Kanpur Professor Matrimony: అది కాన్పూర్.. అక్కడి ఓ యూనివర్సిటీలో ఓ మహిళ ప్రొఫెసర్ గా పని చేస్తోంది. కుటుంబ సభ్యులు పెళ్లి చేసుకోవాలని పోరు పెడుతుంటే.. తట్టుకోలేక మాట్రిమోనీలో తన వివరాలు నమోదు చేసింది. తన విద్యార్హతలు.. తనకు కావలసిన లక్షణాలు అన్నింటిని అందులో పొందుపరిచింది.
అకస్మాత్తుగా ఆమెకు ఒక రోజు కాల్ వచ్చింది. అది స్కాట్లాండ్ దేశం నుంచి. అతడు కూడా భారతీయుడే. అక్కడే కొంతకాలంగా ఉద్యోగం చేస్తున్నాడు.. అతడు చెప్పిన వివరాలను చూసి ఆ ప్రొఫెసర్ ఆనంద పడింది. కానీ చివర్లో అతడు వ్యక్తం చేసిన విషయాలను చూసి షాక్ అయింది.
స్కాట్లాండ్లో పనిచేస్తున్న అతడు.. సంసార జీవితానికి పనికిరాడు. అతడు ఉన్నత విద్యావంతుడు. భారీగానే సంపాదిస్తున్నాడు. అతడు సంసారానికి పనికి రాకపోవడంతో.. తనకు తగ్గ లక్షణాలు ఉన్న వ్యక్తితో ఉంటున్నాడు. ఇంట్లో వాళ్ళు పెళ్లి చేసుకోవాలని చెబుతుంటే.. తట్టుకోలేక తన వివరాలను మ్యాట్రిమోనీ సైట్లో నమోదు చేశాడు. కాన్పూర్ ప్రొఫెసర్ వివరాలు మొత్తం నచ్చడంతో అతడు.. ఆమెను పెళ్లి చేసుకోవడానికి సుముఖత వ్యక్తం చేశాడు.
“నేను సంసార జీవితానికి పనికిరాను. నేను ఈ ప్రాంతంలో ఒక వ్యక్తితో కలిసి ఉంటున్నాను. నా స్థితిని మీరు అర్థం చేసుకుంటున్నారని ఆశిస్తున్నాను. మా ఇంట్లో వాళ్ళు ఇబ్బంది పెడుతున్నారు. అందువల్లే ఈ వేదికలో నా వివరాలు నమోదు చేశాను. మీ వివరాలు నాకు నచ్చాయి. మీకు ఇష్టముంటే పెళ్లి చేసుకుందాం. ఆ తర్వాత మీకు మీరు నచ్చిన వ్యక్తితో ఉండవచ్చు. నేను ఇండియాకు వచ్చినప్పుడు నాతోపాటు కలిసి ఉంటే సరిపోతుంది. నేను మిమ్మల్ని ఏమీ చేయను.. మీరు నచ్చిన వ్యక్తితో ఉండొచ్చు. అవసరమైతే పిల్లలు కూడా కనొచ్చు..” ఇలా అతడు తన గురించి చెప్పడంతో ఆ ప్రొఫెసర్ ఒక్కసారిగా షాక్ కు గురైంది.
కేవలం మగవాళ్ళు మాత్రమే కాదు ఆడవాళ్ళు కూడా ఇలానే ఉంటున్నారు. కొంతమంది ఆడవాళ్ళు అయితే.. తాము ఆ పనికి సహకరించమని.. వేరే మహిళలతో ఉంటున్నామని.. పెళ్లి మాత్రం చేసుకుందామని.. మీకు ఇష్టం వచ్చిన మహిళలతో ఉండొచ్చని.. అవసరమైతే వాళ్లతో పిల్లలు కూడా కనవచ్చని.. ఇండియాకు వచ్చినప్పుడు కలిసి ఉంటే సరిపోతుందని చెబుతున్నారు.. ఈ తరహా మగవాళ్ళు, ఆడవాళ్లు ఇటీవలి కాలంలో పెరిగిపోవడం ఆందోళన కలిగిస్తోంది. కొంతమందిలో అను లక్షణాలు సక్రమంగా ఉన్నప్పటికీ వారు వైవాహిక జీవితం పట్ల అంతగా ఆసక్తి చూపించడం లేదు. పైగా ఆడవాళ్లు ఆడవాళ్ళతో.. మగవాళ్ళు మగవాళ్ళతో కలిసి ఉండడానికి ఆసక్తిని ప్రదర్శిస్తున్నారు.
ఈ తరహా లక్షణాలు ఉన్నవాళ్లు దూరంగా వెళ్లి పెళ్లి చేసుకుంటున్నారు. పైగా దానికి లావెండర్ వెడ్డింగ్ అని పేరు పెడుతున్నారు. విదేశాలలో లావెండర్ వెడ్డింగ్ అనేది కామన్. పైగా అక్కడ దానిని గొప్పగా చూస్తుంటారు. ఎన్ని రకాల విదేశీ సంస్కృతులు మనదేశంలోకి ప్రవేశించినప్పటికీ.. ఆ తరహా దిగజారుడు కల్చర్ కు భారత్ ఇంకా ఎదగలేదు. ఎదిగే అవకాశం కూడా లేదు..
