Roja Son Birthday : ఆ డెకరేషన్ ఒ రేంజ్ లో ఉంది. స్టేజి అదిరిపోయింది. కేక్ అయితే అత్యంత భారీగా ఉంది. బాంబులు పేలాయి. చిచ్చుబుడ్లు వెలుగులు విరజిమ్మాయి. అతిథులు ప్రత్యేకమైన డ్రెస్ కోడ్ లో వచ్చారు. ఇక బర్త్డే బాయ్ అయితే సినిమా హీరో లాగా ఉన్నాడు. రింగుల జుట్టు.. దానికి తగ్గట్టుగా నలుపు రంగు డ్రెస్.. యంగ్ కౌ బాయ్ లాగా ఉన్నాడు.
అతడిని పట్టుకొని సీనియర్ నటి.. మాజీ మంత్రి రోజా వేదిక మీదికి వచ్చారు. ఆమె తీసుకొచ్చిన ఆ వ్యక్తి మరెవరో కాదు ఆమె కొడుకు.. కృష్ణ కౌశిక్. తన కొడుకు 20వ పుట్టినరోజు వేడుకలను రోజా అత్యంత ఘనంగా నిర్వహించారు.. ఈ వేడుకకు అత్యంత సన్నిహితులను.. కుటుంబ సభ్యులను మాత్రమే రోజా ఆహ్వానించారు. తన కొడుకు కోరిక మేరకు జన్మదిన వేడుకలను అత్యంత ఘనంగా నిర్వహించారు రోజా. వచ్చిన అతిథులు ప్రత్యేకమైన డ్రెస్ కోడ్ లో వచ్చారు. వారంతా కూడా రోజా కుమారుడికి జన్మదిన శుభాకాంక్షలు తెలియజేశారు.
కృష్ణ కౌశిక్ కేక్ కట్ చేసి ముందుగా తన మాతృమూర్తి రోజాకు పెట్టారు. ఆ తర్వాత తండ్రి సెల్వమణికి కేక్ పెట్టారు. అనంతరం వచ్చిన బంధుమిత్రుల ఆశీస్సులు తీసుకున్నారు. ఈ వేడుకలను రోజా అత్యంత ఘనంగా నిర్వహించారు. తన పదవిలో లేకపోయినప్పటికీ.. కొంతకాలంగా రాష్ట్ర రాజకీయాలకు దూరంగా ఉంటున్నప్పటికీ కొడుకు పుట్టినరోజు వేడుకల విషయంలో మాత్రం తగ్గలేదు. పైగా తన కొడుకుకు ఇష్టమైన విధంగా వేడుక నిర్వహించారు…
రోజా మంత్రిగా ఉన్నప్పుడు కొడుకు కోరిక మేరకు ఒక విలాసవంతమైన కారును కొనుగోలు చేశారు. అప్పుడు అది కాస్త వివాదాస్పదమైంది. దానిపై కొన్ని మీడియా సంస్థలు వ్యతిరేకమైన కథనాలను ప్రసారం చేశాయి. ఆ తర్వాత రోజా వాటి మీద క్లారిటీ ఇచ్చారు. అయినప్పటికీ జరగాల్సిన నష్టం జరిగిపోయింది. నగరి నియోజకవర్గంలో రోజా ఓడిపోవాల్సి వచ్చింది. ఓడిపోయినప్పటికీ కూడా నగరి నియోజకవర్గంలో ఆమె తిరుగుతూనే ఉన్నారు. కార్యకర్తలను కలుస్తూనే ఉన్నారు. వేడుకలకు.. ఇతర కార్యక్రమాలకు ఆమె హాజరవుతూనే ఉన్నారు. తద్వారా 2029 లో జరిగే ఎన్నికల్లో మరోసారి నగరి నుంచి పోటీ చేసి గెలుపొందాలని రోజా చూస్తున్నారు.
