Bigg Boss Nonstop: బిగ్ బాస్ నాన్ స్టాప్ ఫైనల్ ఎపిసోడ్ సందడిగా జరుగుతోంది. మొత్తం ఏడుగురు కంటెస్టెంట్లు టైటిల్ రేసులో పోటీపడుతున్నారు. హోస్ట్ నాగార్జున ఈ ఎపిసోడ్ ను కూడా రక్తికట్టేలా నిర్వహిస్తున్నారు. ఈ క్రమంలోనే హౌస్ లో ఉన్న ఏడుగురు టాప్ కంటెస్టెంట్ల నుంచి తొలి ఎలిమినేట్ చోటుచేసుకుంది.
బిగ్ బాస్ ఫైనల్ ఎపిసోడ్ లోని మొత్తం ఏడుగురిలో తొలి ఎలిమినేటెడ్ అనిల్ అయ్యాడు. ముందుగా గార్డెన్ ఏరియాలో గ్రీన్, రెడ్ బెలూన్ లు పెట్టి వాటిని పేల్చమని నాగార్జున అన్నాడు.
ఈ క్రమంలోనే ముందుగా అరియానా బెలూన్ లు పేల్చగా అవి గ్రీన్ బెలూన్ లుగా వచ్చాయి. అనంతరం బిందు, అఖిల్, శివ, మిత్రా, బాబా భాస్కర్ లు తమ బెలూన్ లు పేల్చగా గ్రీన్ వచ్చాయి. కానీ అనిల్ ది మాత్రం రెడ్ బెలూన్స్ వచ్చాయి. దీంతో అనిల్ ఎలిమినేట్ అయిపోయారు.
ఇక అనిల్ ను స్టేజీమీదకు రమ్మన్న నాగార్జున అతడితో చిన్న చిన్న గేమ్స్ ఆడించి అతడు ఎవరికి సారీ చెప్పాలో.. ఎవరికి థ్యాంక్స్ చెప్పాలో చెప్పమని చెప్పాడు. ఆ తర్వాత హౌస్ మేట్స్ తోనూ అలాగే చెప్పమని నాగార్జున కోరాడు. ఆశ్చర్యకరంగా అఖిల్ తన బద్దశత్రువైన బిందుకు థ్యాంక్స్ చెప్పడం విశేషం.
ఇక ఆ తర్వాత హీరో సత్యదేవ్ వచ్చి ఓ గేమ్ ఆడించి బాబా భాస్కర్ ను ఎలిమినేట్ చేసి తీసుకుపోయారు. ఓ గన్ తో కాలిస్తే బ్లడ్ వచ్చిన వారు ఎలిమినేట్ అని గేమ్ ఆడించారు. ఈ క్రమంలోనే బాబా భాస్కర్ జాకెట్ పేలిపోవడంతో అతడిని ఎలిమినేట్ చేసుకొని తీసుకుపోయాడు.
