Sai Dharam Tej: ‘విరూపాక్ష’ లో హాట్ సన్నివేశాలు ఉన్నాయా అని అడిగిన విలేఖరికి పగిలిపోయే రేంజ్ లో సమాధానం చెప్పిన సాయి ధరమ్ తేజ్

Sai Dharam Tej: మీడియా రంగం లో కొంతమంది విలేఖరుల వల్ల మొత్తం మీడియా వ్యవస్థ చులకన అయిపోతుంది.చూసేందుకు ఇద్దరు ముగ్గురు పిల్లలకు తండ్రి లాగ అనిపిస్తారు. కానీ నలుగురిలో కూర్చున్నప్పుడు ఎలాంటి ప్రశ్నలు అడగాలి, ఎలాంటి ప్రశ్నలు అడగకూడదు అనే ఇంకిత జ్ఞానం కూడా ఉండదు.సంతోషం లాంటి మ్యాగజైన్ ని నడుపుతున్న సురేష్ మన అందరికీ సుపరిచితుడే.ఇతడు జర్నలిస్ట్ ఎలా అయ్యాడు అనేది ఇప్పటికీ ఎవరికీ అంతు చిక్కని ప్రశ్న.

ఇతను అడిగే ప్రశ్నలు నలుగురిలో ఎంతో ఇబ్బందికరంగాను, అసహ్యంగానూ ఉంటుంది.ఉదాహరణకి గతం లో DJ టిల్లు మూవీ ప్రెస్ మీట్ లో కూడా హీరోయిన్ శరీరం లో ఎన్ని పుట్టుమచ్చలు ఉన్నాయో లెక్కపెట్టారా అని హీరోని అడుగుతాడు.అప్పట్లో ఆయన అడిగిన ఈ ప్రశ్న కి హీరో మరియు హీరోయిన్ కూడా చాలా ఘాటుగా సమాధానం ఇచ్చారు.ఇప్పుడు రీసెంట్ గా జరిగిన సాయి ధరమ్ తేజ్ ‘విరూపాక్ష’ మూవీ ప్రెస్ మీట్ లో కూడా ఇలాంటి ప్రశ్ననే అడిగాడు.

ఆయన మాట్లాడుతూ ”విరూపాక్ష’ సినిమాకి సెన్సార్ వాళ్ళు A సర్టిఫికేట్ ఇచ్చారు కదా, సినిమాలో మీకు సంయుక్త మీనన్ కి ఉన్న రొమాన్స్ సన్నివేశాలు వల్ల ఇచ్చారా, లేకపోతే సినిమాలో హారర్ థ్రిల్లింగ్ సన్నివేశాలు ఎక్కువ ఉండడం వల్ల ఇచ్చారా’ అని అడుగుతాడు.అప్పుడు సాయి ధరమ్ తేజ్ దానికి సమాధానం చెప్తూ ‘ఏమి రొమాంటిక్ సన్నివేశాలు ఉంటే మీరు టికెట్స్ తెంపుతారా’ అని అడుగుతాడు.

అప్పుడు సంతోషం సురేష్ ‘రొమాన్స్ ఉంటే కచ్చితంగా టికెట్స్ తెంపుతాము’ అని బదులిస్తాడు, అప్పుడు సాయి ధరమ్ తేజ్ మైక్ అందుకొని ‘అబ్బో..మీకు చాలా గ్యాప్ వచ్చినట్టు ఉందే,ఇంత గ్యాప్ వస్తే చాలా కష్టం కదా, నాకు తెలిసి మీ చుట్టూ అబ్బాయిలే ఉంటారు అనుకుంట,ఈ సినిమాలో మీరు ఆశించేవి ఏమి ఉండదు అండీ,ఇది హర్రర్ సినిమా, మీకు మంచి థియేట్రికల్ అనుభూతిని అందిస్తుంది.మీరు కోరుకునే సన్నివేశాల కోసం సినిమా తియ్యలేదు.జనాలందరూ కోరుకునే సన్నివేశాల కోసమే ఈ చిత్రాన్ని తీసాము’ అంటూ చెప్పుకొచ్చాడు సాయి ధరమ్ తేజ్.