Cooler Cooling Tips: వేసవికాలంలో ఉష్ణోగ్రతలు రికార్డు స్థాయిలో నమోదవుతుంటాయి. అంత వేడికి బయటే కాదు.. ఇంట్లో ఉండడం కూడా ఇబ్బందిగానే ఉంటుంది. ఎందుకంటే ఉష్ణోగ్రతలో పెరుగుదల ఒక స్థాయి దాటిన తర్వాత వేడి అధికమవుతుంది. దీనివల్ల ఇంట్లో ఉండడం కూడా ఒక రకంగా ఇబ్బంది గానే ఉంటుంది. ఉక్క పోత.. వేడి వల్ల పది నిమిషాలు కూడా ఇంట్లో కూర్చోడానికి అవకాశం ఉండదు. అలాంటప్పుడు చల్లటి వాతావరణాన్ని చాలామంది కోరుకుంటారు.
ఎండాకాలంలో మనం ఉంటున్న ఇల్లు లేదా గది చల్లగా ఉండాలంటే చాలామంది ఏసి ఉంటే బాగుండు అనుకుంటారు. కానీ ఏసీల ధరలు చాలామంది భరించలేరు. పైగా కరెంటు బిల్లుల భయం ఉండనే ఉంది. ఇలాంటప్పుడు తక్కువ ధరలో కూలర్ కొనుగోలు చేసే.. దానిని వాడితే ఉపయోగం ఉంటుంది. అయితే ఏసీ మాదిరిగా గదిని కూలర్ చల్లబరచలేదు. దీనికోసం చాలామంది రకరకాల ప్రయత్నాలు చేస్తుంటారు. అయినప్పటికీ గది చల్లగా మారలేదు.
కూలర్ అనేది నీటిని ఆవిరిచేసి చల్లని గాలిని బయటికి పంపిస్తుంది. అదే సమయంలో వేడి గాలిని పీల్చుకుంటూ ఉంటుంది. అయితే గదిలో వేడి అధికంగా ఉన్నప్పుడు కూలర్ పంపించే చల్లగాలి సరిపోదు. దానివల్ల ఎంతసేపు కూలర్ తిరిగినా సరే గది అనేది చల్లగా మారదు. ఇలాంటప్పుడు గది చల్లగా మారాలి.. అది కూడా స్వల్ప కాలంలో జరగాలంటే.. ఓపెన్ చేసిన కిటికీ లేదా తలుపు దగ్గర కూలర్ పెట్టాలి. దీనివల్ల కూలర్ స్వచ్ఛమైన గాలిని తీసుకుంటుంది. ఆ తర్వాత గది వేగంగా చల్లబడాలంటే కూలర్లు ఐస్ లేదా చల్లని నీళ్లు పోయాలి. ఫ్యాన్ ఆన్ చేసే 15 నిమిషాల ముందు పంప్ స్టార్ట్ చేయాలి. దీనివల్ల కూలింగ్ ప్యాడ్స్ సమానంగా తడిసిపోతాయి. ఫలితంగా గది అత్యంత వేగంగా చల్లగా మారుతూ ఉంటుంది. దీంతో ఏసి వేసుకున్న అనుభూతి కలుగుతుంది. ఎండాకాలంలో కూలర్లు ఉన్నవాళ్లు ఈ పని చేస్తే గదులు త్వరగా చల్లబడతాయి. అంతేకాదు ఏసీ వాడుతున్న అనుభూతి కలుగుతుంది.
