Prem Rakshit Choreographer: నాటు నాటు.. ఇప్పుడు ఏ నోట చూసిన ఇదే పాట.. నలుగురు గుమి గూడిన చోట ఇదే ఆట. అంతలా జనాల మనసుల్లోకి చొచ్చుకుపోయింది. ఇప్పుడు ఏకంగా ఆస్కార్ అవార్డును దక్కించుకుంది. ఫలితంగా ఈ పాటకు కొరియోగ్రఫీ చేసిన ప్రేమ్ రక్షిత్ పై ప్రశంసల జల్లు కురుస్తోంది. భాషతో సంబంధం లేకుండా ప్రపంచ వ్యాప్తంగా అభిమానులు ఆయనకు శుభాకాంక్షలు చెబుతున్నారు. ఇంతవరకు ఒక ఎత్తు అయితే.. డాల్బీ థియేటర్లో నాటు నాటు పాట ఒక ఎత్తు. ఇంతవరకు ఏ పాటకు దక్కని గౌరవం ఈ నాటు నాటుకు దక్కింది.
పాటను ఆలపించిన కాలభైరవ, రాహుల్ సిప్లిగంజ్ డాల్బీ థియేటర్లో పాడుతుండగా.. హాలీవుడ్ కు చెందిన డ్యాన్సర్లు నాటు నాటు స్టెప్పులతో డాల్బీ థియేటర్ లో రచ్చ రచ్చ చేశారు. దీంతో ఈ అవార్డుల ప్రధానోత్సవ కార్యక్రమానికి హాజరైన అతిరథ మహానటులు వారితోపాటు పాదం కదిపారు. ఫలితంగా అటు థియేటర్ లోనే కాకుండా డాల్బీ థియేటర్ లోనూ నాటు నాటు పాట దుమ్మురేపింది.. ముఖ్యంగా హాలీవుడ్ డ్యాన్సర్లు వేసిన డ్యాన్స్ కు అందరూ ఫిదా అయిపోయారు.
అయితే ఈ సినిమాకు సంబంధించి నాటు నాటు పాటకు కొరియోగ్రఫీ చేసిన ప్రేమ్ రక్షిత్.. హాలీవుడ్ డ్యాన్సర్లకు కూడా శిక్షణ ఇచ్చాడు. కొద్దిరోజులపాటు అమెరికాలోనే మకాం వేసి ఒక ప్రత్యేక స్టూడియోలో వారికి స్టెప్పులు నేర్పించాడు.. ఆ డ్యాన్సర్లు సోమవారం తెల్లవారుజామున జరిగిన ఆస్కార్ అవార్డుల ప్రధానోత్సవ కార్యక్రమంలో నాటు నాటు పాటకు స్టెప్పులు వేశారు.. రాహుల్, కాలభైరవ పాడుతుండగా రెచ్చిపోయి డ్యాన్స్ వేశారు. ప్రస్తుతం ఈ వీడియో నెట్టింట వైరల్ గా మారింది. అంతేకాదు ప్రేమ్ రక్షిత కంపోజ్ చేసిన స్టెప్పులకు హాలీవుడ్ ఫిదా అయింది.
కేవలం స్టెప్పులు మాత్రమే కాదు సెటప్ కూడా ఆర్ఆర్ సినిమా మాదిరే వేశారు. జూనియర్ ఎన్టీఆర్, రామ్ చరణ్ వేసుకున్నట్టుగా కాస్ట్యూమ్స్ వేసుకొని హాలీవుడ్ డ్యా న్సర్లు స్టెప్పులతో అదరగొట్టారు. నాటు నాటు పాటకు డాన్సర్లు డ్యాన్స్ వేస్తున్నంత సేపు డాల్బీ థియేటర్ ఊగిపోయింది.. ఈ ప్రదర్శన అనంతరం అకాడమీ అవార్డుల నిర్వహకులు ప్రేమ్ రక్షిత్ కు కృతజ్ఞతలు తెలిపారు.
#RRRMovie composer M. M. Keeravani accepts the original song #Oscar for “Naatu Naatu” and graces the audience with a tune of his own. https://t.co/hxuR41IpLt pic.twitter.com/t4pbTwAE1M
— Los Angeles Times (@latimes) March 13, 2023
