Age Of Empires Game : వరల్డ్ టాప్ గేమ్ కు రెడీగా ఉండండి.. ఆండ్రాయిడ్, ఐఓఎస్ లో లాంచ్ కు డేట్ ఫిక్స్.. ఎప్పుడంటే?

Age Of Empires Game: ప్రపంచంలో అత్యంత పెద్ద మార్కెట్ ఏదంటే కాసేపు ఆలోచించాలి. కానీ టెక్ నాలెడ్జ్ వారు మాత్రం ఠక్కున గేమ్ మార్కెట్ అని చెప్తారు. ఎందుకంటే గేమ్ మార్కెట్ మాత్రమే వరల్డ్ వైడ్ గా ఎక్కువ లాభంలో నడుస్తుంది. చిన్నారుల కోసం రూపొందించన గేమ్స్ కొన్ని ఉంటే పెద్దల కోసం మరి కొన్ని ఉన్నాయి. కానీ మొబైల్ ఫోన్స్ వాడకం ఎక్కువయ్యాక.. చిన్నా పెద్దా తేడా లేకుండా అందరూ గేమ్స్ ఆడుతున్నారు. దీంతో ఆయా గేమ్స్ కంపెనీలు కూడా ది బెస్ట్ గ్రాఫిక్స్ యూజ్ చేస్తూ గేమ్స్ తయారు చేస్తున్నాయి. గేమ్స్ లలో చాలా రకాలు ఉన్నాయి. అందులో ఫేమస్ గేమ్ ‘గేమ్ ఏజ్ ఆఫ్ ఎంపైర్’. దీనికి సంబంధించి ఆండ్రాయిడ్, ఐఓస్ అప్ డేట్ కోసం యూజర్లు చాలా కాలంగా ఎదురు చూస్తున్నారు. ఆండ్రాయిడ్, ఐఓఎస్ యూజర్ల కోసం ఎంతో ఆసక్తిగా ఎదురుచూస్తున్న ‘గేమ్ ఏజ్ ఆఫ్ ఎంపైర్స్’ మొబైల్ వెర్షన్ అక్టోబర్ 17న ప్రపంచ వ్యాప్తంగా విడుదల కానుందని మైక్రోసాఫ్ట్ ప్రకటించింది. చాలా కాలంగా ఈ గేమ్ డెవలప్ లో ఉంది. ఈ గేమ్ ను వరల్డ్స్ ఎడ్జ్ సహకారంతో టీమీ స్టూడియో గ్రూప్ అభివృద్ధి చేసి ఎక్స్ బాక్స్ గేమ్ స్టూడియోస్ ప్రచురించింది. ఈ గేమ్ ప్రీ-రిజిస్ట్రేషన్ ఇప్పటికే తన అధికారిక వెబ్ సైట్ లో ప్రారంభమైంది.

మైక్రోసాఫ్ట్ ఇటీవల ఏజ్ ఆఫ్ ఎంపైర్స్ మొబైల్ గేమ్ విడుదల తేదీని ఎక్స్ లో ఒక చిన్న అధికారిక తేదీ ప్రకటన ట్రైలర్ తో ధృవీకరించింది. ‘ఏజ్ ఆఫ్ ఎంపైర్స్ మొబైల్ అక్టోబర్ 17న వరల్డ్ వైడ్ గా విడుదలవుతోంది. ప్రియమైన గవర్నర్లారా, మీరు సిద్ధంగా ఉన్నారా..? మీ గ్రామస్తులు మిమ్మల్ని ఎంపైర్స్ మొబైల్ యుగం ప్రపంచంలోకి నడిపించేందుకు సిద్ధంగా ఉన్నారు! యాప్ స్టోర్ లేదా గూగుల్ ప్లే స్టోర్ లో ఇప్పుడే ప్రీ రిజిస్టర్ చేసుకోండి. విడుదల చేసిన క్షణమే మీ విజయాన్ని ప్రారంభించడానికి సిద్ధంగా ఉండండి.’ అని కంపెనీ పేర్కొంది.

ఈ ప్రకటనపై, టీమీ స్టూడియోస్ టీమ్ లీడర్, స్టూడియో జనరల్ మేనేజర్ బ్రేడెన్ ఫాన్ మాట్లాడుతూ, ‘ఏజ్ ఆఫ్ ఎంపైర్స్ మొబైల్ లో ప్రదర్శించిన వాస్తవిక, ఇమ్మర్సివ్, మధ్యయుగ గేమ్ ప్లే ద్వారా ప్లేయర్లు తమ శత్రువులను తప్పుదోవ పట్టించాలని, తప్పుదోవ పట్టించేందుకు, ఆశ్చర్యపరుస్తారని మేము ఆశిస్తున్నాము.’ వివరించారు.

ఏజ్ ఆఫ్ ఎంపైర్స్ అన్ని కాలాల్లో అత్యంత ప్రాచుర్యం పొందిన రియల్ టైమ్ స్ట్రాటజీ వీడియో గేమ్ ఫ్రాంచైజీల్లో ఒకటి. గేమర్ల హృదయాల్లో దీనికి ప్రత్యేక స్థానం ఉంది. ఇప్పుడు మొబైల్ యూజర్ల కోసం ఈ గేమ్ అందుబాటులోకి రానుండడంతో కొత్త తరం గేమర్లు దీని గురించి తెలుసుకోనున్నారు. డెవలపర్ల ప్రకారం.. ఏజ్ ఆఫ్ ఎంపైర్స్ మొబైల్ ప్రసిద్ధ ఫ్రాంచైజీ అభిమానులకు ఒక స్పెషల్ అండ్ డిఫరెంట్ అనుభవం, ఐకానిక్ ఏజ్ ఆఫ్ ఎంపైర్స్ గేమ్స్ నుంచి కలుగుతుంది.

సామ్రాజ్యాల యుగంలోకి
మల్టీ సింగిల్-ప్లేయర్ మోడ్లు ఏజ్ ఆఫ్ ఎంపైర్స్ గేమ్ లో పొందుపరిచారు. ఒరిజినల్ సిరీస్ నుంచి క్లాసిక్ అంశాలను జోడించారు. గేమ్ లో తమ సైన్యాలకు నాయకత్వం వహించేందుకు ప్రపంచంలోని అత్యంత ప్రసిద్ధ చారిత్రక వ్యక్తుల నుంచి ఎంచుకునేందుకు ఆటగాళ్లను అనుమతించడం ద్వారా సిరీస్ మంచి క్లిక్ అవుతుంది.

బార్బరోస్సా, డారియస్ ది గ్రేట్, హమ్మురాబి, జోన్ ఆఫ్ ఆర్క్ 1, లియోనిడాస్ 1 తో సహా అనేక మంది నాయకుల నుంచి క్రీడాకారులు ఎంచుకోవచ్చు, ప్రతి ఒక్కరూ మీ ప్రత్యర్థులపై విరుచుకుపడేందుకు విలక్షణమైన నైపుణ్యాలు, సినర్జీలను కలిగి ఉన్నాయి. అద్భుతమైన నాగరికతలు, నగరాలు, చారిత్రక వ్యక్తులతో కూడిన రంగు రంగుల, వాస్తవిక పురాతన విశ్వంలో వారు తమ సామ్రాజ్యాలను నిర్మించగలరు. ఈ గేమ్ మంచి థ్రిల్ ఇస్తుందని గేమర్లు అంటున్నారు.

✨✨Age of Empires Mobile, the immersive medieval war strategy mobile game, is set to go global on October 17th!
Pre-register in the App Store or Google Play Store and journey toward conquest right away!https://t.co/Cy1gnsNrzp

Age of Empires Mobile seamlessly blends classic… pic.twitter.com/v4R9eud7PZ

— Age of Empires Mobile Official (@AOE_Mobile) August 15, 2024