Sweat Dating: సోషల్ మీడియా మన జీవితంలో ఒక భాగం అయిపోయింది. స్మార్ట్ ఫోన్ తో విడదీయరాని బంధం ఏర్పడింది. అలాంటప్పుడు కొత్త కొత్త బంధాల కోసం మనుషులు ఆరాట పడటంలో తప్పేముంది. పైగా ఇప్పుడు డేటింగ్ కల్చర్ జోరుగా సాగుతుంది. రకరకాల పద్ధతిలో ఈ డేటింగ్ సాగుతూ ఉంది. పైగా రకరకాల యాప్స్ అందుబాటులోకి వచ్చాయి. దీంతో యువత నచ్చిన వాళ్లతో మెచ్చినంత కాలం ఉండడానికి ఇష్టపడుతోంది.
డేటింగ్ ఒకప్పుడు మెట్రో నగరాలకు మాత్రమే పరిమితమయ్యేది. ఇప్పుడు టైర్ 3 సిటీస్ లో కూడా అందుబాటులోకి వచ్చింది. పైగా యాప్స్ రకరకాల సదుపాయాలు తీసుకురావడంతో డేటింగ్ కల్చర్ దర్జాగా వర్ధిల్లుతోంది. కేవలం వెస్ట్రన్ కంట్రీస్ కు మాత్రమే ఒకప్పుడు ఈ కల్చర్ పరిమితమయ్యేది. మనదేశంలో ఇప్పుడు వందల కోట్ల వ్యాపారంగా మారిపోయింది. యాప్స్.. oyo రూమ్స్.. ఇంకా రకరకాల వాటి చుట్టూ డేటింగ్ తిరుగుతోంది.
డేటింగ్ అంటే ఒకప్పుడు మూవీలకు వెళ్లడం.. రెస్టారెంట్లకు వెళ్లడం.. పార్కులకు వెళ్లడం మాత్రమే అనుకునేవారు. ఒకరినొకరు అర్థం చేసుకోవడానికి ఇవి అద్భుతమైన ప్రదేశాలు అని భావించేవారు. కానీ ఇప్పుడు సరికొత్త కల్చర్ వచ్చేసింది. దానికి నిపుణులు పెట్టిన పేరు స్వెట్ డేటింగ్. అంటే ఒకరిని ఒకరు అర్థం చేసుకోవడానికి కలిసి వర్కౌట్స్ చేయడమే. స్వెట్ డేటింగ్ వల్ల ఒత్తిడి తగ్గుతుంది. కొత్త వ్యక్తితో కలిసి చేస్తున్న పని హాయిని ఇస్తుంది. యాంగ్జైటీ పెరిగిపోయేలా చేస్తుంది. మొహమాటం తగ్గిస్తుంది. అంతేకాదు అలసిపోయినప్పుడు దాపరికాలను దూరం చేస్తుందని నిపుణులు చెబుతున్నారు.
డేటింగ్ వెళ్తున్న వారు సాధారణంగా మూడు డిన్నర్ డేట్ లను ఎంచుకుంటారు. కొందరైతే బ్లైండ్ డేట్ కూడా ఇష్టపడతారు. వాటన్నిట్లో దక్కని ఆనందం.. దొరకని సంతృప్తి.. కలగని హాయి ఇందులో లభిస్తుందని నిపుణులు అంటున్నారు. స్వెట్ డేటింగ్ వల్ల శరీరానికి వ్యాయామం లభించడం మాత్రమే కాకుండా.. శారీరక సంతృప్తి కూడా లభిస్తుందని నిపుణులు చెబుతున్నారు.చెమటలు చిందించడం వల్ల శరీరంలో అదనపు కొవ్వులు కరిగిపోతాయి. దేహం కూడా శక్తివంతంగా మారిపోతుంది. రోగనిరోధక శక్తి కూడా పెరుగుతుంది. తెలియని వ్యక్తి సమక్షంలో కసరత్తులు చేస్తుంటే శరీరం కూడా తేలికపడుతుందని నిపుణులు చెబుతున్నారు.
