TANA Hike and Connect : ఉత్తర అమెరికా తెలుగు సంఘం (తానా) ఆధ్వర్యంలో గ్రేటర్ అట్లాంటా పరిసర ప్రాంతంలో నిర్వహించిన ‘హైక్ అండ్ కనెక్ట్’ కార్యక్రమం అద్భుత విజయాన్ని సాధించింది. ఈ కార్యక్రమం చార్లెస్టన్ పార్క్, లేక్ లేనియర్, కమ్మింగ్ ప్రాంతంలో నిర్వహించబడింది. ప్రకృతి ఒడిలో ఆరోగ్యంతో, ఆనందంతో, ఐక్యతతో నిండిన ఈ కార్యక్రమం అన్ని వయసుల వారికి చిరస్మరణీయ అనుభవాన్ని అందించింది.
దాదాపు 200 మందికి పైగా తానా సభ్యులు 4 మైళ్ల హైక్లో ఉత్సాహంగా పాల్గొన్నారు. ఉదయం చల్లని వాతావరణంలో సరస్సు ఒడ్డున చెట్ల నీడలో సాగిన ఈ హైక్ కార్యక్రమం ఆరోగ్యం, స్నేహం, ఐక్యత అనే నిజమైన తానా స్ఫూర్తిని ప్రతిబింబించింది
హైక్ అనంతరం అందరూ రుచికరమైన భారతీయ అల్పాహారం, తాజా డోనట్స్ మరియు వేడి కాఫీని ఆస్వాదించారు. కుటుంబాలు, స్నేహితులు కలిసి ముచ్చటించుకుంటూ ఆనందంగా గడిపారు. పిల్లలు, పెద్దలు అందరూ పాల్గొన్న ఈ వేడుక వాతావరణం సంతోషకరంగా, ఆత్మీయంగా నిలిచింది.
ఈ కార్యక్రమాన్ని తానా ప్రాంతీయ ప్రతినిధులు శేఖర్ కొల్లు మరియు మధుకర్ యార్లగడ్డ సమర్థవంతంగా ప్లాన్ చేసి విజయవంతంగా నిర్వహించారు. వీరికి తానా అట్లాంటా నాయకులు శ్రీనివాస్ లావు, అంజయ్య చౌదరి లావు, భరత్ మద్ది నేని, సునీల్ దేవరపల్లి, రాజేష్ జంపాల, ఉప్పు శ్రీనివాస్, సోహిని అయినాల, మాలతి నాగభైరవ, ఆర్తిక ఆన్నే, పూలాని జస్తి, వినయ్ మద్ది నేని, కోటేశ్వర రావు కందిమళ్ళ, యశ్వంత్ జొన్నలగడ్డ, నరేన్ నల్లూరి తదితరులు మద్దతు మరియు ప్రోత్సాహాన్ని అందించారు.
హైకింగ్ మార్గాన్ని జాగ్రత్తగా ప్లాన్ చేసిన రాజేష్ జంపాల గారికి, అలాగే సురక్షితమైన, ఆనందదాయకమైన అనుభవం కోసం మార్గదర్శకత్వం అందించిన యశ్వంత్ జొన్నలగడ్డ గారికి ప్రత్యేక అభినందనలు తెలిపారు.
అంకితభావంతో సహకరించిన వాలంటీర్లలో ఫణి జమ్ముల, చైతన్య కోరపాటి, పవన్, శివ నాగ తోట తదితరులు ముఖ్యపాత్ర పోషించారు. సెటప్, లాజిస్టిక్స్ మరియు సమన్వయంలో వీరి కృషి విశేషంగా నిలిచింది.
ఈ కార్యక్రమానికి లైసెన్స్డ్ ఫైనాన్షియల్ మార్ట్గేజ్ ప్రొఫెషనల్ సాయిబాబు మద్దినేని స్పాన్సర్గా వ్యవహరించారు. ఆయనను తానా నాయకులు అంజయ్య చౌదరి లావు గారితో పాటు ఇతర నాయకులు ఘనంగా సన్మానించారు.
సంస్థాపకుల అంకితభావం, వాలంటీర్ల కృషి, పాల్గొన్న సభ్యుల ఉత్సాహం.. ఇలా అన్నీ కలగలిసి తానా హైక్ అండ్ కనెక్ట్ కార్యక్రమం అట్లాంటా ప్రాంతంలో మరో స్ఫూర్తిదాయకమైన విజయవంతమైన వేడుకగా నిలిచింది.
