రూ.35కే ఉల్లిగడ్డను విక్రయించాలని తెలంగాణ రాష్ట్ర వ్యవసాయశాఖ మంత్రి నిరంజన్ రెడ్డి శనివారం ఆదేశించారు. గత కొన్ని రోజులగాఉల్లిగడ్డ ధర రూ. 100 పలుకుతుండడంతో కేంద్రప్రభుత్వం తాజాగా బఫర్ స్టాక్ నుంచి ఉల్లిని తీసుకోవాలని రాష్ట్రాలకు , కేంద్రపాలిత ప్రాంతాలకు సూచించింది. వీటిలో తెలంగాణ, ఆంధ్రప్రదేశ్ తో పాటు అసోం, బీహార్, చండీగఢ్ కూడా ఉన్నాయి. ఈ నేపథ్యంలో హైదరాబాద్ లోని జంట నగరాల్లోని 11 రైతు బజార్లలో ఉల్లిగడ్డ రూ. 35కే విక్రయించాలని మంత్రి నిరంజన్ రెడ్డి ఆదేశించారు. దేశవ్యాప్తంగా ఉల్లి పంట దెబ్బతిన్నదని, ఎలాంటి లాభం లేకుండా రవాణా ఖర్చులు, దెబ్బతిన్న సరుకును చూసుకొని అమ్మకాలు జరపాలన్నారు.