MS Dhoni backed Virat Kohli: ఒక బంగారం ఆభరణంగా తయారు కావాలంటే.. ఎన్నో దెబ్బలను ఎదుర్కోవాలి. భూమి నుంచి బంగారాన్ని సేకరించేటప్పుడు అనేక రకాల ప్రక్రియలను చేపడతారు. భూమిని తవ్వుతారు. రా గోల్డ్ ను సేకరిస్తారు. ఆ తర్వాత దానికి అనేక రకాల శుద్ధి ప్రక్రియలు చేపడుతారు. చివరికి అభరణంగా మారుస్తారు.
ఒకసారి ఆభరణం తయారయ్యిందంటే చాలు.. బంగారానికి విలువ పెరిగిపోతూ ఉంటుంది. మెరుస్తున్న బంగారాన్ని చూసి.. అందాన్ని ఇనుమడింపజేసే ఆభరణాన్ని చూసి చాలామంది తన్మయత్వం చెందుతుంటారు. బంగారం మాత్రమే కాదు.. ఒక మనిషి గొప్పగా అవతరించిన తర్వాత.. అతడికి ఉండే విలువ పెరిగిపోతూ ఉంటుంది. అప్పటిదాకా తిరస్కరించిన వారు.. తిట్టినవారు అతడిని పొగడుతుంటారు. విరాట్ కోహ్లీ జీవితంలో కూడా ఇటువంటి పరిణామాలే చోటు చేసుకున్నాయి.
విరాట్ కోహ్లీ కెరియర్ ప్రారంభంలో భారీగా పరుగులు సాధించాడు. కొన్ని సందర్భాలలో తనమీద తాను నియంత్రణ కోల్పోయాడు. ప్రాక్టీస్ పక్కన పెట్టాడు. ఇష్టానుసారంగా వ్యవహరించాడు. పార్టీలంటూ తిరిగాడు. చివరికి జట్టులో స్థానాన్ని ప్రశ్నార్థకం చేసుకున్నాడు. ఇదేంటని కోచ్.. ఇతర వ్యక్తులు అడిగితే దురుసుగా సమాధానం చెప్పాడు. దీంతో నాటి క్రికెట్ పెద్దలు ఈ విషయాన్ని ధోని ఎదుట ప్రస్తావించారు. విరాట్ ను జట్టు నుంచి తొలగిద్దామని ప్రపోజల్ పెట్టారు. దానికి ధోని నవ్వి ఊరుకున్నాడు.
“విరాట్ మామూలు ఆటగాడు కాదు. అతడు జట్టుకు సంబంధించిన శక్తి. అతడికి ఫామ్ తో సంబంధం ఉండదు. అతడు ఎలాగైనా ఆడతాడు. ఎలాంటి స్థితిలోనైనా ఆడతాడు. ఇప్పుడు కొంచెం బ్యాక్ డౌన్ అవ్వచ్చు. కానీ అతడు ఒకసారి రంగంలోకి దిగితే మ్యాచ్ స్వరూపం వేరే విధంగా ఉంటుంది. అతడిని జట్టు నుంచి తొలగించాలని ఆలోచన పక్కన పెట్టండి. అతని స్థాయి ఏమిటో నాకు తెలుసు. అనవసరంగా ఇలాంటి మాటలు మాట్లాడకండి అంటూ” వారికి ధోని సమాధానం చెప్పాడు.
Also Read: IPL 2026: ఆ జట్ల కు కోలుకోలేని షాక్!
ధోని తన మీద ఉంచిన నమ్మకాన్ని గొప్పగా భావించిన విరాట్ కోహ్లీ.. ఆ తర్వాత వచ్చిన ప్రతి అవకాశాన్ని వినియోగించుకున్నాడు. కొన్ని సందర్భాలలో విఫలమైనప్పటికీ.. మెజారిటీ సందర్భాలలో మాత్రం జట్టుకు ఉపయోగపడే ఇన్నింగ్స్ ఆడాడు. చేజింగ్ సమయంలో దుమ్ము రేపే బ్యాటింగ్ చేశాడు. రన్ మాస్టర్ గా అవతరించాడు. పరుగుల యంత్రంగా పేరు గడించాడు. చివరికి హైయెస్ట్ రన్ స్కోరర్ గా రికార్డ్ సృష్టించాడు. టి20లకు విరామం పలికినప్పటికీ.. టెస్టుల నుంచి విశ్రాంతి తీసుకున్నప్పటికీ.. పరిమిత ఓవర్ల ఫార్మాట్లో మాత్రం విరాట్ చిరుతపులి మాదిరిగా పరుగులు తీస్తున్నాడు.
విరాట్ కోహ్లీ ని జట్టు నుంచి తొలగించాలని ప్రతిపాదన రావడం.. దానికి ధోని వేరే విధంగా స్పందించడం.. వంటి పరిణామాలను గతంలో టీమిండియా కోచ్ గా పనిచేసిన ఎమ్మెస్ కే ప్రసాద్ పంచుకున్నారు. ఓ ప్రైవేట్ ఛానల్ నిర్వహించిన కార్యక్రమంలో ఆయన ఈ విషయాలను వెల్లడించారు. తద్వారా విరాట్ రేంజ్ ఏమిటో మరోసారి ఆయన ప్రపంచానికి చాటి చెప్పారు.
While everyone was against Virat, Dhoni Backed him and said that he is our future.
: – MSK Prasad#MSDhoni #ViratKohli
pic.twitter.com/uOrVwhc0Nf— Milagro Movies (@MilagroMovies) March 16, 2026
