worlds best hotel in Assam: ఒకటి కాదు, రెండు కాదు.. ఏకంగా 1400 ఎకరాలు.. కనుచూపుమేరలో పచ్చదనం. విస్తారంగా పెరిగిన చెట్లు.. ఎక్కడ కూడా కాంక్రీట్ జంగిల్ కనిపించదు. కనీసం సిమెంట్ గోడ కూడా దర్శనమీయదు. అన్ని కూడా ప్రకృతిలో భాగం అన్నట్టుగా కనిపిస్తుంటాయి. చెట్లనుంచి మొదలు పెడితే పారే నీళ్ల వరకు అక్కడ ప్రతిదీ కూడా వింతగానే అనిపిస్తూ ఉంటుంది. ఇంత పెద్ద రిసార్ట్ విదేశాల్లో కాదు ఉన్నది.. మనదేశంలోనే ఉన్న దీని గురించి చెప్పాలంటే మాటలు సరిపోవు.
మనదేశంలోని ఈశాన్య రాష్ట్రాలలో ప్రముఖమైనది అస్సాం. ఈ రాష్ట్రంలో 1400 ఎకరాల విస్తీర్ణంలో పోస్ట్ కార్డ్ లగ్జరీ రిసార్ట్ ఉంది.. ఇందులో లగ్జరీకి పర్యాయపదంగా సౌకర్యాలు ఉంటాయి. ఇక్కడ మనసారా టీ ని ఆస్వాదించవచ్చు. సరదాగా గడపవచ్చు. ఇక్కడ విలాసవంతమైన విల్లాల తో పాటు.. పర్యటకులను ఆకట్టుకునేందుకు అత్యాధునిక సౌకర్యాలు ఉంటాయి. ఎక్కడ కూడా మనకు కృత్రిమతత్వం కనిపించదు. హోటల్ గదులలో అద్భుతమైన సౌకర్యాలు ఉంటాయి. స్విమ్మింగ్ పూల్.. స్పా.. ఫిట్నెస్ సెంటర్ వంటివి బోలెడు ఉంటాయి. సంప్రదాయ వంటలు కూడా ఇక్కడ ఎక్కువగా వండుతూ ఉంటారు. టీ పొడి తయారీలో ప్రముఖంగా ఉపయోగించే తేయాకు మొక్కలను నాటడం దగ్గరనుంచి.. టీ పొడిగా మార్చే వరకు అన్నింటిని ఇక్కడ చూపిస్తారు.
ఇక్కడ విలాసవంతమైన సౌకర్యాలను ఆస్వాదించవచ్చు. ఇక్కడ స్టే చేయడానికి ప్రత్యేకమైన ప్యాకేజీలు ఉంటాయి. కపుల్స్ కు ప్రత్యేకమైన గదులు ఉంటాయి. ఈ రిసార్ట్ మొత్తం తిరిగిరావడానికి దాదాపు 10 రోజుల దాకా పడుతుంది. అందువల్లే అక్కడక్కడ సోలార్ వెహికల్స్ ఉంటాయి. వాటి ద్వారా ప్రయాణం సాగించవచ్చు. ఒకరోజు ఇక్కడ స్టే చేయడానికి రూ. వేలల్లో వసూలు చేస్తూ ఉంటారు. మెచ్చిన వంటలు కూడా ఇక్కడ ఎప్పటికీ సిద్ధంగా ఉంటాయి. కోరుకున్న రుచులను అప్పటికప్పుడు తయారుచేసి ఇస్తుంటారు.. తేయాకు ను లైవ్ లో తెంపి.. టీ తయారు చేసి ఇస్తూ ఉంటారు. నచ్చిన మొక్కల ఆకులను తెంపి.. టీ పొడిగా మార్చి ఇస్తూ ఉంటారు.. అందువల్లే ఈ రిసార్ట్ ప్రపంచంలోనే అత్యుత్తమ హోటల్ గా ఎంపికైంది. ఇక్కడ పరిశుభ్రత కూడా అద్భుతంగా ఉంటుంది..
ఈ రిసార్ట్ ను పర్యవేక్షించడానికి భారీగా సీసీ కెమెరాలు ఏర్పాటు చేశారు. అంతేకాదు నిత్యం ఇక్కడ సెక్యూరిటీ సిబ్బంది పహారా కాస్తూ ఉంటారు. 1400 ఎకరాల చెట్టు భారీగా ఫెన్సింగ్ కూడా ఏర్పాటు చేశారు. దీనివల్ల సెక్యూరిటీ మాత్రమే కాకుండా.. బయోడైవర్సిటీని కూడా కాపాడుతున్నారు దీని నిర్వాహకులు.. అందువల్లే ఇది ప్రపంచంలోనే అత్యుత్తమ హోటల్ గా పేరు తెచ్చుకుంది.
