Samantha: నాగచైతన్యతో విడాకులు తీసుకుంటున్నట్లు ప్రకటించిన తర్వాత నుంచి సమంత ఫోకస్ మొత్తం తన కెరీర్పైనే పెట్టినట్లు కనపిస్తోంది. ఈ క్రమంలోనే వరుసగా సినిమాలకు ఓకే చెప్తూ.. విభిన్న పాత్రలను ఎంచుకునేందుకు మక్కువ చూపుతున్నట్లు తెలుస్తోంది. కాగా, సామ్ త్వరలోనే బాలీవుడ్లోకి అడుగుపెట్టనున్నట్లు ఇటీవలే వార్తలు చక్కర్లు కొట్టాయి. సామ్ చేయబోయే సినిమాకు తాప్సీ పన్ను నిర్మాతగా మారనున్నట్లు సమాచారం. ఇలా తన బాలీవుడ్ ఎంట్రీపై వస్తోన్న కథనాలపై తాజాగా ఓ ఇంటర్వ్యూలో స్పందించింది సమంత.
మంచి స్క్రిప్ట్ వస్తే తప్పకుండా బాలీవుడ్లో నటించేందుకు సిద్ధంగా ఉన్నట్లు తెలిపింది. బాలీవుడ్లోనూ తనకు సినిమాలు చేయాలని ఆసక్తిగా ఉందని పేర్కొంది. ఓ ప్రాజెక్టు ఓకే చెప్పడానికి భాష పెద్ద సమస్య కాదంటోంది ఈ ముద్దుగుమ్మ. కథలో జీవం ఉండి.. ఆ పాత్రకు నేను సెట్ అవుతానా?.. పాత్రకు పూర్తి న్యాయం చేయగలనా? అనే చూసుకుంటానని.. ఇలా ప్రాజెక్టుకు ఓకే చెప్పే ప్రతిసారి తనను తాను ప్రశించుకుంటానని చెప్పింది సామ్.
బాలీవుడ్ దర్శకుడు రాజ్ అండ్ డీకే రూపొందించిన ఫ్యామిలీ మ్యాన్ 2 వెబ్సిరీస్తో సమంత బాలీవుడ్ ప్రేక్షకులకు పరిచయమైంది. ఈ సిరీస్లో సామ్ నెగెటివ్ రోల్ ఉన్న పాత్రలో కనిపించి అలరించింది. ఇటీవల శాకుంతల సినిమా షూటింగ్ పూర్తి చేసుకున్న సమంత.. వరుసగా ఒక్కో ప్రాజెక్టును పట్టాలెక్కిస్తోంది. మరోవైపు పుష్ప సినిమాలో ఐటెం సాంగ్లో కనిపించనుంది. ఒక వేళ సామ్ బాలీవుడ్లో అడుగుపెడితే.. అక్కడ ఎలాంటి ట్రెండ్ సృష్టిస్తుందో చూడాలి మరి.
