Kangana Ranaut: రాత్రిళ్లు హీరోల గదుల్లో ఆ హీరోయిన్స్… వారి బండారం బయటపెట్టిన స్టార్ హీరోయిన్

Kangana Ranaut: ఫైర్ బ్రాండ్ కంగనా రనౌత్ సంచలన ట్వీట్ చేశారు. నేను పిలవగానే హీరోల గదులకు పోయే హీరోయిన్స్ టైప్ కాదని షాకింగ్ పోస్ట్ పెట్టారు. కంగనా రనౌత్ సంచలన ట్వీట్ వైరల్ గా మారింది. చెప్పాలంటే కంగనా రనౌత్ ఒకవైపు బాలీవుడ్ మొత్తం మరోవైపు. చాలా కాలంగా ఆమె అలుపెరగని పోరాటం చేస్తున్నారు. ఇండస్ట్రీ పెద్దలు, స్టార్ కిడ్స్ టార్గెట్ గా ఆమె ఆరోపణలు ఉంటాయి. అవుట్ సైడర్స్ ని స్టార్ కిడ్స్ కోసం బలి చేస్తున్నారంటూ ఆమె నినాదం అందుకున్నారు. సుశాంత్ సింగ్ మరణానికి ఇండస్ట్రీ పెద్దలే కారణమంటూ ఆమె ధ్వజమెత్తారు.

ఏ మాత్రం అవకాశం దొరికినా బాలీవుడ్ ని కంగనా ఏకిపారేస్తుంది. ఆమె అధికంగా చిత్రాలు చేసేది హిందీలో అయినప్పటికీ వారిని ఉద్దేశించే పరుష వ్యాఖ్యలు చేస్తుంది. దేశంలో టాలీవుడ్ పెద్ద పరిశ్రమ బాలీవుడ్ కాదంటుంది. తాజాగా కంగనా రనౌత్ వరుస ట్వీట్స్ తో సోషల్ మీడియాను షేక్ చేశారు. కంగనా తన ట్వీట్లో… ‘బాలీవుడ్ మాఫియా నా యాటిట్యూడ్ ని పొగరుగా చిత్రీకరిస్తుంది. ఎందుకంటే నేను ఇతర హీరోయిన్స్ మాదిరి చిలిపి నవ్వులు నవ్వడం, ఐటెం సాంగ్స్ చేయడం, చీర కట్టుకొని డాన్స్ చేయడం, హీరోలు పిలవగానే రాత్రి గదికి వెళ్లడం చేయను. అందుకే వీరు నన్ను పిచ్చిదానిగా చిత్రీకరించి జైలుకి పంపాలని చూస్తున్నారు,’ అని కామెంట్ చేశారు.

కంగనా రనౌత్ ట్వీట్ మొత్తం పరిశ్రమను బ్లేమ్ చేసినట్లయింది. ఆఫర్స్ కోసం కెరీర్ కోసం ఇతర హీరోయిన్స్ హీరోలతో బెడ్ షేర్ చేసుకుంటారని, వాళ్లతో సరదాగా మాట్లాడుతూ ఎంటర్టైన్ చేస్తారని ఆమె పరోక్ష ఆరోపణలు చేశారు. కంగనా రనౌత్ మరొక ట్వీట్లో… ‘నాకు ఈ యాటిట్యూడ్ మా అమ్మ నుండి వచ్చింది. నేను ఒక స్టార్ హీరోయిన్ అయినా మా అమ్మ ఇప్పటికీ వ్యవసాయం చేస్తుంది. ఆమె 25 ఏళ్ళు టీచర్ గా పనిచేశారు. మా కుటుంబంలో రాజకీయ నాయకులు, ఉద్యోగులు, వ్యాపారవేత్తలు ఉన్నారని,’ ఆమె కామెంట్ చేశారు.

కంగనా రనౌత్ వరుస ట్వీట్స్ ప్రకంపనలు రేపుతున్నాయి. కంగనా రనౌత్ గత ఏడాది ధాకడ్ టైటిల్ తో యాక్షన్ ఎంటర్టైనర్ చేశారు. ఆ మూవీ ఆశించిన స్థాయిలో ఆడలేదు. జయలలిత బయోపిక్ లో కంగనా నటించారు. తలైవి టైటిల్ తో పాన్ ఇండియా చిత్రంగా విడుదలైంది. క్రేజీ ప్రాజెక్ట్ చంద్రముఖి 2 కంగనా దక్కించుకున్నారు. చంద్రముఖి 2 షూటింగ్ జరుపుకుంటుంది. అలాగే మరో మూడు బాలీవుడ్ చిత్రాలు ఆమె ఖాతాలో ఉన్నాయి.