Shreyas Iyer father viral video: పిల్లలు ప్రయోజకులు అయితే తల్లిదండ్రులకు కలిగే ఆనందం మామూలుగా ఉండదు. కొన్ని సందర్భాల్లో ఆ ఆనందం రెట్టింపు అవుతుంది. కట్టలు తెంచుకున్న నీరు లాగా.. ఒక్కసారిగా బయటపడిపోతుంది. ఆ ఆనందం.. ఆ సంతోషం వారిలో సరికొత్త ఉత్సాహాన్ని నింపుతుంటాయి. ఇప్పుడు ఇదే ఉత్సాహాన్ని టీమ్ ఇండియా టి20 కెప్టెన్ శ్రేయస్ అయ్యర్ తండ్రి ఆస్వాదిస్తున్నారు.
శ్రేయస్ అయ్యర్ తండ్రి పేరు సంతోష్. చిన్నప్పటినుంచి అయ్యర్ కు ఏది ఇష్టమో అదే నేర్పించారు. క్రికెట్ విషయంలో కూడా ఆయన ఏమాత్రం అడ్డు చెప్పలేదు. పైగా కొడుకు ఇష్టాన్ని కాదనలేక తన సంతోషాలను కూడా త్యాగం చేశారు. కొడుకు ఉన్నతి కోసం కష్టపడ్డారు. ఖరీదైన కోచింగ్ సెంటర్లలో చేర్పించి.. అతడిని ఉన్నతమైన క్రికెటర్ లాగా తీర్చిదిద్దారు. అయ్యర్ ఈ స్థాయిలో ఉండడానికి ప్రధాన కారణం సంతోష్ అనడంలో ఎటువంటి అతిశయోక్తి లేదు. తన కొడుకు బాగా ఆడితే ఉప్పొంగిపోయేవాడు. సరిగా ఆడకపోతే బాధపడిపోయేవాడు. కానీ ప్రతి సందర్భంలోనూ అతడి వెంట ఉన్నాడు సంతోష్. తనకు అవకాశాలు లభించినప్పుడు గొప్పగా చెప్పుకునేవాడు. అవకాశాలు రానప్పుడు ధైర్యం కల్పించేవాడు. ఏనాడు కూడా మేనేజ్మెంట్ మీద విమర్శలు చేయలేదు.
ఇప్పుడు టీమ్ ఇండియా టి20 జట్టు సారధిగా అయ్యర్ ప్రమోషన్ పొందాడు. ఈ నేపథ్యంలో సంతోష్ సంతోషానికి అవధులు లేవు. తన కొడుకు కెప్టెన్ కావడంతో స్నేహితులకు పార్టీ ఇచ్చాడు సంతోష్. వారితో కలిసి మలయాళం.. హిందీ పాటలకు స్టెప్పులు వేశాడు. చేతులో గ్లాస్ తో తీన్మార్ డ్యాన్స్ వేశాడు. ఈ వీడియో ఇప్పుడు సోషల్ మీడియాలో సంచలనం కలిగిస్తోంది. తండ్రి అంటే ఇలా ఉండాలని చాలామంది కామెంట్లు చేస్తున్నారు. అయ్యర్ కు ఇలాంటి తండ్రి ఉన్నాడు కాబట్టి అతడు కెప్టెన్ అయ్యాడని.. ఇక అతడికి తిరుగులేదని చెబుతున్నారు.
తన తండ్రి తనకు అనేక సందర్భాల్లో అండగా నిలిచాడని.. ఇబ్బందుల్లో ఉన్నప్పుడు ఓదార్చాడని అయ్యర్ చెప్పుకొచ్చాడు. 2024లో షారుక్ ఖాన్ జట్టును ఐపీఎల్ విజేతగా నేర్పినప్పుడు శ్రేయస్ తన తండ్రి గురించి చెప్పాడు. తన తండ్రి లేనిదే తాను ఇక్కడికి వచ్చేవాడిని కాదని.. ఈ స్థాయిలో గుర్తింపును పొందేవాడిని కాదని అయ్యర్ చెప్పుకొచ్చాడు.
Shreyas Iyer’s father celebrating Shreyas’ appointment as team India captain. ❤️ pic.twitter.com/m71O1KhdsA
— Mufaddal Vohra (@mufaddal_vohra) June 9, 2026
