Indian Army: ప్రపంచ దేశాల్లో ప్రభావవంతమైన సైన్యాలు ఉన్న దేశాలలో మన దేశం కూడా ఒకటి. మన దేశంలో 15 లక్షలకు పైగా సైనికులు ఉన్నారు. ఈ సైనికులు దేశ రక్షణ కొరకు ఎంతగానో కృషి చేస్తున్నారు. త్వరలో దేశంలోని సైనికుల కొరకు కంబాట్ యూనిఫామ్ అందుబాటులోకి రానుంది. ఈ కంబాట్ యూనిఫామ్ కు ఎన్నో ప్రత్యేకతలు ఉన్నాయి. ఈ కంబాట్ యూనిఫామ్ ను ధరిస్తే ఎలాంటి వాతావరణంలో అయినా ఇబ్బందులు లేకుండా విధులు నిర్వహించవచ్చు.
70 శాతం కాటన్‌, 30 శాతం పాలిస్టర్‌ తో తయారైన ఈ యూనిఫామ్ మన్నిక కూడా ఎక్కువ కాలం ఉంటుందని సమాచారం. అతిశీతల, ఉష్ణప్రాంతాల్లో కూడా ఈ యూనిఫామ్ ను ధరించవచ్చు. వాతావరణ పరిస్థితులకు అనుగుణంగా ఈ డ్రెస్ యొక్క రంగు మారుతుంది. ఈ విధంగా రంగు మారడం వల్ల సైనికులు దక్కున్నా శత్రువులు గుర్తు పట్టే విషయంలో ఇబ్బందులు ఎదురవుతాయి.
నేషనల్ ఇన్స్టిట్యూట్ ఆఫ్ ఫ్యాషన్ టెక్నాలజీ ఈ యూనిఫామ్ ను సిద్ధం చేసింది. ఇతర దేశాల యూనిఫామ్ లతో పోలిస్తే మెరుగ్గా ఈ యూనిఫామ్ ఉండటం గమనార్హం. ఈ సైనిక యూనిఫామ్ వల్ల సైనికులకు ఎంతగానో ప్రయోజనం చేకూరనుందని చెప్పవచ్చు.
