Virat Kohli Earnings: విరాట్ కోహ్లీ గురించి కొత్తగా చెప్పడానికి ఏమీ లేదు. అతడి గురించి ఎంత రాసినా సరే సరిపోదు. అతని గురించి ఎంత చెప్పినా సరే.. ఉపమానాలకు అందదు. ఎందుకంటే సమకాలీన క్రికెట్లో అతడు ఒక నిప్పు రవ్వ. పరుగుల చిరుత. విధ్వంసకారుడు. చేజింగ్ మాస్టర్. రన్ మిషన్.. అంతేకాదు హైయెస్ట్ ఇన్కమ్ ఎర్నర్ కూడా.
ఐపీఎల్ లో విరాట్ కోహ్లీ ప్రారంభం నుంచి ఇప్పటివరకు బెంగళూరు జట్టుకు ఆడుతున్నాడు. అనేక సందర్భాలలో ఆరెంజ్ క్యాప్ సంపాదించుకున్నాడు. గత సీజన్లో బెంగళూరు జట్టు ఐపిఎల్ ట్రోఫీ అందుకోవడంలో కీలక భూమిక పోషించాడు. అదే కాదు తన విలువను కూడా మరింత పెంచుకున్నాడు. అయితే ఇప్పుడు విరాట్ కోహ్లీ ఒక రేర్ రికార్డ్ క్రియేట్ చేశాడు. ఐపీఎల్ హిస్టరీ లోనే అత్యధిక మొత్తం సంపాదించిన ఆటగాడిగా విరాట్ కోహ్లీ సరికొత్త ఘనత అందుకున్నాడు. ఇప్పటివరకు విరాట్ కోహ్లీ ఏకంగా 230 కోట్లు సంపాదించాడు. ఈ విషయాన్ని ఫెనాటిక్ స్పోర్ట్స్, హూరున్ నివేదికలు బయటపెట్టాయి. కెరియర్ ప్రారంభం నుంచి విరాట్ కోహ్లీ బెంగళూరు జట్టుకు మాత్రమే ఆడుతున్నాడు. బెంగళూరు జట్టుకు నాయకుడిగా కూడా వ్యవహరించాడు.
విరాట్ కోహ్లీ తర్వాత రోహిత్ శర్మ ముంబై ఇండియన్స్ (227.2 కోట్లు), ధోని (చెన్నై సూపర్ కింగ్స్, 200 కోట్లు) రెండు, మూడు స్థానాలలో కొనసాగుతున్నారు. పరుగుల వరదను విపరీతంగా పారించడం వల్ల విరాట్ కోహ్లీ తన బ్రాండ్ విలువను భారీగా పెంచుకున్నాడు. ప్రతి సీజన్లోనూ అతడు వీపరితంగా పరుగులు చేస్తున్నాడు. కెరియర్ పరంగా చివరి దశలో ఉన్నప్పటికీ విరాట్ కోహ్లీ యువకులతో పోటీపడి బ్యాటింగ్ చేస్తున్నాడు. పరుగులు కూడా అదే స్థాయిలో సాధిస్తున్నాడు. అందువల్ల విరాట్ కోహ్లీ ఈ స్థాయిలో సంపాదిస్తున్నాడు.
విరాట్ కోహ్లి ప్రస్తుతం కుటుంబంతో కలిసి లండన్లో నివాసం ఉంటున్నాడు. ఇతడికి కుమార్తె, కుమారుడు సంతానం. ప్రస్తుతం ఐపీఎల్ జరుగుతున్న నేపథ్యంలో విరాట్ కోహ్లీ సతీమణి పిల్లలతో కలిసి ఇండియాలోనే ఉంటున్నది. విరాట్ కోహ్లీ ఆడుతున్న మ్యాచ్లను చూసేందుకు ఆమె మైదానంలోకి వస్తుంది. ఇంతవరకు విరాట్ కోహ్లీ పిల్లలను బయటికి తీసుకురాలేదు. వారి పిల్లల మృగాలను కూడా బయటకి చూపించలేదు. వారి విషయంలో విరాట్ కోహ్లీ అత్యంత జాగ్రత్తగా ఉంటున్నాడు.
