Hero Nani: ఎలాంటి బ్యాక్ గ్రౌండ్ సపోర్టు లేకుండా ఇండస్ట్రీ కి వచ్చి స్టార్స్ అవ్వడం అంటే సాధారణమైన విషయం కాదు.కెరీర్ ప్రారంభం లో ఎన్నో అవమానాలను ఎదురుకోవాల్సి వస్తుంది. అడ్డమైన వాళ్ళందరి చేత మాటలు అనిపించుకోవాల్సి వస్తాది. బానిసలు లాగ ట్రీట్ చేస్తారు,అలా ఎన్నో అవమానాలను ఎదుర్కొని వచ్చిన హీరో మన న్యాచురల్ స్టార్ నాని. ఎలాంటి అండదండా లేకుండా తనకంటూ ఒక ప్రత్యేకమైన బ్రాండ్ ఇమేజి ని ఏర్పాటు చేసుకున్నాడు నాని.
ఇప్పుడు ఆయన సినిమా వస్తుంది అంటే చాలు, యూత్ మరియు ఫ్యామిలీ ఆడియన్స్ థియేటర్స్ కి క్యూ కట్టేస్తారు.హిట్టు ఫ్లాప్ తో సంబంధం లేకుండా ఈ స్థాయి ఆయనకీ ఊరికే రాలేదు. ఆయన హీరో గా నటించిన లేటెస్ట్ చిత్రం ‘దసరా’ ఈ నెల 30 వ తారీఖున ప్రేక్షకుల ముందుకు రాబోతుంది.ఈ సందర్భంగా ఆయన ఇచ్చిన ఇంటర్వ్యూ లో కెరీర్ తొలినాళ్లలో ఎదురుకున్న అవమానాల గురించి చేసిన కొన్ని కామెంట్స్ ఇప్పుడు వైరల్ గా మారాయి.
ఆయన మాట్లాడుతూ ‘ఎలాంటి బ్యాక్ గ్రౌండ్ ఇమేజి లేకుండా ఇండస్ట్రీ కి వచ్చిన వారికి అవమానాలు అనేది సర్వసాధారణం.నేను అసిస్టెంట్ డైరెక్టర్ గా ఉన్నప్పుడు కూడా ఎన్నో అవమానాలు ఎదురుకున్నాను. క్లాప్ బోర్డు ఆలస్యం అయినా కూడా అందరి ముందుకు నోటికి వచ్చినట్టు అరిచేవాళ్ళు.అవన్నీ నేను ముందుగానే ప్రిపేర్ అయ్యి భరించాను, కానీ ఒక ప్రముఖ దర్శకుడు మాత్రం నన్ను షూటింగ్ స్పాట్ లో చాలా దారుణంగా అవమానించాడు. అది నేను నా జీవితం లో ఎప్పటికీ మర్చిపోలేను. నేను దేనికీ పనికిరాని అన్నాడు, ఈ జన్మలో డైరెక్షన్ చెయ్యలేను అన్నాడు. ఆ మాటలు నన్ను ఎంతో మనోవేదనకు గురి చేసాయి,ఇప్పటికిప్పుడు నా సక్సెస్ ని చూపించి అతనికి దిమ్మ తిరిగే సమాధానం చెప్పాలని ఉంది. కానీ సంస్కారం అడ్డొస్తుంది, ఈమధ్యనే అతనిని కలిసాను కూడా, కానీ మా మధ్య ఎలాంటి ఆహ్లాదకరమైన వాతావరణం ఇప్పటికీ లేదు’ అంటూ నాని చేసిన కామెంట్స్ ఇప్పుడు వైరల్ గా మారాయి.
