Today 6 July 2025 Horoscope: తొలి ఏకాదశి సందర్భంగా ఆదివారం ద్వాదశ రాశులపై విశాఖ నక్షత్ర ప్రభావం ఉండనుంది. దీంతో ఉద్యోగులు, వ్యాపారులకు అనుకూలమైన వాతావరణముంది. మిగతా వారి రాశుల పరిస్థితి ఎలా ఉందో చూద్దాం..
మేష రాశి (అశ్విని, భరణి,1,2,3,4) : ఈ రాశి వారు ఈ రోజు జీవిత భాగస్వామితో సంతోషంగా ఉంటారు. పిల్లల కెరీర్ పై కీలక నిర్ణయం తీసుకుంటారు. వ్యాపారులు గతంలో పెట్టిన పెట్టుబడుల నుంచి ఇప్పుడు లాభాలు పొందుతారు. స్నేహితులతో దూర ప్రయాణాలు చేస్తారు. కుటుంబ సభ్యులతో కలిసి చేసే వ్యాపారం లాభాలను తీసుకొస్తుంది. ఉద్యోగులకు కార్యాలయాల్లో అనుకూలమైన వాతావరణ ఉంటుంది.
వృషభరాశి( కృత్తిక 2,3,4 రోహిణి) : . కుటుంబ జీవితం ప్రశాంతంగా ఉంటుంది. అనుకోకుండా దూర ప్రయాణాలు చేస్తే జాగ్రత్తగా ఉండాలి. ఆరోగ్యం పై ప్రత్యేక శ్రద్ధ వహించాలి. సాయంత్రం సైనికులతో ఉల్లాసంగా ఉంటారు. కొన్ని పనులు కష్టపడి చేయడం వల్ల అద్భుతమైన ఫలితాలు అందుతాయి. ఉద్యోగులు గతంలో చేపట్టిన ప్రాజెక్టును సమర్థవంతంగా పూర్తి చేస్తారు.
మిథున రాశి( మృగశిర 3,4 అరుద్ర): ఈ రాశి వ్యాపారులకు ఈరోజు అనుకూలమైన వాతావరణం ఉంటుంది. ఊహించిన దానికంటే ఎక్కువగా లాభాలు వస్తాయి. ఉద్యోగులు అదనపు ఆదాయం కోసం ప్రయత్నిస్తే సరైన ఫలితాలు అందుతాయి. విదేశాల నుంచి శుభవార్తలు వింటారు. విద్యార్థులు పోటీ పరీక్షల్లో పాల్గొంటే విజయం సాధిస్తారు. ఆధ్యాత్మిక కార్యక్రమాల్లో పాల్గొంటారు.
కర్కాటక రాశి(పునర్వసు 4, పుష్యమి, అశ్లేష) : ఈరోజు వాతావరణం ప్రశాంతంగా ఉండడంతో సంతోషమైన జీవితాన్ని గడుపుతారు. అయితే ఏదైనా చిన్న వివాదం ఏర్పడిన మాటలను అదుపులో ఉంచుకోవాలి. అనవసరమైన వివాదాల్లోకి తలదూర్చకుండా ఉండాలి. ఇతరులు ఎవరైనా అప్పు అడిగితే ఇవ్వకుండా ఉండాలి. వ్యాపారంలో సమస్యలు ఉంటే వెంటనే పరిష్కరించుకోవాలి.
సింహా రాశి( ముఖ, పుబ్బ, ఉత్తర 1) : . ఈ రాశి వారి ఇంట్లో ఈరోజు ముఖ్యమైన చర్చలు సాగుతాయి. అర్హులైన వారికి వివాహం చేసే ప్రయత్నాల్లో ఉంటారు. ఉద్యోగులకు అధికారుల మద్దతు ఉంటుంది. దీంతో కొన్ని పనులను సమయంలోనే పూర్తి చేయగలుగుతారు. వ్యాపారులకు జీవిత భాగస్వామి మద్దతు ఉండడంతో లాభాలను పొందుతారు.
కన్యరాశి(ఉత్తర 2,3,4 హస్త చిత్త 1,2) : . ఈ రాశి వారు ఈ రోజు ఆరోగ్యంపై ప్రత్యేక శ్రద్ధ వహించాలి. తొలి ఏకాదశి కావడంతో ఈరోజు ఆధ్యాత్మిక కార్యక్రమాల్లో పాల్గొంటారు. విద్యార్థులు ఏదైనా పోటీ పరీక్షలో పాల్గొంటే విజయం సాధిస్తారు. ప్రభుత్వ పథకాలు పొందడానికి మార్గం ఏర్పడుతుంది. ఉద్యోగులు తమ పనులను ఆటంకం లేకుండా పూర్తి చేస్తారు.
తుల రాశి(చిత్త 3,4, స్వాతి: విశాఖ 1,2,3) : . తులా రాశి వారు రాజకీయరంగంలో ఉన్నట్లయితే వారికి ఈరోజు అనుకూలమైన ఫలితాలు ఉంటాయి. ఉద్యోగులకు అధికారుల నుంచి ప్రశంసలు వస్తాయి. స్నేహితులతో ఉల్లాసంగా ఉంటారు. ఆధ్యాత్మిక కార్యక్రమాల్లో పాల్గొంటారు. పిల్లలతో కలిసి విహారయాత్రలకు వెళ్తారు. జీవిత భాగస్వామి మద్దతుతో దూర ప్రయాణాలు చేస్తారు. అయితే సొంత వాహనాలపై వెళ్లేవారు జాగ్రత్తగా ఉండాలి.
వృశ్చిక రాశి(విశాఖ 4, అనురాధ, జ్యేష్ఠ) : ప్రయాణాలు చేసేవారు జాగ్రత్తగా ఉండాలి. ఏమైనా వారి కోసం ఈరోజు విలువైన వస్తువులను కొనుగోలు చేస్తారు. ఆధ్యాత్మిక కార్యక్రమాల్లో పాల్గొంటారు. వ్యాపారులకు సాధారణ లాభాలు ఉంటాయి. ఎవరినైనా డబ్బు అడిగితే ధన సహాయం చేస్తారు. అయితే ఇతరులకు డబ్బు ఇచ్చేటప్పుడు మాత్రం ఆలోచించాలి.
ధనస్సు రాశి ( మూల, పుర్వాషాఢ, ఉత్తరాషాడ 1) : గతంలో ఉన్న అనారోగ్యం నుంచి బయటపడతారు. దీంతో ప్రశాంతమైన జీవితాన్ని గడుపుతారు. విహారయాత్రలకు వెళ్లాల్సి వస్తే జాగ్రత్తలు వహించాలి. వ్యాపారులకు ఊహించిన దానికంటే మెరుగైన ఫలితాలు ఉంటాయి. విద్యార్థులు పోటీ పరీక్షల్లో పాల్గొంటే తప్పకుండా విజయం సాధిస్తారు.
మకర రాశి (ఉత్తరాషాఢ 2,3,4 శ్రవణం, ధనిష్ఠ 1,2) : ఈ రాశి వారు ఎవరైనా డబ్బు అడిగితే ఇవ్వకుండా జాగ్రత్త పడాలి. ఎందుకంటే ఈరోజు టప్పు ఇస్తే తిరిగి వచ్చే అవకాశాలు తక్కువగా ఉంటాయి. విద్యార్థులు భవిష్యత్తు గురించి కీలక నిర్ణయం తీసుకుంటారు. జీవిత భాగస్వామితో కలిసి షాపింగ్ చేస్తారు. పూర్వీకుల ఆస్తి విషయంలో కీలక నిర్ణయం తీసుకుంటారు.
కుంభ రాశి (ధనిష్ఠ 3,4 శతభిష పూర్వాభాద్ర 1,2,3) : వ్యాపారులకు కొత్త ప్రాజెక్టులు అందుతాయి. దీంతో ఈరోజు చాలా సంతోషంగా ఉంటారు. ఉద్యోగులు కొన్ని పనులను పూర్తి చేయడం వల్ల అధికారుల నుంచి ప్రశంసలు పొందుతారు. కొందరికి పదోన్నతి లభించే అవకాశం కూడా ఉంది. ఖర్చులు చేసేటప్పుడు జాగ్రత్తలు వహించాలి. జీవిత భాగస్వామి కోసం విలువైన వస్తువులు కొనుగోలు చేస్తారు.
మీనరాశి (పూర్వాభద్ర 4, ఉత్తరాభాద్ర రేవతి ) : ఈ రాశి ఉద్యోగులు ఒక ప్రాజెక్టు కోసం తీవ్రంగా కష్టపడుతూ ఉంటారు. అయితే ఇదే సమయంలో ఆరోగ్యం పై దృష్టి పెట్టాలి. కుటుంబ సభ్యుల మధ్య సంతోషకరమైన వాతావరణ ఉంటుంది. వ్యాపారులు వారికి అనుగుణంగా లాభాలు పొందుతారు. విద్యార్థులు భవిష్యత్తులో చేసే పనులపై దృష్టి పెడతారు.
