Bishnoi community : బిష్ణోయ్‌ సమాజం.. ఒక గొప్ప, ఉన్నతమైన కార్యం.. ప్రకృతి సంరక్షణలో కీలక పాత్ర..

Bishnoi community : బిష్ణోయ్‌ సమాజం(Bishnoy Comunity)ప్రకృతి సంరక్షణలో కీలకపాత్ర పోషిస్తోంది. 15వ శతాబ్దంలో గురు జంభేశ్వర్‌ ద్వారా స్థాపించబడింది. ఆయన 29 సూత్రాలను రూపొందించారు, వీటిలో చాలా వరకు పర్యావరణ సంరక్షణ(Nature protaction) మరియు జీవుల పట్ల కరుణను ప్రోత్సహిస్తాయి. ఈ సూత్రాలు ఆధారంగా, బిష్ణోయ్‌లు చెట్లను కొట్టడం, జంతువులను హాని చేయడం వంటివి కఠినంగా నిషేధిస్తారు. రాజస్థాన్‌లోని థార్‌ ఎడారిలో సమృద్ధిగా వృక్షాలను పెంచడం, జంతువులను సంరక్షించడం, నీటిని సేకరించడం వంటి పనులకు ప్రసిద్ధి చెందింది.

బిష్ణోయ్‌ సమాజం భారత దేశంలో ప్రకృతి పరిరక్షణలో కీలక పాత్ర పోషిస్తోంది. వనరులను సంరక్షిస్తోంది. 1730లో కేజర్లీ గ్రామంలో అమృతా దేవి(Amrutha Devi) అనే బిష్ణోయ్‌ మహిళ, తన విశ్వాసాన్ని, పవిత్రమైన కేజ్రీ చెట్లను రక్షించడానికి చెట్లను కౌగిలించుకుంది. ఆమెతోపాటు 362 మంది బిష్ణోయ్‌లు కూడా ఈ పోరాటంలో పాల్గొని, తమ ప్రాణాలను త్యాగం చేశారు. ఈ సంఘటన భారతదేశంలో తొలి పర్యావరణ ఉద్యమాలలో ఒకటిగా పరిగణించబడుతుంది. ఆధునిక ‘చిప్కో ఉద్యమం‘కు(Chipko movement)స్ఫూర్తిగా నిలిచింది.

ప్రకృతి ప్రాముఖ్యత, రక్షణ
పచ్చని చెట్లను నరకరాదు.
జంతువులను హాని చేయరాదు, వాటికి ఆశ్రయం కల్పించాలి.
నీలం రంగు బట్టలు ధరించరాదు, ఎందుకంటే దానికి ఉపయోగించే రంగు పొదలను నాశనం చేస్తుంది.
ఈ సమాజం బ్లాక్‌బక్‌ (కృష్ణమృగం), చింకారా వంటి వన్యప్రాణులను తమ కుటుంబ సభ్యుల్లా భావిస్తుంది. బిష్ణోయ్‌ మహిళలు అనాథ జంతువులకు తల్లిలా పాలు ఇవ్వడం, పురుషులు వేటగాళ్లను ఎదిరించడం వంటి చర్యలు వారి అసాధారణమైన జీవప్రేమను చాటుతాయి.

అందరికీ సందేశం
ప్రకృతి లేకుండా మనిషి జీవనం అసంభవం. బిష్ణోయ్‌ సమాజం ఈ సత్యాన్ని గుర్తించి, తమ జీవన విధానంలో పర్యావరణ సంరక్షణను ఒక జీవన శైలిగా మలచుకుంది. వారి త్యాగం మరియు నిబద్ధత నుండి మనం నేర్చుకోవాల్సిన పాఠాలు ఎన్నో ఉన్నాయి. ప్రకృతిని గౌరవించండి, దానిని కాపాడండి.
వనరులను అతిగా దోచుకోకుండా సమతుల్యంగా ఉపయోగించండి.
జీవుల పట్ల కరుణ చూపండి, వాటి హక్కులను గుర్తించండి. ఈ సందేశాన్ని అందరికీ చేర్చడం ద్వారా, మనం కూడా బిష్ణోయ్‌ సమాజం లాంటి ఉన్నత లక్ష్యాలను స్వీకరించి, ప్రకృతి సంరక్షణలో భాగస్వాములం కావచ్చు.