలేదు. అమెరికా తన సైనిక అధికారులతో పాకిస్తాన్ ఆర్మీకి వర్తమానం పంపింది. చేయాల్సిన పని చేసేసింది. చివరికి పాకిస్తాన్ దేశంలో ప్రధానమంత్రిగా ఉన్న ఇమ్రాన్ ఖాన్ మీద లేనిపోని కేసులు పెట్టించి జైలు పాలు చేసింది. ఇప్పుడు పాకిస్తాన్ ప్రధానమంత్రి.. సైనిక అధ్యక్షుడి మీద అమెరికాకు అంత సానుకూలత లేదు. ఏదైనా జరిగితే వారిద్దరిని కూడా జైలుకు పంపించి.. ఇమ్రాన్ ఖాన్ తో ఒప్పందాలు కుదుర్చుకోవడానికి అమెరికా వెనకాడదు. ఎందుకంటే అమెరికాకు కావాల్సింది కేవలం ప్రయోజనాలు మాత్రమే. విలువైన వనరులు.. విలువైన సంపద ఆ దేశానికి కావాలి. ఒకవేళ అడ్డుపడితే జైలుకు పంపిస్తుంది. అవసరమైతే ఉగ్రవాది అనే ముద్ర వేసి చంపేస్తుంది. ఒకవేళ బలమైన నాయకుడు గనుక అయివుంటే అతడి మీద విష ప్రచారం చేస్తూ ఉంటుంది. అమెరికా అంటేనే సైతాన్ దేశం. దానికి ఎంత దూరంగా ఉంటే అంత మంచిది.
ఇమ్రాన్ ఖాన్ జైలుకు వెళ్తున్నప్పుడు అమెరికా మీద తీవ్రస్థాయిలో ఆరోపణలు చేశాడు. కొన్ని పార్టీలు అమెరికాకు తలవంచి తనకు ద్రోహం చేశాయని ఆగ్రహం వ్యక్తం చేశాడు. ఇప్పటికీ ఇమ్రాన్ ఖాన్ జైలులో మగ్గిపోతున్నాడు. ఆ మధ్య అతడు చనిపోయాడని వార్తలు కూడా వచ్చాయి. అతడి ఆరోగ్యం క్షీణించిందని ప్రచారం కూడా జరిగింది. కానీ అవేవి నిజాలు కావని తర్వాత తేలింది. జైల్లో ఉన్నప్పటికీ కూడా ఆమధ్య పాకిస్తానీ ఎన్నికల్లో ఇమ్రాన్ ఖాన్ పార్టీ భారీగా సీట్లను గెలుచుకోవడం విశేషం.
