6G Network : వేగవంతమైన ఇంటర్నెట్ తో ప్రపంచం ఇప్పటికే ఎలా వేగంగా పనిచేస్తుందో చూస్తూనే ఉన్నాం. 3జీ, 5జీ లకు సంబంధించి భారతదేశం ఎలా పని చేసిందో ప్రపంచం మొత్తం చూసింది. ఇప్పుడు 6జీలో కూడా భారతదేశం ప్రపంచానికి కొత్త దిశను చూపబోతోంది. మన దేశ ఆర్థిక వ్యవస్థలో టెలికాం పరిశ్రమ కూడా ముఖ్యమైన పాత్ర పోషిస్తుంది. భారతదేశం కూడా మొబైల్ కనెక్షన్లలో వేగవంతమైన పెరుగుదలను చూసింది. గతంలో 900 మిలియన్లు ఉండగా, ఇప్పుడు 1,150 మిలియన్లకు పెరిగింది. ఇంటర్నెట్ విషయానికొస్తే.. 200 మిలియన్ల నుండి 950 మిలియన్లకు చేరింది. భారతదేశం 3జీ, 4జీ, 5జీలలో ఫాలోవర్గా ఉంది. కానీ నేడు భారతదేశం 6జీలో మాత్రం ముందంజలో ఉంది. రానున్న కాలంలో యావత్ ప్రపంచం దృష్టి మన నెట్వర్క్పైనే ఉంటుంది. దేశవ్యాప్తంగా 5జీ సేవ షురూ అయింది. ప్రపంచంలోనే ఇంత వేగంతో 5జీ నెట్వర్క్ను విడుదల చేసిన మొదటి దేశం భారతదేశం. ఇప్పుడు ప్రభుత్వం 6జీ నెట్వర్క్ను ప్రారంభించేందుకు సన్నాహాలు చేస్తోంది. దీని కోసం 6జీ నెట్వర్క్ను అభివృద్ధి చేయడంలో సహాయపడే అనేక విదేశీ సంస్థలు, ఇతర సంస్థలతో ప్రభుత్వం ఒప్పందం కుదుర్చుకుంది. అభివృద్ధి చెందిన దేశానికి 6జీ నెట్వర్క్ అవసరమని ప్రభుత్వం విశ్వసిస్తోంది. ఎందుకంటే ఇది సాంకేతిక విషయాలలో వారధిగా పనిచేస్తుంది. 6జీ నెట్వర్క్ భారత్ అభివృద్ధి చెందిన దేశంగా ఎదగడానికి అవసరమైన అభివృద్ధిని అందిస్తుందని టెలికాం సెక్రటరీ నీరజ్ మిట్టల్ అన్నారు.
6జీ నెట్వర్క్ కోసం కొత్త ప్రణాళిక
టెలికాం సెక్రటరీ నీరజ్ మిట్టల్ ఓ కార్యక్రమంలో మాట్లాడుతూ.. దేశంలో ఇప్పటికే 5జీ టెక్నాలజీ ప్రారంభమైందన్నారు. ఇప్పుడు 6జీ నెట్వర్క్ని ప్లాన్ చేస్తున్నాం. అభివృద్ధి చెందిన దేశ హోదాను సాధించడంలో 6జీ నెట్వర్క్ అభివృద్ధిని ప్రోత్సహిస్తుందని ఆయన అన్నారు.
మారిన 150 ఏళ్ల టెలిగ్రాఫ్ చట్టం
6జీ నెట్వర్క్లను ప్రోత్సహించడానికి ప్రభుత్వం 150 ఏళ్ల టెలిగ్రాఫ్ చట్టాన్ని కొత్త టెలికమ్యూనికేషన్ చట్టంగా మార్చింది. ఇందులో, ప్రభుత్వం అనేక పెద్ద మార్పులను చేసింది. ఇది టెలికాం ఆపరేటర్లు తమ నెట్వర్క్ను విస్తరించడంలో గొప్పగా సహాయపడుతుంది. అలాగే, కొత్త ఆవిష్కరణలు 6జీ టెక్నాలజీని ప్రోత్సహించడంలో సహాయపడతాయి. దేశంలోని చాలా నగరాల్లో 5జీ నెట్వర్క్ అందుబాటులోకి వచ్చింది. గ్రామాలు, గ్రామాలకు అందించేందుకు సన్నాహాలు చేస్తున్నారు. 6జీ నెట్వర్క్ ఆవిష్కరణకు ప్రభుత్వం పెద్ద ఎత్తున సన్నాహాలు ప్రారంభించింది. టెలికమ్యూనికేషన్ రంగంలో ముందున్న దేశం రానున్న కాలంలో అభివృద్ధి చెందిన దేశంగా ఎదగగలదని ప్రభుత్వం విశ్వసిస్తోంది.
100రెట్లు ఎక్కువ వేగం
వేగవంతమైన ఇంటర్నెట్కు ఫేమస్ అవుతున్న 5జీ కంటే రాబోయే 6జీ 100 రెట్లు వేగంగా ఉంటుంది. కేవలం ఒక సెకనులో 1టెరా బైట్ ఫైల్ను డౌన్లోడ్ చేయగలం. 6జీ నెట్వర్క్లో 1000000Mbps వేగం అందుబాటులో ఉంటుంది. 6జీ ప్రారంభించిన 2 సంవత్సరాలలో సుమారు 290 మిలియన్ల మంది ప్రజలు ఈ వైర్లెస్ టెక్నాలజీకి కనెక్ట్ కావచ్చని ఓ సర్వే అంచనా వేసింది. 6జీ సేవలను 2029 సంవత్సరంలో అధికారికంగా ప్రారంభించవచ్చు. ప్రజలు ఈ కొత్త టెలికమ్యూనికేషన్ టెక్నాలజీని చాలా వేగంగా జనాలు స్వీకరిస్తారని నివేదికలో పేర్కొన్నారు. 2030 చివరి నాటికి ప్రపంచవ్యాప్తంగా 290 మిలియన్ల 6జీ కనెక్షన్లు రానున్నాయి. హై-ఫ్రీక్వెన్సీ స్పెక్ట్రమ్, నెట్వర్క్ జోక్యంతో టెలికాం కంపెనీలు ఎలాంటి అంతరాయం లేకుండా 6జీ టెక్నాలజీని ప్రారంభించేందుకు ఇప్పుడే సన్నాహాలు ప్రారంభించాలని నివేదిక హెచ్చరించింది.
