రాజమౌళి దర్శకత్వం వహించిన ‘ఆర్‌ఆర్‌ఆర్‌’ టీజర్‌పై ములుగు ఎమ్మెల్యే సీతక్క స్పందించారు. ‘మన్యం ముద్దుబిడ్డ మా అన్న, మా ఆదర్శం కొమురం భీం గాయి జయంతిన నా ఘన నివాళులు.. కొమురం భీం కథతో సినిమా తీస్తున్న చిత్రం యూనిట్‌కు నా ప్రత్యేక ధన్యవాదాలు’ అంటూ సీతక్క ట్వీట్‌ చేశారు. కాగా..ఈరోజు ‘ఆర్‌ఆర్‌ఆర్‌’ ఎన్టీఆర్‌ టీజర్‌ను విడుదల చేశారు. ఈ సినిమాలో ఎన్టీఆర్‌ కొమురం భీం పాత్రలో నటిస్తున్నాడు. ఇంతకుముందు రామ్‌చరణ్‌ టీజర్‌లో ఎన్టీఆర్‌ వాయిస్‌ ఉంటే ఇప్పుడు ఎన్టీఆర్‌ టీజర్‌లో రామ్‌చరణ్‌ వాయిస్‌ ఉండడం విశేషం. ‘వాడు కనబడితే సముద్రాలు తడబబుతాయి’ అంటూ మొదలయ్యే ఈ టీజర్‌కు విశేష ఆదరణ లభిస్తోంది.