Pawan kalyan: టాలీవుడ్లో ఉన్న టాప్ 10 సినిమాటోగ్రాఫర్స్లో రవి కె చంద్రన్ ఒకరు. అయితే, ఈయన టాలెంట్కు పవర్స్టార్ పవన్కల్యాణ్ ఫిదా అయ్యారు. పవన్ హీరోగా నటిస్తున్న భీమ్లానాయక్ ఇటీవల షూటింగ్ పూర్తి చేసుకుంది. ఈ క్రమంలోనే పోస్ట్ ప్రడక్షన్ పనుల్లో భాగంగా ఎడిటింగ్ చేసిన ఫుటేజీని చూసిన పవన్.. విజువల్స్తో చాలా ఇంప్సెస్ అయ్యారు. ఈ నేపథ్యంలోనే పవన్, త్రివిక్రమ్, సాగర్ కె చంద్ర, ఇతర యూనిట్ సభ్యులు చంద్రన్ ఇంటికి వెళ్లి అభినందనలు తెలిపారు. ఇందుకు సంబంధించిన ఫొటోలను రవి కె చంద్రన్ ట్విట్టర్ వేదికగా పంచుకున్నారు. పుష్పగుచ్చంపై పవన్ స్వయంగా రాసిన ప్రత్యేక నోట్ ఉంది. ప్రియమైన రవి కె చంద్రన్ సర్.. భీమ్లానాయక్లో మీ విజువల్స్ నిచంగా అద్భుతం, ఈ సినిమాలో మీరూ భాగమైనందుకు చాలా సంతోషంగా ఉంది. అని నోట్లో రాశారు పవన్ కల్యాణ్.
Humbled by the magnanimous way @PawanKalyan garu expressed his views after watching the edited footage of #Bheemlanayak and a wonderful hand written note from PK sir and #Trivikram sir made my day. pic.twitter.com/GLDOcWOhyp
— ravi k. chandran (@dop007) November 12, 2021
పవన్ ప్రస్తుతం మరో రెండు మూడు సినిమాలు ఒప్పుకున్నారు. క్రిష్ దర్శకత్వంలో హరిహర వీరమల్లు సినిమా చేయనుండగా.. హరీశ్ శంకర్తో మరో సినిమాకు ఒప్పందం కుదుర్చుకున్నారు. ప్రస్తుతం చేస్తున్న భీమ్లానాయక్ సినిమా నుంచి విడుదలైన పోస్టర్లు, సాంగ్లు ప్రేక్షకులను అమితంగా ఆకట్టుకుంటున్నాయి. ఇక ఇటీవల వచ్చి లాలా భీమ్లా పాటకు మిలియన్ల వ్యూస్ వస్తున్నాయి. ఈ క్రమంలోనే సినిమా ఏ రేంజ్లో ఉండనుందో అని అంచనాలు మొదలయ్యాయి. సాగర్ కె చంద్ర ఈ సినిమాకు దర్శకత్వం వహించారు. రానా కూడా ఇందులో నటిస్తున్నారు. వచ్చే ఏడాది సంక్రాంతి కానుకగా ఈ సినిమా విడుదల కానుంది.
