Gujarat Bridge Collapse Incident: ఆ విషాదాన్ని చూసి కన్నీరే కన్నీరు పెట్టుకుంది. బాధే బాధపడింది. గుండె కోత గుండె లవిసేలా రోదించింది. గుజరాత్ రాష్ట్రంలో మోర్బీ వంతెన కూలిన ఘటనలో 141 మంది చనిపోయారు. ఇందులో బిజెపి ఎంపీ కుటుంబానికి చెందిన 12 మంది ఉండటం దారుణం. రాజ్ కోట్ ఎంపీ మోహన్ భాయ్ కళ్యాణ్ జీ కుందారీయా కుటుంబ సభ్యులు 12 మంది ఈ దుర్ఘటనలో కన్నుమూశారు. అక్టోబర్ 30న ఈ విషాదం జరిగింది..141 మంది దాకా కన్ను మూసారు. వంతెన కూలిన ఘటనలో తన కుటుంబంలోని 12 మంది చనిపోయారని సుందర్జీ బోధ విలపిస్తూ చెప్పారు. మంగళవారం వారి సంతాప సభ నిర్వహించారు. ఐదుగురు మనుమలు, నలుగురు కూతుళ్లు, ముగ్గురు కోడళ్లను కోల్పోయిన బోధా మాట్లాడుతూ, “ఇది కలిగించిన బాధ, వేదనను నేను వర్ణించలేనని వాపోయారు.విషాదం జరిగిన కొన్ని రోజులలో, వలసరాజ్యాల కాలం నాటి సస్పెన్షన్ బ్రిడ్జి ఎందుకు కొట్టుకుపోయి, డజన్ల కొద్దీ ప్రజలను మచ్చు నదిలో పారబోసింది అనేదానికి కొన్ని సమాధానాలు లభిస్తున్నాయి.
ఆ సంస్థ విఫలమైంది
ఈ కేసును పరిశోధిస్తున్న పోలీసులు వంతెనను నిర్వహించే పనిలో ఉన్న సంస్థ, ఒరెవా, వంతెన పాదచారులకు సురక్షితంగా ఉందని నిర్ధారించడానికి తగిన మరమ్మతులు లేదా పరీక్షలను నిర్వహించడంలో విఫలమైందని సూచించారు.”వారు ఎలక్ట్రిక్ ఫిట్టింగ్లు, పెయింటింగ్ పని మాత్రమే చేసారు” అని గుజరాత్ పోలీసు డిప్యూటీ సూపరింటెండెంట్ జాలా చెబుతున్నారు. “వారు ఎటువంటి ఫిట్నెస్ లేదా సామర్థ్య పరీక్ష చేయలేదు.” అని స్పష్టం చేశారు.
దీపావళి సెలవులు ప్రాణాంతకంగా మారాయి
“పిల్లలు ఇక్కడ లేరు. ఇది చాలా బాధాకరమైనది. దీన్ని ఎలా భరిస్తాం? మాకు తెలియదు.” ప్రభులాల్ బోధ వాపోయారు. సస్పెన్షన్ బ్రిడ్జ్ మచ్చు నదిపై1900లో బ్రిటిష్ పాలనలో నిర్మితమైంది 230 మీటర్లు (755 అడుగులు) ఒక వైపు నుంచి మరొక వైపుకు నడిచేందుకు సన్నని తీగ పట్టీలను పట్టుకుని పర్యాటకులను ఆకర్షించేది. ఆదివారం అక్టోబర్ 30, వందలాది కుటుంబాలు కేవలం 1.25 మీటర్లు (4 అడుగులు) వెడల్పు ఉన్న వంతెనపై కిక్కిరిసిపోయాయి.. ఆరోజు దీపావళి పండుగ జన సందోహం ఎక్కువగా ఉంది. వంతెన కూలిపోయినప్పుడు దాదాపు 200 మంది వంతెనపై ఉన్నారని గుజరాత్ అధికారులు అంచనా వేస్తున్నారు – అనుమతించిన సామర్థ్యం కంటే చాలా ఎక్కువ, వారు చెప్పారు. ఈ దుర్ఘటనలో ఒకే కుటుంబంలో 12 మంది కన్నుమూశారు. వారిలో ఎనిమిదేళ్ల ఫైజాన్, ఐదేళ్ల మహినూర్ మజోతి ఉన్నారు. దీపావళి సెలవుల అనంతరం పాఠశాల వెళ్లాలని వంతెన ఎక్కే ముందు చర్చించుకున్నారు. ఫైజాన్ తన తండ్రితో. మర్యాద హిమిలాబెన్ ఖుంభార్
అది పగిలిన సమయంలో వారి నానమ్మ, హిమిలాబెన్ ఖుంభార్ వారితో పాటు వంతెనపై ఉన్నారు. “మేము నీటిలో పడే వరకు ఏమి జరుగుతుందో నాకు తెలియదు,” ఆమె చెప్పింది. “నేను ఈత కొట్టాను. పక్కన ఉన్న వారి నుంచి సహాయం పొందాను. నేను బతికి బట్ట కట్టాను. కానీ నా కూతురు, అల్లుడు, పిల్లలు అందరూ చనిపోయారు. ఫైజాన్, మహినూర్ స్కూల్ బ్యాగ్లు ఇప్పటికీ ముందు గది మూలలో ఉన్నాయి – శోక నష్టాన్ని నిరంతరం గుర్తుచేస్తుంది.
బాధ్యులందరినీ శిక్షించాలని నేను కోరుకుంటున్నాను” అని కుంభార్ బంధువు ఇబ్రహీం మోజోతి అన్నారు. ‘‘కుటుంబాన్ని కోల్పోయింది నాకే కాదు. చాలా మంది వ్యక్తులు తమ కుటుంబాలను కోల్పోయారు… నా అన్న, కోడలు, మేనల్లుడు, మేనకోడలు అందరూ పోయారు. ఎవరూ మిగలలేదు ఆయన కన్నీటి పర్యంతమయ్యారు.
ఎన్నో కన్నీటి గాథలు
మచ్చు నది పై వంతెన కూలిన ఘటనలో 141 మంది కన్నుమూశారు. ఘటన జరిగి పది రోజులు దాటినా ఇంతవరకూ నిందితుల పై చర్యలు తీసుకోలేదు. ఇది బాధితుల్లో ఆగ్రహానికి కారణమవుతోంది. త్వరలో గుజరాత్ రాష్ట్రంలో ఎన్నికలు జరిగే అవకాశం ఉన్న నేపథ్యంలో ప్రతిపక్ష పార్టీలు ప్రభుత్వాన్ని తూర్పారపడుతున్నాయి. అయితే సదరు కంపెనీపై చర్యలు తీసుకుంటామని ప్రభుత్వం చెప్తోంది. ఒకవేళ ఈ ఘటనపై ప్రభుత్వం ఇలాగే నిర్లక్ష్యం వహిస్తే వచ్చే ఎన్నికల్లో భారీ నష్టాన్ని చవి చూడాల్సి వస్తుందని రాజకీయ విశ్లేషకులు అంటున్నారు.
