RRR: ఆర్ ఆర్ ఆర్: రిలీజ్ కాకముందే కథ ఏంటో చెప్పేశాడు.. ట్వీట్ వైరల్

RRR: సినీ ప్రపంచం మొత్తం ఎప్పుడెప్పుడా అని కండ్లు కాయలు కాసేలా ఎదురు చూసిన సినిమా త్రిబుల్ ఆర్. రాజమౌళి దర్శకత్వంలో వచ్చిన ఈ మూవీపై అంచనాలు ఆకాశంలోనే ఉండేవి. బాహుబలి తర్వాత రాజమౌళి చేస్తున్న సినిమా కావడంతో పాటు ఇద్దరు స్టార్ హీరోలు అయిన ఎన్టీఆర్, రామ్ చరణ్ కలిసి నటించడం మరో పెద్ద కారణం. ఇద్దరు స్టార్ హీరోలు కలిసి నటించిన సినిమా ఈ జనరేషన్ లో రాకపోవడంతో ఈ మూవీపై భారీ అంచనాలు ఏర్పడ్డాయి.

కరోనా కారణంగా పలుమార్లు వాయిదా పడ్డ ఈ మూవీ మార్చి 25న రిలీజ్ అయ్యి ఎన్ని సంచలన రికార్డులు సృష్టించిందో చూశాం. అన్ని భాషల్లో సంచలన విజయం సాధించి.. ఇప్పటికే రూ. వెయ్యి కోట్లు వసూలు చేసి రెండు వేల కోట్ల వైపు పరుగులు తీస్తోంది. ఇప్పటికీ థియేటర్లలో దిగ్విజయంగా ఆడుతోంది ఈ మూవీ. అయితే ఈ మూవీ గురించి ఇప్పుడు ఓ ట్వీట్ వైరల్ అవుతోంది. ఆ ట్వీట్ ఇప్పుడు చేసింది కాదండోయ్.. ఈ మూవీ రిలీజ్ కాకముందే ఓ నెటిజన్ చేసిన ట్వీట్ అది.

Also Read: RRR Deleted Song: RRR లో ఆ పాటని అందుకే తొలగించేసాం

మరి అంతలా ఆ ట్వీట్ ఇప్పుడు ఎందుకు వైరల్ అవుతుంది అంటే.. సినిమా రిలీజ్ కాకముందే ఎవరికీ ఆ మూవీ కథ ఏంటో పెద్దగా తెలియదు. కేవలం కొన్ని ఊహాగానాలు మాత్రమే ఉన్నాయి. కానీ ఆ నెటిజన్ మాత్రం త్రిబుల్ ఆర్ కథను ఉన్నది ఉన్నట్లు చెప్పేశాడు. స్కాట్ వైఫ్ కి చిన్న పాప మళ్లీ నచ్చుతుందని దీంతో ఆమెను తీసుకెళ్లి పోతారని.. ఆమెను రక్షించడానికి ప్రయత్నం చేస్తున్న సమయంలో భీమ్, రామ రాజు మధ్య స్నేహం పుడుతుందని రాసుకొచ్చాడు. బ్రిటిష్ కి అగైనెస్ట్ గా మారడంతో భీమ్ తో రాం యుద్ధం చేస్తాడు.

ఆ తర్వాత రామ్ రియలైజ్ అవుతాడని.. దాంతో అతను జైలుకు వెళ్తాడని చెప్పుకొచ్చాడు. ఇక రామ్ ను కాపాడేందుకు భీమ్ వెళ్తాడని.. ఇద్దరూ కలిసి క్లైమాక్స్ లో ఫైట్ చేస్తారని ఉన్నది ఉన్నట్టు తన ట్వీట్ లో ఆ నెటిజన్ రాసుకొచ్చాడు. అయితే అప్పుడు దీన్ని ఎవరూ పెద్దగా నమ్మలేదు.. కానీ సినిమా రిలీజ్ అయిన తర్వాత అతను చెప్పినట్టే కథ ఉండటంతో అందరూ షాక్ అయిపోయారు. అంత కరెక్ట్ గా సినిమా కథ ఎలా చెప్పాడో అర్థం కాక తలలు పట్టుకుంటున్నారు. ఈ ఓల్డ్ ట్వీట్ ను నెటిజన్లు ఇప్పుడు వైరల్ చేస్తున్నారు.

Also Read: IPL 2022: ఆర్సీబీ క‌ప్ కొట్టేదాకా నో మ్యారేజ్ అంటున్న పిల్ల‌.. ఈ జ‌న్మ‌లో కాదంటున్న‌ నెటిజ‌న్లు..